Dagblaðið Vísir - DV - 25.03.1998, Blaðsíða 12

12
MIÐVIKUDAGUR 25. MARS 1998
Spurningin
Hvað finnst þér gott
að borða?
Páll Stefánsson ljósmyndari: Fisk
í súrsætri sósu með feitu lamba-
kjöti. Bland af öllu saman.
Kristín Stefánsdóttir móttökurit-
ari: Nautalundir.
Helgi Pálsson: Lambalifur.
Bjarni Kristjánsson: Steikta ýsu.
Rún Halldórsdóttir: Lax.
Lesendur
Fólk deyr af
reykingum
Afleiöingar reykinga mældar í apóteki.
Matthías Kristiansen skrifar:
Nýlega varð nokkur hvellur í fjöl-
miðlum þegar Tóbaksvarnaráð
benti á að reykingafólki væri hætt-
ara við fjarvistum úr vinnu en öðr-
um. Gagnrýnin byggðist á því að
það væri illa gert að stefna atvinnu-
öryggi 30% þjóðarinnar yfir 16 ára
aldri í hættu, atvinnuöryggi reyk-
ingafólksins. Þessi gagnrýni er vita-
skuld út í hött. Tóbaksvamaráð var
einungis að benda á að reykingafólk
stefnir sjálft atvinnuöryggi sínu og
lífi í hættu. Áhugavert er að lita
nánar á smádæmi.
ímyndum okkur að flugfélagið
„SmokAir" fljúgi árlega með 30%
allra fullorðinna íslendinga i breið-
þotum sínum. Fólk flýgur í austur
og vestur, en sá böggull fylgir
skammrifi að árlega ferst ein þota
„SmokAir" og með henni 300
manns. Þannig hefur þetta gengið
býsna lengi en samt heldur fólk
áfram að fljúga og farast með
„SmokAir".
Er líklegt að islensk flugmálayfir-
völd og aðrir ráðamenn myndu
sætta sig við að láta bara prenta á
flugmiðana aðvörun um að það geti
verið hættulegt að nýta sér
„SmokAir“? Að sjálfsögðu ekki.
Flugvélar yrðu kyrrsettar, flugfélag-
inu gert að fara yfir aUa öryggis-
þætti og farþegar myndu flykkjast
yfir tU keppinautarins, i þessu til-
viki „CleanAir". - Að lokum yrði
gamla flugfélagið „SmokAir" ein-
ungis óþægUeg minning og áþján
fjölskyldna þeirra sem enn syrgja
þá 300 sem árlega fórust.
Talan 300 er ekki út í hött því ár-
lega deyja um 300 manns á íslandi
af völdum reykinga, eða nær einn á
dag. í Bandaríkjunum er þessi tala
300.000 sem samsvarar því að um
1.000 breiðþotur farist árlega, eins
og fram kom nýlega. Málið er bara
það að þetta fólk deyr í þögn, það
þjáist lengur en þeir sem farast í
flugslysum. Enginn hávaði er gerð-
ur út af hverju andláti fyrir sig og
reykingar halda áfram nær óátalið
því hagsmunirnir eru það miklir að
erfitt hefur reynst að hrófla við
þeim.
Margir af vinum mínum og kunn-
ingjum hafa veikst og dáið fyrir ald-
ur fram á síðustu árum. Allir
reyktu þeir.
Hagur kaupfélaga
- ekki neytenda
Valur Fr. Jónsson skrifar:
Það er erfitt að trúa því að sá
tími eigi eftir að koma aftur að kjöt
verði geymt frá sláturtíð til næstu
sláturtíðar í frystigeymslum sem
eru kerfinu þóknanlegar, til þess
aftur að þóknanlegir aðilar fái
greidd geymslugjöld úr opinberum
sjóðum. - Síðan verði útsala á árs-
gömlu kjöti til þess að rýma frysti-
geymsluna fyrir nýju kjöti, sem svo
aftur er geymt í ár. - Eða hvernig á
hinn almenni neytandi, fólkið í
Reykjavík og víðar, að geta skilið
og sætt sig við það að þurfa að lúta
duttlungum forystumanna í land-
búnaði sem bera hag kaupfélaga
fremur fyrir brjósti en hag neyt-
enda?
