Dagblaðið Vísir - DV - 05.08.1999, Blaðsíða 10

10
Spurningin
FIMMTUDAGUR 5. ÁGÚST 1999
Eiga konur og karlar að
hafa jafnan rétt til
fæðingarorlofs?
Magnús Þórðarson smiður: Já,
því ekki það.
Daníel Axelsson umsjónarmaður:
Já, það frnnst mér.
Huldís Sigmundsdóttir málari:
Já, þetta er alveg eins þeirra mál.
Þórey Guðmundsdóttir nemi: Já,
það á að vera jafnrétti í landinu.
Nanný Vilbergsdóttir nemi: Já,
mér finnst það.
Berglind Helgadóttir • nemi: Já,
mér finnst það.
Lesendur
Mannkynssagan og
kristnitaka á íslandi
Vilhjálmur Alfreðsson
skrifar:
Á þessari stundu
mannkynssögunnar mun
verða haldið upp á 1000
ára afmæli kristnitöku á
íslandi og væntanlega þá
2000 ára afmæli Jesú
Krists. Ritað hefur verið
að allt hafi fari friðsam-
lega fram þegar kristni-
taka á íslandi átti sér
stað. En var það svo? Eig-
um við að trúa því að
ásatrúarmenn hafi
skyndilega afskrifað sina
fallegu trú án átaka?
Þetta er eitt dæmi af
mörgum gagnvart kristn-
inni og trúnni sem upp-
lýsa þyrfti.
Eitt var það og að fyrir
um 50 árum fannst
merkilegt rit í helli við
Dauðahafið. Kristnir leið-
togar fullvissuðu almenning um að
upplýsingar þaðan hefðu ekkert er-
indi átt við okkur og í engu breytt
innihaldi Nýja testamentisins eða
skilaboðum þess. Engin furða. Allt
eru þetta embættismenn og þar með
eins konar andlausir stormsveitar-
foringjar í trúarlegum efnum.
Hvemig stendur á því að aðeins í
kristna heiminum hafa verið hönn-
uð og framleidd hræðilegustu vopn-
in í sögu mannkyns? Hvar er þá
kærleika Krists að finna í þessum
heimshluta? - Á sínum tíma sendi
ég biskupi nokkrar hugmyndir mín-
„Hvernig stendur á því að aðeins í kristna heiminum hafa verið hönnuð og framleldd
hræðilegustu vopnin í sögu mannkyns?" er m.a. spurt í bréfinu.
ar varðandi lífið og tilveruna frá
sjónarhóli kristinna manna. Engin
svör bárust.
Og enn koma upp í hugann
spurningar sem gott væri að geta
svarað, allt eins þótt ekki hafi mátt
viðra þær umfram þaö sem fram
hefur komið, en er nú ýmist gleymt
eða grafið? - Keltneskir fræðimenn
héldu því t.d. fram að Kristur hefði
einhvers konar fjölskyldutengsl í
Fom-Bretlandi. Eða hvað um þá
skoðun Adolfs Hitlers sem sagði að
Kristur hefði verið Aríi - og án þess
að þýsku kirkjurnar mótmæltu?
Maður gæti spurt endalaust án þess
að fá nokkur svör.
Stærsta spurningin hlýtur þó að
vera þessi: Hvemig stóð á því að
Guð þurfti að skapa manninn úr
mold til þess að hjálpa sér í barátt-
unni við Lúsífer, erkiengilinn og
þriðju voldugustu vemna á eftir
Guði og Kristi, eins og okkur er
kennt? Oft dettur manni nú í hug að
við hér á Jörðinni séum einhvers
konar tilraunadýr. - Ég skora nú á
biskup Islands að svara þessum
hugleiðingum mínum hér á þessum
síðum DV.
