Dagblaðið Vísir - DV - 10.07.1999, Blaðsíða 4

4
LAUGARDAGUR 10. JÚLÍ1999
'éttir
Grunnskólinn 1 Vesturbyggð í uppnámi vegna breytinga á skólahaldi:
Skólastjóri hættir
- og tveir aörir hafna samningaviöræðum viö bæjaryfirvöld
„Ég hef beðið um starfslokasamn-
ing og er hætt. Ég geng ekki að
svona tilboði," sagði Nanna Sjöfn
Pétursdóttir, skólastjóri á Bíldudal,
við DV í gærkvöld. Bæjarráð Vest-
urbyggðar hafði boðað skólastjór-
ana þrjá, sem fyrirhugað var að
gera að aðstoðarskólastjórum í kjöl-
far breytts skipulags skólamála í
Vesturbyggð, á sinn fund siðdegis í
gær. Fyrir lá tilboð sem bæjarráð
hafði gert þeim í fyrradag. Enginn
skólastjóranna mætti. Tveir þeirra,
’Torfi Steinsson, skólastjóri Grunn-
skólans á Birkimel, og Björg Bald-
ursdóttir, skólastjóri Grunnskólans
í Örlygshöfn, sendu bæjarráði hins
vegar bréf. Þar segir að þau hafni
því tilboði um launakjör sem kynnt
hafi verið á fundi með þeim í fyrra-
dag. Þau feli Kennarasambandi ís-
lands að fara með samningamál sin.
Niðurstaða komandi viðræðna
muni skera úr um það hvort þau
kjósi að starfa við Grunnskóla Vest-
urbyggðar eða nýta sér biðlaunarétt
sinn. Nanna Sjöfn hringdi í bæjar-
yfirvöld og kvaðst ekki mæta á
fundinn en baö um starfslokasamn-
ing.
Nanna Sjöfn sagði við DV í gær-
kvöld að ekki hefði komið til greina
að ganga að tilboði bæjarráðs eins
og það hefði verið sett fram. Það
hefði gert ráð fyrir lækkun launa
um tvo launaflokka, eða um 10.000
krónur á mánuði. Þá hefði átt að
færa hana úr stöðu skólastjóra í
stöðu aðstoðarskólastjóra og auka
kennsluskylduna -JSS
Flateyri:
Kona missir
handlegg
Kona sem var að vinna við fisk-
vinnsluvél á Flateyri missti framan
af handlegg í dag. Konan missti
handlegginn rétt fyrir neðan öxl.
Lögreglan á ísafirði var kölluð til og
var konan flutt með sjúkraflugi til
Reykjavíkur þar sem gert verður að
sárum hennar. -EIS
Vestmannaeyjar:
Færeyskur sjó-
maður týndur
Lögreglan í Vestmannaeyjum hefur
verið að leita að færeyskum sjómanni
sem hefur verið týndur síðan í nótt.
Hafði hann verið á öldurhúsi ásamt fé-
laga sínum en sá var kominn um borð
en til hins hefur ekkert spurst. Er jafh-
vel talið að hann hafi fallið milli skips
og bryggju. Lögreglan hefur leitað um
alla eyju og er að undirbúa leit með
köfurunum í höfninni. -EIS
Pólsku hjónin Barbara og Przemyslaw Lakomski ásamt sonunum Grzegorz og Arjaduysz. Þau fluttu til Þingeyrar
árið 1997 og drengirnir komu í fyrra. DV-mynd GS
Pólsk hjón meö tvo syni á Þingeyri:
Hafnarfjörður:
Vitni vantar
Erfitt fyrir fjölskyld-
una að rífa sig upp
Lögreglan i Hafnarfirði leitar
eftir vitnum að líkamsárás sem
átti sér stað fyrir utan skemmti-
staðinn Spotlight við Hverfisgötu
þann 18. apríl síðastliðinn. Sér-
staklega vill lögreglan tala við
tvær stúlkur sem komu og að-
stoðuðu þann sem varð fyrir
árásinni. Forðuðu þau honum í
burtu en ekki er vitað hvað stúlk-
urnar hétu. Þrátt fyrir að langt sé
síðan árásin átti sér stað eru
þessi vitni nauðsynleg svo hægt
sé að ljúka málinu því öðrum
vitnum ber ekki saman. Þeir sem
telja sig geta veitt lögreglu ein-
hverja aöstoð í málinu er bent á
að tala við rannsóknardeild lög-
reglunar í Hafnarfirði, í síma 555-
1166. -EIS
DV, Þingeyri:
„Við hjónin komum hingað
haustið 1997 og skildum syni okkar
eftir heima í Póllandi. Okkur lík-
aði strax afar vel hér á staðnum og
á síðastliðnu sumri ákváðum við
að fjölskyldan flytti hingað. Við
fórum því heim og náðum í synina,
sem eru 6 og 10 ára gamlir, og okk-
ur gekk vel héma,“ sagði
Przemyslaw Lakomski.
