Dagblaðið Vísir - DV - 05.08.1999, Blaðsíða 21

FIMMTUDAGUR 5. ÁGÚST 1999
25

Fíestir íslendingar kynnast tilvonandi maka sínum á skemmtistöð-
um og byrja samband eftir það. Þó eru margir sem hafa aðra sögu
að segja og þeirra á meðal eru viðmælendur Tilveru í dag. Þeir
hafa allir kynnst maka sínum eftirfremur óvenjulegum leiðum.
Agnes Sigurþórs gjaldkeri kynntist maka sínum á golfvellinum:
„Hvorugu okkar datt þetta í hug"
gnes kynntist Jóhannesi
Snæland Jónssyni kerfls-
fræðingi á golfvelli Golf-
klúbbs Reykjavíkur i Grafarholti
árið 1993. „Ég var að pantá rástíma
uppi á golfvelli og fólkið sem ég
ætlaði með var ekki mætt. Ég ætl-
aði nú samt að spila einn hring. Þá
talaði ég við ræsinn sem úthlutar
tímum til spilaranna og hann bauð
mér að spila með núverandi eigin-
manni mínum og vini hans. Þegar
ég heyrði síðan hve lága forgjöf
þeir höfðu sagðist ég ekki geta
spilað með þeim því þeir væru
miklu betri en ég. Við spiluðum
samt saman og það var mjög
skemmtilegt. Reyndar kom ég okk-
ur öllum á óvart því ég malaði þá
báða á þriðju holunni. Ég hef gert
það oft síðan, hvemig sem á því
stendur. Það er alltaf jafngaman að
vinna.“
Tveimur dögum seinna fór Agnes
í sumarfrí til Eskifjarðar, þar sem
hún er fædd og uppalin. Hvenær
hitti hún svo Jóhannes aftur? „Þeg-
ar ég kom aftur úr fríinu hringdi ég
í hann því við höfðum rætt um að
spila golf saman í Borgamesi. Við
gerðum það og ýmislegt gerðist í
þeirri ferð. Þegar við fómm heim
aftur fóram við með Akraborginni
en ég hafði aldrei þorað það áður.
En það var mjög gaman að sigla
þama á milli.“
Spiluðuð þið bara golf í tilhugalíf-
inu? „Nei, alls ekki. Við ferðuðumst
saman og löbbuðum í Elliðaárdaln-
um því það er svo rosalega fallegt
þar. Það er mjög gaman að fara í
göngutúra í svona skemmtilegu um-
hverfi." Agnes og Jóhannes giftu
sig í október árið 1996. Datt ykkur
einhvem tima í hug að þið mynduð
kynnast maka ykkar á golfvellin-
um? „Nei, ég held að það hafi
hvarflað að hvorugu okkar. Ég
þekki heldur engan annan sem hef-
ur kynnst maka sínum á þennan
hátt.“ -HG
Hann gekk á eftir Helgu í heilt ár:
Ogeðslegt kakó gerði útslagið
g B elga Ósk Hannesdóttir og
; Þórhallur Hinriksson hitt-
HI ustíboltanum. Hvenærfóru
þau að vera saman? „Ég var búin að
vera í Breiðabliki í rúm tvö ár og
hann í um eitt ár. Þetta var 1995.
Við þekktumst ekkert en þegar við
mættumst einhvem tíma á gangin-
um í félagsheimilinu sagði hann hæ
við mig og ég sagði þá líka hæ við
hann.“ Neistaflug hefur orðið á
ganginum því eftir þetta byrjaði
Þórhallur að ganga á eftir henni um
að byrja með sér.
Helga hlær þegar hún er innt eft-
ir því hvernig það hafi verið. „Ég
var í sambandi þegar hann byrjaði
að ganga á eftir mér þannig að ég
gaf ekkert eftir. Um ári eftir að við
hittumst þarna á ganginum var ég
hætt með stráknum og þá bauð
hann mér í heimsókn. Hann lofaði
mér heitu ekta kakói, úr súkkulaði
og mjólk. Eftir dálitla umhugsun
þáði ég boðið. Kakóið var alveg
hræðilegt, iskalt og ógeðslegt,
versta kakó sem ég hef smakkað.“
En þú hefur samt heillast? „Já, því
eftir það byrjuðum við saman. Það
var alls ekki ætlunin en svona fór
þetta bara.“
Eigið þið margt sameiginlegt?
