Dagblaðið Vísir - DV - 07.05.1998, Blaðsíða 11

PTMMTUDAGUR 7. MAÍ 1998
11
Fréttir
Fimmlembd
ær í Eyja-
firði
DV, Akureyri:
„Mér fannst hún ansi feit og hún
stundi þegar hún hreyfði sig og stóð
upp. Ég hugsaði ekkert út í það,
taldi að hún væri löt. Svo bar hún
tveimur lömbum á sunnudagsmorg-
un. Ég fór svo af bæ skömmu síðar,
eftir að hafa gefið henni hey og
vatn. Þegar ég kom aftur voru lömb-
in orðin fimm en eitt hafði drepist,
sennilega strax við fæðingu," segir
Daníel Guðmundsson, bóndi á
Helgastöðum í Eyjafjarðarsveit.
Ærin sem um ræðir er 6-7 vetra,
að sögn Daníels, og hefur aldrei
komið með fleiri en tvö lömb í einu.
Lömbin fimm voru öll stór og segist
Daníel alveg hissa á því að þau
skuli vera svona stór og hress, þau
fjögur sem effir lifa.
-gk
Daníel Guömundsson bóndi meö lömbin fjögur í fanginu.
Egilsstaöir:
Glæsihús endurnýjað
DV, Egilsstaðir:
Gistihúsið á Egilsstöðum er með
elstu steinhúsum á Héraði og þar
var rekin gisting frá 1914 og óslitið
til 1993. Það var Jón Bergsson,
bóndi á Egilsstöðum, sem byggði
gistihúsið og er það áfast við íbúð-
arhús Jóns sem hann byggði 1903-4.
Nú er verið að gera við þetta glæsi-
lega hús og þar verður opnuð gist-
ing í sumar. Húsið er á friðunar-
skrá og í bæklingi um húsið skrifar
Magnús Skúlason m.a.:
Gistihúsið er stærsta steinhús á
Austurlandi frá þessum tíma en slík
hús voru snemma byggð í landshlut-
anum. Það hefur varðveist tiltölu-
lega lítið breytt frá fyrstu tíð. Glæsi-
legt í fallegum hlutfóllum með vönd-
uðum skreytingum umhverfis
glugga og við inngang. Það stendur
í fögru umhverfi og er órofa hluti af
því. Það er ekki bara einstakt fyrir
Egilsstaði heldur landið.
Húsiö endurgert
Hjónin Gunnlaugur Jónasson og
Hulda Daníelsdóttir keyptu húsið í
vetur og ætla að hefja það á ný til
vegs og virðingar. Gunnlaugur er 3.
ættliður frá Jóni Bergssyni, dóttur-
sonur Péturs Jónssonar, bónda og
hestamanns á Egilsstöðum. Húsið
þarfnast mikilla endurbóta en hjón-
in ætla að láta allt halda sér sem
hægt er. Hurðir verða þær sömu
með upprunalegum lömum og
skrám. Gólf á að slípa og nota áfram
ef hægt er. Nýtt gólf var sett í ganga.
Ytra útliti verður haldið enda glæsi-
legt. Húsið verður málað, sett upp
nýtt eldhús og sjálfvirkt vatnsúðun-
arkerfi. Þá eru hreinlætistæki end-
umýjuð og vatnslagnir. Gunnlaug-
ur vann í 4 ár í Danmörku við að
gera upp gömul hús svo hann er vel
heima í þess konar framkvæmdum.
Gamalt hús meö góða sál
í húsinu verða 13 tveggja manna
herbergi á tveim hæðum. Á efstu
hæð eru 4 herbergi með baði en
þeim VEir breytt í það horf í tíð Ás-
dísar Sveinsdóttur sem lengi rak
gistihúsið. Gunnlaugur vonast til að
geta opnað um miðjan júní. Mikið af
munum og málverkum frá gömlum
tíma munu prýða húsið og ekki er
að efa að margir munu kjósa að
njóta þess sjarma sem þetta gamla
hús býr yfir.
í umsögn um Gistihúsið á Egils-
stöðum segir Guðrún Kristinsdóttir
minjavörður: „Sérstaða hússins
felst í stærð þess og þeirri heild sem
það myndar ásamt útihúsum, Fljóts-
húsi og skrúðgarði, svo ekki sé
gleymt að minnast á þá sögu sem
þar hefur átt sér stað. Egilsstaða-
húsið hefur sérstaka þýðingu í aug-
um heimamanna og það vekur líka
athygli aðkominna umfram önnur
hús.“
Jón Bergsson og Margrét Péturs-
dóttir byggðu húsið. Fyrst íbúðar-
hlutann 1903-4 og síðan gistihúsið
1914. Ráku þau þar gistihús og
greiðasölu til 1920. Þá tóku við bróö-
ir hans Sveinn Jónsson og kona
hans, Sigríður Fanney Jónsdóttir. Á
þessum tíma var á Egilsstöðum mið-
stöð flutninga og mannfagnaðar
hvers konar. Þar var og símstöð og
póstþjónusta til 1953. Dóttir Sveins,
Ásdís, tók viö rekstri gistihússins
1970 og rak það til 1988. Eftir það til
1993 ráku húsið tveir aðilar óvensl-
aðir fjölskyldunni. -SB
Gunnlaugur við málverk af Egilsstaðahúsinu eftir Steinþór Eiríksson.
Gamla húsið á Egilsstöðum. Til vinstri er íbúðarhlutinn og til hægri gistihús-
ið með kvistunum. DV- myndir Sigrún
BFCoodrich
Get~ic> gœðci-
og verðsámanburð
All-Terraln T/A Verð stgr.
225/75R-16 11.679,-
30x9,5-15 12.191,-
245/75R-16 13.392,-
31 x/10,50-15 13.627,-
33x/12,50-15 14.984,-
35x/12,50-15 17.834,-
Jeppadekk