Það á ekki að skipta neytendur
nokkru máli hvaðan kjötið er né
hvar var slátrað eða fyrh hvern,
fái þeir sitt kjöt þegar þeh þurfa og
vilja, á sama verði alls staðar. -
Þurfa ekki einhverjir heiðursmenn
að segja af sér einhverjum nefnda-
og stjórnarstörfum til þess að geta
af trúmennsku starfað fyrir þann
aðila sem þeir telja að þurfi þess
helst með?
R-listinn ekki framboð
alþýðuflokksmanna
Magnús Sigurðsson skrifar:
Þótt ótrúlegt megi virðast, er ekki
útilokað að forystumenn núverandi
samstarfsflokka Alþýðuflokksins í
Reykjavík hafi ásett sér að enginn
alþýðuflokksmaður sitji í borgar-
stjórn Reykjavíkur næstu fjögur
árin. En eins og menn vita gáfu hin-
ar nýju og sérkennilegu prófkjörs-
reglur Reykjavíkurlistans stuðn-
ingsmönnum hvers flokks færi á að
hafa áhrif á hverjh kæmust í öruggt
sæti á vegum annarra flokka.
Þegar reglumar voru samþykkt-
ar, af fáum mönnum og í fljótheit-
um, gerðu menn það í því trausti að
þessh möguleikar yrðu ekki mis-
notaðir. Niðurstaðan varð svo sú að
tveir menn sáu sér leik á borði að
komast áfram á vegum flokks þar
[U^fÍlMlP)Æ\ þjónusta
- eða hringið í síma
5000
Wnfíli kl. 14 og 16
allan sólarhringiniKÍ
JlfUnr QQ on
R-listafólk fagnar niðurstöðu prófkjörs.
sem þeh hafa aldrei starfað. Og þá
vitanlega með þeim afleiðingum að
einn „samstarfsflokkanna" fjögurra
fær engan mann í borgarstjórn.
Þessir tveir menn geta ekki með
nokkra móti talist fulltrúar alþýðu-
flokksfólks í borgarstjórn. - Annar
þeirra starfaði áratugum saman í
þeim flokki sem ijærst allra liggur
Alþýðuflokknum, Framsóknar-
flokki, og gekk ekki í Alþýðuflokk-
inn fyrr en rétt fyrh prófkjör þegar
útlit var fyrir að óflokksbundnh
gætu ekki gefið kost á sér í prófkjör-
inu.
Hinn „frambjóð-
andi Alþýðuflokks-
ins“ hefur ekki
einu sinni gengið í
Alþýðuflokkinn að
nafninu til. Jafnvel
efth að hann hefur
náðarsamlegast
þegið að taka við
vegtyUum fyrir
hönd flokksins, get-
ur hann ekki hugs-
að sér að ganga í
hann! - Það er því
ljóst að sé enginn
raunverulegur al-
þýðuflokksmaður
meðal 8 efstu á
Reykjavíkurlistan-
um er Reykjavíkurlistinn ekki
framboð alþýðuflokksmanna.
Sama sagan og gerðist 1990 verð-
ur ekki endurtekin. Þá var Alþýðu-
flokkurinn talinn á að bjóða ekki
fram heldur styðja hamboð sem hét
Nýr vettvangur. Þá voru alþýðu-
flokksmenn setth þannig á listann
að enginn þeirra komst í borgar-
stjórn. Þótt ýmsir virðist halda að
alþýðuflokksmenn láti bjóða sér
slíkt aftur þá er það misskUningur.
Alþýðuflokksmenn láta ekki enda-
laust nota sig sem hækju annarra
tU að komast í borgarstjórn.