Uppgrip í blokkunum
- iönaðarmenn græöa á tá og fingri
Kristinn Jónsson hringdi:
Það er ekki að sökum að spyrja að
þegar sólin fer aö skína þá fara
menn að hamast við að gera húsin
sín fin og ásjáleg að utan. Og þarf
reyndar ekki sólskin til. Iðnaðar-
menn og verktakar láta ekki á sig fá
þótt rigni. Þeir skrapa, háþrýstiþvo
og mála jafnt þótt hann rigni. Þeim
er sama, verkið verður að klárast,
blokkimar bíða svo tugum skiptir til
að skipta um lit. Já, það eru sannar-
lega uppgrip í blokkunum, og iðnað-
armennimir græða á tá og fmgri.
En það er ekki tekið út með sæld-
inni að vera þolandi verktakanna
sem eigandi blokkaríbúðar. Þeir fá
að kenna á verðlaginu hjá verktök-
unum. Og það eru blokkareigendur
sem fá að borga. Dæmi eru um svim-
háar upphæðir í tilboðunum sem
berast blokkareigendunum. Það
skiptir oft mörgum milljónum króna
fyrir það eitt að endurmála venjulega
þriggja stigaganga blokk, fjögurra
hæða. Þetta eru tilboð sem menn geta
ekki hafnað því aðrir era á sama róli
hvað verðskalann snertir.
Og það sem verst er, það eru
vinnubrögðin. Fyrst þarf, segja þeir,
að háþrýstiþvo blokkina (sem auð-
vitað er það versta sem nokkur
steypa fær yfir sig), en handavinna
við að skrapa lausa málningu og
sparsla svo er liðin tíð. Síðan er mál-
að. Og dæmi um blokk sem sonur
minn keypti íbúð í er slíkt hörmung-
arslys í svona vinnubrögðum og íbú-
arnir sjá fram á tveggja ára langan
skuldahala fyrir verkið. Uppgripin
við blokkirnar halda þó áfram og
fáir þora að kvarta opinberlega.
Rekstur SVR í ógöngum
„SVR er rekið með vlðvarandi tapi þrátt fyrlr að rekstur þelrra sé niður-
grelddur um hálfan milljarð og hefur meðgjöfin hækkað um tæpar hundrað
milljónir á ári undanfarin ár,“ segir m.a. í bréfinu.
Skattgreiðandi í Reykjavík sendi
þennan pistil:
Af öllum þeim umræðum, viðtöl-
um og blaðaskrifum, ekki síst eftir
einn borgarstjórnarfulltrúa minni-
hlutans, Kjartan Magnússon, þar
sem rækilega hefur verið farið í
gegnum rekstur Strætisvagna
Reykjavíkur, er ljóst að SVR er eitt
verst rekna fyrirtæki í landinu.
Kostnaður á hvem ekinn kílómetra
fer t.d. verulega hækkandi og yfir-
bygging hefur jafnt og þétt hlaðist
ofan á fyrirtækið á meðan hún hef-
ur minnkað hjá flestum öðrum fyr-
irtækjum.
SVR er rekið með viðvarandi tapi
þrátt fyrir að rekstur þess sé niður-
greiddur um hálfan milljarð og hef-
ur meðgjöfm aukist um tæpar
hundrað milljónir á ári undanfarin
ár. Mörg önnur hættumerki era
áberandi þegar kennitölur fyrirtæk-
isins eru skoðaöar.
Með óbreyttu ástandi eru borgar-
yfirvöld að leggja blessun sína yflr
sóun á opinbera fé. Það er því við
hæfi að benda þeim á úrlausn sem
hefur gefist vel víða erlendis. Þar
þekkist það, og þykir sjálfsagt, að
tilsjónarmenn era settir yfir opin-
ber fyrirtæki ef rekstur þeirra og
stjórnun hefur farið úrskeiðis.
Ef það hefði verið gert á sínum
tíma i málefnum Lindar og Lands-
bankans og fleiri opinberra fyrir-
tækja hefði mátt spara íslenskum
skattgreiðendum stórfé. Það er löngu
orðiö tímabært að opinberir tilsjón-
armenn taki út rekstur fyrirtækisins
Strætisvagna Reykjavíkur og bendi
á það sem betur má fara áður en
rekstur fyrirtækisins kemst í enn
iheira óefni. - Það gæti a.m.k. komið
skattborguranum í Reykjavík betur
en að láta skeika að sköpuðu með
framhaldið á rekstri SVR.