SUDURSTROND 4
S: 5614110
The Art of Entertainment

DEH 345/útvarp og geislaspllari
• 4x35w magnari • RDS • Stafrænt útvarp >18 stöðva minni
• BSM • Loudness • Framhliö er hægt að taka úr tækinu
• Aðskilin bassi/diskant • RCA útgangur • Klukka
1&900,
The Art of Entertainment
KEH 1500/útvarp og segulbandstæki
> 4x22w magnari • Stafrænt útvarp • 24 stöðva mlnni
> BSM • Loudness • Framhlið er hægt að taka úr tækinu
> Aðskilin bassi/diskant
KBI 2500/útvarp og segulbandstæki
• 4x35w magnari • Stafrænt útvarp >18 stöðva minni • RDS
• BSM • Loudness • Framhlið er hægt að taka úr tækinu
• Aðskilin bassi/diskant • RCA útgangur • Klukka
800
Umbodsmenn um land allt
Reykjavík: Byggt og Búiö Vesturland: Málningarþjónustan, Akranesi. Kf. Borgfirðinga, Borgarnesi.Blómsturvellir, Hellissandi. Guöni Hallgrímsson, Grundarfiröi. Ásubúð.Búðardal Vestfirðir: Geirseyrarbúöin, Patreksfirði. Rafverk, Bolungarvík. Straumur, ísafirði.
Norðurland: Kf. V*Hún., Hvammstanga. Kf. Húnvetninga, Blönduósi. Verslunin Hegri, Sauöárkróki. Hljómver, Akureyri. Kf. Þingeyinga, Húsavík. Austurland: Kf. Hóraðsbúa, Egilsstööum. Verslunin Vík, Neskaupstaö. Suðurland: Árvirkinn, Selfossi.
Rás, Þorlákshöfn. Brimnes.Vestmannaeyjum. Reykjanes: Ljósboginn.Keflavík. Rafborg, Grindavík.