Lakomski-fjölskyldan hefur að-
lagast vel samfélaginu á Þingeyri.
Drengimir hafa verið í skóla, sá
eldri náði þar góðum árangri.
Yngri drengurinn hefur verið í
leikskólanum. Báðir hafa náð góð-
um tökum á íslensku og voru nú í
sumar meðal annars á leikjanám-
skeiðum sem íþróttafélagið Höfr-
ungur stendur að fyrir æsku stað-
arins.
„Það er gott fólk hérna, staðurinn
góður og mjög gott að starfa hjá
Rauðsíðu á meðan fyrirtækið var í
rekstri. Helst vildi ég aö það kæmist
af stað á nýjan leik. Það er mjög
leiðinlegt að bíða og bíða og vita
ekkert hvað verður. Ég vil endilega
komast í vinnu strax. Það er erfítt
fyrir fjölskylduna að þurfa að rifa
sig upp hér ef ekki verður um frek-
ari störf að ræða hér á Þingeyri. Við
munum leita fyrir okkur með vinnu
í einhverju öðra sjávarplássi hér á
landi því okkur líkar öllum vel við
landið og viljum vera hér að eilífu,"
segir Lakomski -GS
Gunni og Felix
áiríta nýju plötuna „LANDKÖNNUÐIR“
og skemmta gestum í verslun Skífunnar
Laugavegi 26 í dag kl. 14:00.
Iwona Motycka og Edyta Swiecicka frá Póllandi.
DV-mynd GS
Tvær pólskar verkakonur á Þingeyri:
Óvissan er erfið
„Við bíðum hér fram í næstu
viku og sjáum hvað verður um
Rauðsíðu. Ef vinnsla hefst að nýju í
frystihúsinu hér verðum við áfram
hérna á staðnum. Okkur hefur líkað
vel hér, það hefur að vísu verið
erfitt að vera án vinnu í sumar.
Óvissan sem fylgir biðinni er líka
erfið," sögðu þær Iwona Motycka og
Edyta Swiecicka.
Þær vinkonur komu til Þingeyrar
frá Póllandi til að starfa i frystihúsi
Rauðsíðu á staðnum. Mjög hefur
þrengt að hjá því fólki sem átti af-
komu sína undir vinnu í frystihús-
inu og hefur meðal annars verka-
lýðsfélagið á staðnum hlaupið undir
bagga með fólki. Eitthvað er um að
fólk sé farið að tínast burt frá Þing-
eyri.
„Ef viö verðum að fara héðan vilj-
um viö finna okkur störf hér á landi
því okkur hefur likað mjög vel á ís-
landi,“ sögðu þær stöllur. -GS

Enn er maður nefndur
Margir eru nefndir sem líklegir
stjórnendur hinna nýju vinnuveit-
endasamtaka, Samtaka atvinnulífsins,
sem taka til starfa í haust. Óskar
Magnússon, stjórnarformaður Baugs,
hefur verið nefndur
sem líklegur fram-
kvæmdastjóri. Nu hafa
málin hins vegar tekið
nýja ste'fnu og mun
vera áhugi á að fá
Óskar tO að taka
formennsku að sér,
jafnvel í fullu starfi.
