Dagblaðið Vísir - DV - 25.03.1999, Blaðsíða 2

2
FIMMTUDAGUR 25. MARS 1999
Fréttir
Hjörtur Snær, 9 ára, kemur heim í dag eftir risaaðgerðina í Svíþjóð í síðustu viku:
Hjörtur talinn |eta
gengið síðar á arinu
- sænski læknirinn vongóður um að hann geti hlaupið og hjólað með aðstoð gervifótar
Þau koma heim í dag, Guðlaug Magnúsdóttir og drengurinn hennar, Hjörtur Snær. Myndin er tekin á föstudag á
sjúkrahúsinu í Lundi - aðeins þremur dögum eftir aðgerðina stóru. DV-myndir Björn Larsson
„Við vorum að fá niðurstöður úr
sýnatöku sem gefa til kynna að
krabbameinið sé að öllum líkindum
horfið. Ég er bjartsýnn á að drengur-
inn geti gengið án þess að vera með
hækjur eftir hálft ár - síðan geti hann
jafnvel komið til með að hjóla og
hlaupa í framtíðinni," sagði Pelle
Gustavsson, læknir á ortopedisku-
deildinni á Háskólasjúkrahúsinu í
Lundi - maðurinn sem átti þátt í að
framkvæma einstaka 7 klukkustunda
aðgerð á Hirti Snæ Friðrikssyni, 9 ára
nemanda í Fellaskóla, á þriðjudag í
síðustu viku. Þá var hné og vinstri
lærleggur drengsins fjarlægður (þar
sem krabbameinið var) en fótleggur-
inn græddur á beinenda við nárann.
Drengurinn er væntanlegur frá Sví-
þjóð heim til íslands í dag með móður
sinni, Guðlaugu Magnússdóttur, og
Geirfríði systur hennar. Hann verður
þá lagður inn á Landspítalann til eft-
irmeðferðar vegna krabbameinsins
en fær þó að líkindum eitthvað að
fara heim. Síðan tekur við þjálfun
með gervifæti. Móðirin segir að ótta-
stríð gagnvart krabbameini, sem
greindist í september, sé að líkindum
á enda.
„Ég hlakka mikið til að koma
heim,“ sagði Hjörtur í samtali við DV
í gær.
Hvernig öfugi fóturinn nýtist
Sumir urðu hlessa þegar þeir sáu
DV á laugardag þar sem mynd var
birt af fótum Hjartar Snæs eftir að-
gerðina þar sem vinstri hæll er í raun
orðinn hné. Tæmar á vinstri fæti,
sem er eins og gefur að skilja orðinn
mun styttri, snúa aftur. En hvemig
skýrir læknirinn þetta:
„Jú, við græddum fótlegginn við
þannig að hællinn snýr fram og virk-
ar nú sem hné. Þannig snúa tæmar
aftur. En þannig verður hællinn
nauðsynleg liðamót fyrir drenginn.
Hann er nú í raun kominn með fót
sem virkar mjög vel þótt hann sé
styttri en áður. Fólk verður að átta sig
á því að skilyrðin fyrir því að geta
gengið eðlilega er að geta rétt úr
hnénu - það getur drengurinn nú gert
af því hann hefur liðamót um hnéð -
liðamótin felast í hnénu og sjálfum
fætinum. Síðan verður tánum stungið
niður í hulsu þar sem gervifóturinn
kemur. Þetta nýtist honum mjög mik-
ið. Fóturinn mun virka vel.
Á síðasta ári var jafhvel talað um
að taka þyrfti fótinn af. En með j>ess-
ari aðgerð, sem reyndar var alls ekki
óþekkt, nýtist fótleggurinn drengnum.
Hann geldur þess reyndar að þetta lít-
ur annkannalega út fyrir þá sem ekki
þekkja til - önnur böm og íjölskyldur
sjúklinga era fljót að venjast þessu.
En notagildið er ótvírætt. Böm sem
hafa gengið í gegnum svipaðar að-
gerðir hafa getað hlaupið og hjólað.
Ég er mjög bjartsýnn á að íslenski
drengurinn geti það líka í framtíð-
inni. Kannski er það jákvæðasta með
hann að nú þarf hann að líkindum
ekki að gangast undir skurðaðgerðir á
ný,“ sagði Pelle Gustavsson. -Ótt
Kosningayfirlýsing Samfylkingarinnar:
Aðild að ESB ekki á dagskrá
- ekki orð á varnarmál. Viðbótarkvóti verði leigður
Margrét Frímannsdóttir, alþingis-
maður og talsmaður Samfylkingar-
innar, kynnti i gær kosningastefnuyf-
irlýsingu Samfylkingarinnar. í inn-
gangi hennar segir að Samfylkingin
vilji þjóðfélag sem byggi á virkri þátt-
töku karla og kvenna í fjölskyldulífi,
atvinnulífi og við mótun samfélags-
ins. Allir skuli eiga jafiian rétt og jafn-
an aðgang að velferðarþjónustu og
samfélagslegu öryggi hvar sem þeir
búa og hvaða þjóðfélagshópi sem þeir
tilheyri. Efnahagslegt réttlæti komi í
stað auðhyggju, jöfnuður í stað mis-
réttis, virk samkeppni í stað fákeppni
og einokunar.
