Dagblaðið Vísir - DV - 07.05.1998, Blaðsíða 3

FIMMTUDAGUR 7. MAI 1998
3
Fréttir
ÚtfLutningur hrossa frá ósýktum svæðum heimilaður:
Hagsmunir stangast
á og stefnir í átök
- getur stefnt landsmótinu í hættu
DV, Akureyri:
„Ég held að það sé ljóst að sú
ákvörðun að leyfa útflutning á hross-
um frá landshlutum þar sem hrossa-
sóttin hefur ekki komið upp muni
leiða til þess að það verður dregið í
lengstu lög að leggja niður vamarlín-
ur. Ég sé það alveg fyrir mér að hags-
munaaðilar í útflutningi hér norðan-
lands og á öðrum ósýktum svæðum
munu berjast með oddi og egg fyrir
því að vamarlínum verði haldið, ekki
bara til 1. júlí heldur áfram,“ segir
Sigfús Ólafur Helgason, formaður
Hestamannafélagsins Léttis á Akur-
eyri og framkvæmdastjóri Melgerðis-
mela í Eyjaíirði þar sem halda á
landsmót hestamanna 8.-12. júlí.
Sigfús segir það alveg ljóst að sú
staða sé komin upp að hagsmunir
hrossaútflytjenda annar svegar og
annarra hestamanna hins vegar
stangist á og stefnt geti í átök þessara
aðila og þá telja margir að ákvörðun-
in um útflutning geti stefnt landsmót-
inu f hættu. Ljóst er að landsmót verð-
ur ekki haldið meðan varnarlínur eru
uppi og jafnljóst að verði varnarlínur
felldar niður muni útflutningur
stöðvast um leið.
„Sú staða er komin upp að hags-
munir virðast skarast. Hitt er annað
mál að landsmótið er ekki bara lands-
mót okkar framkvæmdaaðila. Þetta
mót er ekkert annað en markaðssetn-
ing á íslenska hestinum og ef það er
ekki hrossaræktendum til góða þá hef
ég misskilið málið. t dag er ekkert
annað uppi á borðinu en að við höld-
um okkar striki við undirbúning
landsmótsins," segir Sigfús Ólafur.
Lausn til bjargar
„Ég lít á það sem lausn til að
bjarga markaðnum að leyfa útflutn-
ing á hrossum frá ósýktum svæðum.
Um leið þýðir þetta það að seinkum
verður á því að átt verði við vamar-
línur ef einhvem tíma hefur verið
einhver flötur á því yfirleitt að af-
nema varnarlínurnar,“ segir Guð-
mundur Birkir Þorkelsson, formaður
Hrossaræktarsamtaka Eyjafirðinga
og Þingeyinga.
Guðmundur Birkir segir að miðað
við það sem vitað er um hrossasótt-
ina í dag bendi allt til þess að útflutn-
ingurinn á hrossum sem senn hefst
frá ósýktum svæðum muni leggjast
niður þegar varnarlínur verði felldar
vegna Landsmóts. En stefnir f átök
hestamanna, þeirra sem vilja útflutn-
ing og varnarlínur og hinna sem
horfa til Landsmóts?
„Ég er dauðhræddur um að menn
taki vitlausan pól, sjái ekki jákvæðu
hliðarnar vegna útflutningsins og
fari í einhverm „gambít". Það hlýtur
að vera öllum í hag að hægt sé að
flytja út hross, hvaðan sem það er
gert. Annars eigmn við á hættu að
kaupendur snúi sér að ræktendum
erlendis eða að öðrum hestakynum,"
segir Guðmundur Birkir.
-gk
„Noregsforeldrar":
Samkomulag við
yfirvöld
Ekki liggur fyrir hvað barnavernd-
aryfirvöld munu aðhafast í máli
stúlkunnar sem forsjárlausir foreldrar
hennar fóru með úr landi eftir ferm-
ingarveislu hennar.
Ellý Þorsteinsdóttir hjá fjölskyldu-
deild Félagsmálastofnunar sagði við
DV að í ljósi þess að (kyn)foreldrar
stúlkunnar, sem búa í Noregi, hefðu
haft fyrirfram ákveðinn umgengnisrétt
við stúlkuna þegar þau dvöldu hér á
landi væri í raun ekki um „rán“ að
ræða.
Móðirin í Noregi lýsti því yfir í DV
að ef barnaverndaryfirvöld hér ætluðu
að láta ná í dóttur hennar mundi slíkt
ekki gerast „á meðan hún lifir“.
„Okkur er ekki kunnugt um að
þarna sé um barnsrán að ræða þannig
að í sjálfu sér eru viðbrögð okkar lítil
sem engin. Við vitum ekki annað en að
stúlkan hafi farið samkvæmt fyrirfram
ákveðnu samkomulagi og að hún komi
á þeim tíma sem búið var að ákveða.
Stúlkan lýtur forsjá fósturforeldra hér,
það var ákveðið með fyrirvara með
samþykki þeirra og vitneskju okkar að
telpan færi og myndi dvelja um
nokkurn tíma þarna hjá þeim (kynfor-
eldrunum),“ sagði Ellý. -Ótt