Dagblaðið Vísir - DV - 05.08.1999, Blaðsíða 2

2
FIMMTUDAGUR 5. ÁGÚST 1999
Fréttir
Sumarhúsaeigendur i Grímsnesi skelfingu lostnir:
Þrjú dauð svín í gámi
„Við vorum orðin vön því að
svínabóndinn henti umbúðum af
gömlum pitsum sem hann fóðrar
svínin með í ruslagáminn en þegar
hann henti þremur dauðum svínum
í gáminn var okkur nóg boðið. Það
er erfítt að lýsa þeirri tilfinningu að
opna ruslagám og sjá þar þrjú dauð
svín. Mér varð illt,“ sagði sumarbú-
staðareigandi í Grímsnesinu, um
ferð sína með tusl í gám gegnt Mos-
felli í Grímsnes'. Honum lá við yfir-
liði þegar han.n opnaði gáminn.
Svínabóndinn sem hér um ræðir
býr á Bjamastöðum og heitir Lára
Sigurðardóttir:
„Þetta voru mistök. Auðvitað
hendir maður ekki dauðum svín-
um í ruslagám í sumarbústaða-
landi en við höfðum verið í sex
daga fríi og mistökin verða að
skrifast á reikning afleysingafólks
okkar. Hvað varðar pitsuumbúð-
irnar þá höfum við keypt brauð- og
pitsuafganga af bakaríi Friðriks
Halldórssonar í Kópavogi sem fóð-
„Það er erfitt að lýsa þeirri tilfinningu að opna rusiagám og sjá þar þrjú dauð
svín. Mér varð illt,“ segir sumarbústaðareigandi í Grímsnesinu.
ur handa svinunum með öðru. Um-
búðunum hef ég hent í gáminn því
ekki fæ ég gám hingað heim á hlað
á Bjarnastöðum," sagði Lára Sig-
urðardóttir.
Sumarhúsaeigendur kærðu
svinafundinn í gáminum til Heil-
brigðiseftirlits Suðurlands sem
brást fljótt við: „Málið er leyst og
svínin þrjú hafa verið urðuð.
Vandamálið virðist vera það að
svínabóndinn fær ekki gám heim á
hlað til sín en það stendur upp á
sveitarfélagið að þjónusta hann með
slíkt. Við munum ganga eftir því að
bóndinn fái gám strax og hrepps-
skrifstofurnar verða opnaðar að
loknu sumarfríi," sagði Birgir Þórð-
arson, forstöðumaður Heilbrigðis-
eftirlits Suðurlands.
Lára svínabóndi sagði aðspurð að
svínin þrifust vel á gömlu pitsunum
enda væri þetta óskemmd vara þó
dagsetningin væri útrunnin. „Og
ekki fæ ég séð að þau geri greinar-
mun á áleggi," sagði Lára. -EIR
Vigdís kona árþúsundsins
Vigdís Finnboga-
dóttir.
Ljóst er að Vigdís Finnbogadóttir
vann hug og hjörtu íslendinga með-
an hún gegndi stöðu forseta íslands.
Vigdís sigraði með
miklum yfirburð-
um í kosningu á
Vísi.is um konu
árþúsundsins.
Kosningin stóð
yfir í tvær vikur
og lauk um helg-
ina. Vigdís fékk
þrisvar sinnum
fleiri atkvæði en
Bríet Bjarnhéð-
insdóttir sem
kom næst á eftir henni. í þriðja sæti
var okkar ástsæla og heimsfræga
söngkona Björk Guðmundsdóttir.
Fjórða sætið hreppti Ólöf Loftsdóttir
hin ríka og á hæla hennar komu
Þóra Melsteð í fimmta sæti og Þurið-
ur Einarsdóttir formaður að lokum í
sjötta sætinu. Kosning þessi er sam-
vinnuverkefni Vísis.is, DV, Bylgj-
unnar og SS og er hún þáttur í viða-
mikilli könnun meðal landsmanna
um hvaða íslendingar og hvaða at-
burðir hafi mótað mest líf okkar
þessi næstum þúsund ár. Um tvö
þúsund manns tóku þátt í þessari at-
kvæðagreiðslu um konu árþúsunds-
ins. Á þriðjudag hófst kosning um
íþróttamann árþúsundsins og mun
hún standa yflr í hálfan mánuð.