Margrét Frímannsdóttir sagði að
kosningamál Samfylkingarinnar
myndu hafa í för með sér um 20 millj-
örðum minni útgjaldaaukningu ríkis-
ins en verið hefur í tíð núverandi rík-
isstjómar auk þess sem vart væri að
tala um útgjaldaaukningu þar sem
ætlunin væri að afla tekna á móti með
hagræðingu í ríkisfjármálum en
stefnt væri að hallalausum fjárlögum.
Stefnt væri að fjölþrepa skattkerfi í
átt til jöfiumar þannig að millitekju-
fólk, einkum ungt fjölskyldufólk, njóti
meira skattaréttlætis en í dag, að auð-
lindagjaldi, hækkun tryggingagjalds
um 1% og umhverfis- og mengunar-
gjöldum og breyttum fjármagnstekju-
skatti sem legðist á eignafólk fremur
en eðlilegan spamað almennings.
DV spurði Margréti um sjávarút-
vegsstefhu Samfylkingarinnar. Hún
sagði að stefht væri að því að leggja
niður núverandi kvótakerfi og nýtt
kerfi taki gildi árið 2002 sem þjóðar-
sátt verði um. Markmið þess hlyti að
verða það að vemda nytjastofha og
nýta þá á hagkvæman hátt og þannig
að traust atvinna og öflug byggð hald-
ist í landinu. „Fram að þeim tíma að
nýtt kerfi verður til viljum við grípa
til ráðstafana sem m.a. yrðu í sam-
ræmi við kvótadóm Hæstaréttar. Við
viljum setja viðbótaraflaheimildir á
leigumarkað og síðan komi 5-10%
aflaheimilda á uppboðsleigumarkað á
hverju ári og að þær verði óframselj-
anlegar. Gæta verði byggðarsjónar-
miða og þess að einstakar útgerðir
geti ekki tekið til sín of mikið af því
sem á uppboðsmarkaði er,“ sagði
Margrét.
Stöðva fólksflóttann
í kosningayfirlýsingu Samfylking-
arinnar segir að þróun búsetu á Is-
landi sé ekki landsbyggðarvandi held-
ur þjóðarvandi. Treysta verði byggð í
landinu með átaki í samgöngumálum
sem miði að öflugum byggðakjömum
og stærri atvinnusvæðum, jafha bú-
setuskilyrði, auka opinbera þjónustu
og efla menntunar- og menningar-
starfsemi á landsbyggðinni. DV
spurði Margréti hver þessi meinti
vandi væri og hvaða nauðir ræki til
þess að halda öllu landinu í byggð.
Margrét svaraði því til að eðlilegt
væri að fólk hefði val um það hvar
það vildi búa en það væri jafhframt
að þjóðflutningar undanfarinna ára
væra þjóðhagslega óhagkvæmir.
„Þessir fólksflutningar þýða einfald-
lega að menn era að byggja upp sam-
bærilegar þjónustustofhanir á ný fyr-
ir sama fólkið. Þær breytingar sem
gerðar hafa verið í bæði landbúnaðar-
kerfinu og sjávarútveginum eiga auð-
vitað þátt í byggðaröskuninni."
Ekki orð um NATO
Margrét sagði að búvörusamning-
urinn gæfi landbúnaðinum nokkurra
ára svigrúm til að takast á við breytt-
ar aðstæður. Dæmið hefði ekki verið
skoðað til enda við gerð búvörusamn-
ingsins og við gerð GATT-samning-
anna.
Aðspurð um afstöðu Samfylkingar-
innar til aðildar að Atlantshafsbanda-
laginu, sem í engu er getið í kosninga-
yfirlýsingunni, sagði Margrét að
stefnan væri sú að hrófla ekki við að-
ild á næsta kjörtímabilinu. Hún sagði
að Samfylkingin vildi taka fullan þátt
í þefrri úttekt sem fyrir dyrum stæði
á vamarsamstarfinu við Bandaríkin.