„Já, fótboltinn er auðvitað sameig-
inlegt áhugamál. Ég er enn í Breiða-
bliki en hann er núna í KR.“ Er
enginn rígur á milli ykkar? „Ja,
kannski svolítill en við styðjum
hvort annað. Fyrst fannst mér rosa-
lega skrýtið að fara á völlinn og
halda með KR. Rígurinn á milli lið-
anna er svo mikill, sérstaklega í
kvennaboltanum. Það tók nokkra
leiki að átta sig á þessu.“ Hvað
fannst vinum ykkar? „Margir vinir
okkar i boltanum vom mjög vantrú-
aðir á sambandið. Núna sjá þeir að
þetta gengur upp. Við erum mjög
ánægð saman og skiljum hvort ann-
að.“ Er brúðkaup á döfmni? „Nei,
ekki strax. Hann á eftir að biðja
mín og við eigum líka eftir að koma
okkur betur fyrir. En þetta hefur
allt sinn tíma.“ -HG
Agnes og Jóhannes kynntust í gegnum áhugamál sitt, golfíþróttina.
Úlafur H. Georgsson bauð konunni sinni far heim:
Skrifaði númerið með
augnblýantinum hennar
lafur H. Georgsson kynnt-
ist konunni sinni, Maríu I.
Hannesdóttur, með því að
bjóða henni far. Hvernig vildi það
til? „Þetta var í júní árið 1968. Ég og
vinir mínir, Gylfi Ingvason og
Hilmar Gunnarsson, vorum að
koma frá skemmtistaðnum Glaum-
bæ. Þegar ég kom út sá ég að Hilm-
ar var að elta einhverja stelpu og
hugsaði með mér hve fáránleg þessi
hegðun væri. Stuttu seinna ákváð-
um við að fá okkur snarl uppi á
Kópavogshálsi. Gylfi sótti bíl sem
við áttum svo við gætum keyrt suð-
ur í Kópavog. Þegar Gylfi kom til
baka á bílnum sá ég stelpuna sem
Hilmar hafði verið að elta. Hún var
ein og ég spurði hvort hana vantaði
ekki far heim. Hún jánkaði því og
við fórum öll af stað.
Á leiðinni spjölluðum við heil-
mikið saman og komumst að því að
við áttum fjöldamarga sameiginlega
vini og kunningja og mig langaði til
að hitta hana aftur. Ég bað um að fá
að hringja í hana. Við höfðum ekk-
ert blað eða penna þannig að hún
lánaði mér augnblýantinn sinn og
ég skrifaði númerið á handarbakið
á mér. Síðan leiddi eitt af öðra. Við
giftum okkur 1970 og eigum tvo
syni.“
Datt þér í hug þegar þú bauðst
henni far að þið ættuð eftir að eig-
ast? „Þaö flögraði ekki einu sinni að
mér. Ég var bara að gera vinkonu 0
Hilmars greiða. Það fyndna var að
hún sótti alls ekki Glaumbæ. Það
var algjör tilviljun að hún var
þarna því kunningjakona hennar
hafði dregið hana með sér, aldrei
þessu vant. Við vinirnir vorum
fastagestir á Glaumbæ en María og
vinkonur hennar sóttu Sigtún. Á
þessum tíma skiptust klikumar á
Borgina, Glaumbæ og Sigtún og
þeir sem sóttu hvern staðinn um sig
þekktu næstum hvert andlit á
staðnum en voru að sama skapi
ókunnugir þeim sem sóttu aðra
staði. Eftir að við kynntumst hætti
ég samt að sækja Glaumbæ og fór
með Maríu í Sigtún.“ -HG
María og Ólafur kynntust þannig að Ólafur bauð henni far heim.