Einar Benediktsson, fram-
kvæmdastjóri Olís, var formannsefni
en er sagður út úr myndinni. Og nú
hefur öflugur hópur atvinnurekenda
sýnt áhuga á að fá Júlíus Vifil Ingv-
arsson, borgarfulltrúa og fram-
kvæmdastjóra, að setjast í
formannsstólinn. Verið er að leita að
framkvæmdastjóra og þar hafa menn
staldrað við Jónas Fr. Jónsson, lög-
fræðing og fyrrum aðstoðarfram-
kvæmdastjóra Verslunarráðs íslands.
Eyþórs saknað
Eyþór Arnalds skildi, að mati
| stuðningsmanna sinna í Sjálfstæðis-
flokknúm, eftir sig skarð í borgar-
stjómarflokki Sjálfstæðisflokksins þeg-
ar hann yfirgaf borgar-
S málapólitíkina. Þeim
j fannst Eyþór blása lífi
jí fremur daufan hóp
} sjálfstæðismanna og
j brá því illilega er Ey-
j þór ákvað að skipta
j um starfsumhverfi
og gerast fram-
j kvæmdastjóri Íslandssíma.
Stuðningsmenn Eyþórs telja að ef sjálf-
stæðismönnum takist ekki að brýna
klærnar og verða harðari í stjórnar-
andstööunni í Ráðhúsinu, verði að
kalla Eyþór aftur til leiks...
Davíðsvídeó
Hinn nýkjörni forseti borgarstjóm-
ar, Helgi Hjörvar, hefur farið á kost-
um í nokkrum greinum sem hann hef-
ur skrifað í Morgunblaðið upp á
síðkastið. í síðustu grein sinni í vik-
unni gerði Helgi lítið úr
frjálshyggjuarmi Sjálf-
stæðisflokksins sem
væri nánast allur eins
og hann leggur sig á
ríkisjötunni. Það
nýjasta hjá þessum
talsmönnum einka-
------- framtaks væri að
stofna nýtt ríkissjónvarp, Breið-
varpiö og gera Þórarin V. Þórarinsson
að ríkissímaforstjóra og æðsta yftr-
manni nýja ríkissjónvarpsins. Þá
hæddist Helgi að fyrirætlunum um aö
Ikoma á áhorfsgreiðslukerfi (Pay per
view) fyrir kvikmyndir á Breið-
bandinu. Þar með yrði til stærsta vid-
, eóleiga landsins. Hana mætti hæglega
kenna við Davíð Oddsson og ætti hún
réttflega að heita Davíösvideó...
Séra Halldór í frí
Eins og sagt var í Sandkomi í gær
: er Öm Bárður Jónsson að taka við
stöðu prests í Nessókn, þar sem hann
leysir sr. Halldór Reynisson af meðan
Halldór tekur sér árs frí. Sóknamefnd-
in mun hafa komið
saman tfl að fjalla um
í málið í ofanverðri vik-
unni og þar bar á ótta
nefndarmanna viö
reiði eins sóknar-
barna Nessóknar,
valdamikils manns
j sem býr við Lynghaga og á"
stóran hund sem heitir Tanni. Sagt er
að einn nefndarmanna hafi hringt í
biskup og beðið hann um einhvem
annan en biskup hafi sagt að um tvo
og aðeins tvo væri að ræða í afleysing-
arnar í Neskirkju, Örn Bárð eða Flóka
Kristinsson. Það er því mál manna að
annaðhvort sé biskup mjög hjarta-
hreinn eða þá á útsmoginn hátt að
sýna þeim manni sem heimtaði ritara
Kristnihátíðamefndar út hvar Davíð
keypti ölið...

Umsjón Stefán Ásgrímsson

Netfang: sandkom @ff. is
1—H—