„Þetta kemur mér afskaplega í
opna skjöldu," sagði Vigdis Finn-
bogadóttir er blaðamaður Vísis.is
óskaði henni til hamingju með kosn-
inguna: „Ég vissi ekkert um þetta og
er hissa náttúrlega. Ég er snortin og
flnnst þetta ákaflega fallegt. Ég spyr
bara hvort ég verðskuldi þetta. Én
mér þykir afar vænt um að fólk skuli
muna eftir mér og nefni nafnið
mitt.“ Er Vigdís frétti að Bríet Bjarn-
héðinsdóttir hefði komið næst á eftir
henni í kosningunni sagði hún sér
ekki þykja annað en að hún væri í
góðum félagsskap. Vigdís leiðrétti
einnig þann algenga misskilning að
hún væri búsett erlendis er hún var
spurð út í hvort hún væri nú á land-
inu. „Ég hef aldrei verið að heiman
öðruvísi en bara að sinna erindum,"
sagði Vigdis. „Þetta er allt saman af
því að ég kom á hjóli utan á Vikunni
þar sem ég var í Danmörku. Það
halda allir að ég búi þar og þetta er
algeng spurning." -íbk/AA
Guðni Agústsson iandbúnaðarráðherra er meðal áhorfenda á heimsmeistaramóti íslenska hestsins sem nú stendur
yfir í Kreuth í Þýskalandi. Með ráðherranum eru aðstoðarmaður hans, Sveinbjörn Eyjólfsson, og Herdís Reynisdótt-
ir í bás Eiðfaxa. Básinn er einn margra sem íslendingar eru með á mótinu. DV-mynd ej
Hvorki seljandi né kaupendur timburhúss geröu sér grein fyrir vágesti:
7 milljóna króna kaupsamn-
ingi rift vegna veggjatítlu
Nýgerðum tæplega 7 milljóna
króna kaupsamningi á timburhúsi
i vesturbæ Reykjavíkur hefur ver-
ið rift vegna þess að veggjatítla
reyndist hafa komist í burðarvirki
hússins. Hvorki kaupandi né selj-
andi vissu hvers kyns var fyrr en
eftir að kaupsamningur hafði ver-
ið gerður. Þá kom í ljós að svo
mikil viðgerð þurfti að fara fram á
húsinu að kaupendurnir treystu
sér ekki til að láta framkvæma
slíkt nema eignin yröi seld á mun
lægra verði. Enginn ágreiningur
var á milli kaupenda og seljanda
hússins um að samningnum yrði
rift.
Komið hefur á daginn að veggja-
títlur eru alls ekkert einangrað
fyrirbæri. Títlurnar hafa skotið
sér niður víðar í Reykjavík. Varð-
andi umrætt hús i vesturbænum
þarf þó langt í frá að fjarlægja það
og kveikja í því eins og gert var
við gamalt timburhús I Hafnar-
firði fyrr á árinu. Veggjatítlurnar
lifa þar ekki lengur en hafa þó gert
skaða í burðarvirkinu þannig að
talsverðar skemmdir eru þar.
Veggjatítlur eru misskæðar og
skilyrði þess að þær þrífist eru að
raki í viðnum, þar sem þær grass-
era, sé meiri en 14 prósent, lofthiti
a.m.k. 15 gráður og loftraki 60-65
Einar Skúli Hjartarson húsasmiður
með bút úr fjöl í húsi allan útétinn
eftir veggjatítluna. DV-mynd S
prósent. Einar Skúli Hjartarson
húsasmiður segir að þessar að-
stæður fyrir veggjatitlur séu
gjarnan í húsum sem sé illa við
haldið. „Þær geta grasserað í gólf-
bitum þar sem er rakt og illa loft-
ræst,“ sagði Einar. Hann segir að
títlurnar liggi í dvala séu ekki að-
stæður fyrir þær til að þrífast. Viö-
ur verður gjarnan ljósgulur og
duftkenndur ef veggjatitlur hafa
grasserað í honum.