Þegar hún liggur fyrir muni Samfylk-
ingin móta stefnu í málinu. Aðild að
Evrópusambandinu sagði hún ekki
vera á dagskrá sökum auðlindastefhu
þess sem hentaði íslendingum ekki.
Margrét Frímannsdóttir, talsmaður Samfylkingar, kynnir kosningayfirlýsing-
una í Iðnó. DV-mynd Teitur
Stuttar fréttir i>v
Framlagi fagnað
Svanfríður Jón-
asdóttir, þingmað-
ur Norðurlands-
kjördæmis eystra,
fagnar viðbótar-
framlagi ríkis-
stjómarinnar til
vegamála i kjör-
dæminu. Alls fara þangað 400 millj-
ónir og Svanfríður segir ekki van-
þörf á. Dagur sagði frá.
Trillukarlar ósáttir
Á fundi sem haldinn var meðal
trillukarla á Akureyri var þeirri
ákvörðun sjávarútvegsráðuneytis-
ins, að banna veiðar í Eyjafirði
fyrstu þrjár vikumar í apríl, að und-
anskildum hrognkelsaveiðum, til að
vemda hrygningarþorsk mótmælt.
Skorað er á ráðherra að breyta
reglugerðinni. Dagur sagði frá.
Ný safnaðarfstjórn
Ný stjóm var kjörin í íslenska
söfiiuðinum í Osló sL þriðjudag. Nýr
formaður er Ólafur HaÚgrímsson,
sem kemur í stað Þórhalls Guð-
mundssonar. Deilur og sundurlyndi
um prest safnaðarins hafa einkennt
safiiaðarstarfið um árabil.
Ný stjórn FBA
Guðmundur Hauksson, Sigurður
Einarsson forstjóri Kaupþings, Öm
Gústafsson, Magnús Gunnarsson og
Þorsteinn Ólafsson skipa stjóm Fjár-
festingarbanka atvinnulifsins sem
kosin var á aðalfundi bankans í gær.
Viöskiptablaðiö sagði frá.
Tap hjá íslandsflugi
Rekstrartap íslandsflugs hf. nam
um 50 milljónum króna í fyrra, eða
álíka upphæð og árið áður, sam-
kvæmt heimildum Viðskiptablaðs-
ins. Tap keppinautarins, Flugfélags
íslands, nam hins vegar 290 milljón-
um króna í fyrra, eins og fram hefur
komið á viðskiptavef Vísis.is.
Skrípaleikur
Guðmundur Árni
Stefánsson segir við-
bótarfjárveitingu til
vegamála kosninga-
útspil ríkisstjómar-
innar. - Jón Krist-
jánsson, formaður
fjárveitinganefndar
og þingmaður Austurlands, segir til-
lögur um framkvæmdir á Austurlandi
tilbúnar í dag.
Hafnar sáttatillögu
Landssími Islands hf. hefur hafn-
að sáttatillögu sem Póst- og fjar-
skiptastofiiun lagði fram í deilumáli
Landssímans og Tals hf„ vegna
beiðni Tals um samtengingu milli
fiarskiptanets Landssímans og út-
landasímstöðvar Tals og innheimtu
á reikningum vegna þjónustunnar.
Grunnlífeyrir upp um 7%
Ríkisstjómin tilkynnti í gær hækk-
un grunnlífeyris almannatrygginga
um 7% frá næstu mánaðamótum, sem
samsvarar um 1.100 krónum á mán-
uði fyrir einstaklinga en tæpum 1.000
krónum fyrir hvort hjóna, eða kring-
um 620-680 kr. eftir skatt.
Landlæknir kærður
Samtökin Mannvemd hafa sent
heilbrigðisráðherra stjómsýslu-
kæra vegna eyðublaðs sem land-
læknisembættið hefur útbúið fyrir
þá sem vilja ekki láta skrá heilsu-
farsupplýsingar sínar í miðlægan
gagnagrunn á heilbrigðissviði. Dag-
ur sagði frá.
Forsetaheimsókn
Ólafur Ragnar Grímsson, forseti
íslands, fer í opinbera heimsókn til
Eyjafjarðar dagana 18. til 20. maí nk.
Heimsóknin nær til byggða Eyja-
fjarðar og hefur sýslumaðurinn á
Akureyri óskað eftir því við sveita-
stjórnir á svæðinu að þær tilnefni
fulltrúa sinn við undirbúning heim-
sóknarinnar.
III nauðsyn
Davíð Oddsson
forsætisráðherra
sagði í samtali við
Stöð 2 að ríkis-
stjómin væri sam-
þykk loftárásunum
á Serba. Halldór
Ásgrímsson utan-
ríkisráðherra sagði árásimar illa
nauðsyn. -gk/-SÁ