Verulega
sjúk þjóð
Kristjana skrifar:
Miðað við mannfjölda hér á
landi sem er ekki nema brot af því
sem gerist i einni borg í ná-
grannalöndunum hlýtur íslenska
þjóðin að vera verulega sjúk. Ef
aUh eru taldir, sem þiggja aðstoð
í heilbrigðiskerfinu sakir krank-
leika, tUbúins eða raunverulegs,
þá er næstum öU þjóðin veik eða
með einhvern krankleika. Þurfum
við ekki verulegrar sjálfsskoðun-
ar við gagnvart öUu þessu óheil-
brigði?
Óstundvísi
Sjónvarpsins
Hulda Guðmundsd. skrifar:
Varla líður svo dagur að
kvölddagskrá Sjónvarpsins
brenglist ekki meha eða minna.
Ekki var sl. fostudagskvöld und-
anskUið. Fyrri kvikmyndin i dag-
skránni byrjaði ekki fyrr en kl.
22.30 en átti að byrja kl. 22.15.
Þetta þykir stjórnendum RÚV
víst ekki tUtökumál, fólk sitji
heima hvort eð er og hafi ekkert
annað að gera en að bíða bara
þar tU Sjónvarpinu sýnist svo
með næstu dagskrárliði. En hér
er stórt dæmið um vanstjóm og
engu að treysta þegar vanhæfir
stjórnendur hins opinbera eru
annars vegar.
Raftækjaæðið
Lára skrifar:
Ég er ein þehra sem hef verið
að kanna verð á raftækjum sem
komin eru á markað hér og aug-
lýst á mun lægra verði en áður
hefur þekkst. Ég var fljót að ná
mér í þau tæki sem ég taldi að
væru að ganga sér tU húðar á
mínu heimUi. Þau voru ekki mörg
en ég áleit að slík tUboð kæmu
ekki aftur eða héldust ekki lengi.
Vonandi verður þó svo. Ég skil
ekki að almennar raftækjaversl-
anh standist þessum tilboðum
snúning. Hvers vegna lækkuðu
þær ekki verðið hjá sér? En þeh
höfðu ekki frumkvæðið og verða
því undh í samkeppninni.
Uppsagnir Flug-
félags íslands
Aðstandandi skrifar:
Ég las blaðagrein Kjartans
Norðdahls flugstjóra og lögmanns
nýlega þar sem hann gagnrýndi
stjórnendur Flugfélags íslands og
segh uppsagnir þær sem dundu
yfir hjá félaginu nýlega óhæfu. Ég
er hjartanlega sammála Kjartani.
Hann talar um gunguskap stjórn-
enda félagsins sem hafi flúið land
meðan á ósköpunum stóð og öll
framkoma þehra hafi verið óverj-
andi með öllu. Kjartani á að vera
fullkunnugt að þessi framkoma
var innleidd hjá Flugleiðum hf. af
fyrrverandi stjórnarformanni og
forstjóra og hefur væntanlega
talist til eftirbreytni hjá núver-
andi stjórnendum. Stéttarfélög
eins og VR hafa svo tekið undh
ósómann og stutt stjórnendur
Flugfélags íslands með því að haf-
ast ekki aö fyrh hönd félags-
manna sinna.
Engin sunnu-
dagsleikrit
Steinn hringdi:
Þau entust ekki lengi sunnu-
dagsleikrit Sjónvarpsins. Aðeins
tvö eða þrjú og punktur og basta.
í staðinn eru sýndar íslenskar
kvikmyndh á sunnudagskvöld-
um. Ég er ánægður með það og
fannst t.d. síðasta myndin „Með
allt á hreinu" verulega góð kvöld-
skemmtun. En maður er undrandi
á að hvorki skáld eða rithöfundar
- af öllum skaranum hér - skuli
ekki getaö hespað af leikriti til að
sýna í Sjónvarpinu. Þetta gerh
Spaugstofan og fer létt með. Hvers
vegna ekki íslenskir rithöfundar?
Leti eða hugmyndafátækt?