Þeir sem vilja fá úr því skorið
hvort veggjatítlur hafi étið sig inn
í við í híbýlum þeirra geta m.a.
haft samband við Húsasmiðafélag
Reykjavíkur eða Húseigendafélag
Reykjavíkur.
-Ótt
Stuttar fréttir i>v
Dreifð eignaraðild
Vilhjálmur Egilsson, formaður
efnahags- og
viðskiptanefnd-
ar, segir
ómögulegt að
ráða því hvort
eignaraðild að
Fjárfestingar-
banka atvinnu-
lífsins verði
dreifð eftir að ríkið selur bréfin.
Það sé ekki hægt að ráða því
hvert hlutabréf fari eftir að þau
hafi verið seld en hægt sé að
stefna að einhverri dreifðri eign-
araðild í upphafi. Dagur sagði frá.
Sér um bókanir
Island Tours, ferðaskrifstofa
Flugleiða í Þýskalandi, hefur gert
samkomulag við skiptastjóra
Arktis Schele, sem varð gjald-
þrota fyrir stuttu, að sjá um far-
þega sem áttu pantað til íslands.
Mbl. sagði frá.
Pétur ekki með
Pétur Björnsson, fyrrverandi
eigandi Vífilsfells, er ekki einn af
eigendum Ocra S.A. sem keypti
stóran hlut í FBA. Þetta kemur
fram í yfirlýsingu frá Pétri sem
birtist í Morgunblaðinu en áður
hafði blaðið haldið því fram að
Pétur væri einn af eigendunum.
Morgunblaðið sagði frá.
Regína heldur áfram
Fríða Regína Höskuldsdóttir,
skólastjóri Mýrarhúsaskóla á Sel-
tjarnamesi, ætlar að halda áfram
sem skólastjóri. Þetta sagði hún i
Degi í dag en Marteinn Jóhanns-
son er í fríi og vildi ekkert tjá sig
um málið né hvað hann mun gera
í málinu. Dagur sagði frá.
Spáð blíðu um allt land
Áfram er spáð góðu veðri um
allt land og líklega mun veður-
sældin endast fram yflr helgi.
Helst getur veðrið orðið leiðinlegt
fyrir norðan.
Ragnar Arnalds vann
Ragnar Arnalds, fyrrverandi
þingmaður,
vann í gær til
verðlauna í leik-
ritasamkeppni
Þjóðleikhússins.
Leikritið sem
vann heitir
Landkrabbinn
og verðm- sýnt á
næsta ári. Keppnin var haldin í til-
efni af fimmtíu ára afmæli Leik-
hússins en um 40 leikrit bárust í
keppnina.
Vísindamenn fundnir
Breskir vísindamenn, sem voru
týndir á Sólheimajökli, eru komn-
ir í leitirnar. Björgunarsveitir
fundu mennina en þeir voru heil-
ir á húfl. RÚV sagði frá.
Rannsaka þjóðarmorð
Þrír sérfræðingar í kennsla-
nefnd/ID-nefnd ríkislögreglu-
stjóra voru sendir til Kosovo til
að bera kennsl á líkamsleifar
fórnarlamba átakanna -þar. Vinn-
an er á vegum stríðsglæpadóm-
stólsins í Haag en beiðnin um að
fá íslendingana til starfa kom frá
Interpol. Dagur sagði frá.
Konan sem lést
Konan sem lést í árekstri á mót-
um Vesturlandsvegar og Akranes-
vegar hét Sigurlína E. Kristinsdótt-
ir, til heimilis að Vallarbraut 13,
Akranesi. Sigurlína lætur eftir sig
fiögur uppkomin börn.
Einkamál Jóhannesar
Jón Magnússon, varaformaður
Neytendasam-
takanna, segir
að sú skoðun Jó-
hannesar Gunn-
arssonar að aft-
urkalla ætti
kjúklinga frá Ás-
mundarstöðum
sé hans einka-
mál. Stjórnin hafi ekki ákveðið
neitt i þessu sambandi heldur sé
Jóhannes að tjá sig um eigin skoð-
anir. Dagur sagði frá. -EIS