Fræga fólkið
til Islands
Hrönn Sigurðardóttir skrifar:
Það færist sífellt í vöxt, að
heimsfrægt fólk leitar til norð-
lægra slóða í hvíld og tilbreyt-
ingu frá hinu glæsta lífi stórborg-
anna, veislanna og sólarstrand-
anna. Ekki það að allt þetta verði
ekki áfram eftirsótt, heldur hitt
að margir hinna frægu og um-
setnu vilja einfaldlega komast í
skjól frá ásókn myndavélanna og
slúöurblaðanna. Við höfum nú
fengið hér í heimsókn ekki færri
en þrjá heimsfræga menn, þá
John Kennedy yngri (nú látinn),
Kevin Costner og nú síöast Mlck
Jagger. Við eigum að verja svona
heimsóknir fyrir utanaðkomandi
ágangi en láta þessa heimsborg-
ara samt finna að við metum val
þeirra og áhuga á landinu. Þá
fáum við enn fleiri heimsóknir.
íslenskar
sjávarafurðir
- minna díoxíð, meiri hætta?
Snorri hiingdi:
Við íslendingar sleppum lík-
lega aðeins fyrir hom í bili, varð-
andi nýja reglugerð sem líta mun
dagsins ljós á vegum Evrópusam-
bandins með haustinu. Þar er um
að ræða reglugerð sem ákveða
mun leyfilegt magn ýmissa
aukefna í matvælum, þ.m.t. fiski.
Er efnið díoxíð efst á blaði. Þetta
efni erum við íslendingar ekki
lausir við í okkar fiskafurðum,
einkum í lýsi og fiskimjöli. Við
verðum í einkennilegri stöðu ef
svo fer að því meira díoxíð sem
leyft verður í þessum afurðum,
þeim mun meiri líkur eru á að
við sleppum fyrir horn með sölu
þeirra. Það verður fróðlegt að fá
úr því skorið hvort reglugerða-
fargan Evrópuríkjanna verður til
þess að kippa að fullu stoðum
undan útflutningi okkar á þess-
um afurðum. Ef svo fer verðum
við að leita annað með sölu þess-
ara afurða, t.d. til S-Ameríku.
Eða mikil vá er fyrir dyram í
sölu þessara afurða.
Til Keflavíkur
meö allt flug
Reykvíkingur á Grímstaðar-
holti hringdi:
Mig langar til að taka undir les-
endabréf í DV í gær (3. ágúst) um
að hætta við endurbyggingu
Reykjavíkurflugvallar. Þetta eru
orð í tíma töluð. Mér finnst að
borgarstjórinn í Reykjavík og
borgarstjórnin öll ætti að geta
sameinast um að skera niður alla
fjármuni til endurbyggingar flug-
vallarins, þar sem það hjálpar
líka til við að ljúka öðram fram-
kvæmdum í borginni og við sam-
göngur að og frá borgarlandinu.
Mér finnst að forsætisráðherra
ætti að látamálið til sín taka fáist
ekki fljótlega niðurstaða borgar-
innar í þessa veru. Flugvöllurinn
verður aldrei til friðs héðan af.
Drengurí
stjórnlausri
bifreið
Þórðiu: hringdi:
Maöur verður hreint lamaður
við að lesa fréttir eins og þá í DV
sl. þriðjudag, um 7 ára dreng í
stjómlausum bíl niður fjallshlíö.
Foreldrarnir viðskila við bamið
og hann reikar inn í bíl sem skil-
inn er eftir í vegkantinum í
handbremsu einni. Því var bíll-
inn ekki í gír líka og raunar lok-
aöur á meðan fólkið var úti? Mér
fmnst satt að segja að bílpróf eigi
að taka af þessum foreldrum. Það
er engin afsökun fyrir svona
kæruleysi. Alls engin. Ég tel ís-
lendinga I bíl vera allra hættuleg-
asta fólkið á faraldsfæti hér á
landi. Svona athæfi ætti að vera
refsivert og er það raunar í mörg-
um löndum með alvöruréttar-
kerfl.