Dagblaðið Vísir - DV - 12.08.1999, Blaðsíða 13

FIMMTUDAGUR 12. ÁGÚST 1999
13
Hér skjátlast Goethe
- úrskurður fyrir Laugaveg 53 b
Nýlega er fallinn
úrskurður hjá Úr-
skurðamefnd skipu-
lags- og byggingar-
mála þar sem fellt er
úr gildi byggingar-
leyfi fyrir Laugaveg
nr. 53 b. Meðal atriða
sem úrskurðarnefnd-
in tekst á við er hvort
bílgeymsla undir hús-
inu skuli teljast opin
eða lokuð. Við lestur
úrskurðarins kom
mér í hug þessi gamla
saga: Hér skjátlast
Goethe. Þjóðverjar
eru mestu ritskýrend-
ur í heimi. Þegar
kemur út bók í Þýska-
landi, kemur gjaman
út önnur fljótlega og er þá skýring-
ar við þá fyrri. Goethe segir í
sjálfsævisögu sinni frá ungri
stúlku sem hann kynntist á lífs-
leiðinni og segir: „Þessa stúlku
elskaði ég mest allra kvenna í
mínu lífi.“ Um þetta segir ritskýr-
Kjallarinn
Guðm. G.
Þórarinsson
verkfræðingur
andinn: „Hér skjátl-
ast Goethe, hann
elskaði Maríu
meira.“ Þetta hefur
að vonum þótt há-
mark allra ritskýr-
inga.
Opið bílskýli.
Úrskurðarnefndin
kemst að þeirri nið-
urstöðu að bíla-
geymsla undir bygg-
ingunni sé ekki opin.
Bílgeymsla er annað-
hvort opin eða lokuð.
Þar er ekki um fleiri
kosti að ræða. Opin
bílageymsla telst ekki
með í nýtingarhlut-
““falli lóðar samkvæmt
skipulagsreglugerð. Úrskurðar-
nefndin telur að jafnvel þó bíla-
geymslan kunni að falla undir
skilgreiningu á opnu rými sam-
kvæmt opinberri reglugerð, þá sé
sú reglugerð með stoð í lögum um
fjöleignarhús og ekkert sem segi
að hún eigi við þegar nýtingar-
hlutfall er reiknað. Þetta er athygl-
isverð fuflyrðing.
En einnig era ákvæði í reglu-
gerð um fasteignaskráningu og
fasteignamat þar sem þess er kraf-
ist að öll mannvirki skuli skráð
„Hinn almenni borgari hefur ekki
annaö aö styöjast við í máli sem
þessu en opinberar reglugeröir
og opinbera skráningu mann■
virkja. Erfítt er að fóta sig á því
hvað úrskurðarnefnd kann að
fínnast. “
samkvæmt þessum reglum. Þetta
þýðir einfaldlega það að Fasteigna-
mat ríkisins, sem samkvæmt lög-
um annast skráningu allra fast-
eigna í landinu, mundi skrá um-
rædda bílageymslu sem opna og
það gera allir byggingarfulltrúar í
landinu enda eru reglurnar gefnar
„Mat í þeim dúr sem úrskurðarnefndin setur fram getur hæglega leitt til þess að bílskýli sem væri talið opið i
Reykjavík væri talið lokað á Akureyri."
út í nafni FMR og byggingarfull-
trúa.
Hvað þýðir hugtakið opið bíl-
skýli? Bílskýli er rými. Opinberar
reglugerðir skilgreina hvað er
opið rými og þar með hvað er opið
bílskýli. Um aðrar skilgreiningar
------------1 er ekki að ræða.
Allir opinberir
aðilar mundu
skrá umrædda
bílageymslu sem
opna. En úrskurð-
arnefnd getur
ekki fallist á að
þetta sé opin bíla-
geymsla. Nefndin
freistar þess ekki
að skilgreina
hvað er opið bíl-
skýli, henni finnst þetta ekki vera
opið bílskýli.
Hér skjátlast...
Hinn almenni borgari hefur
ekki annað að styðjast við í máli
sem þessu en opinberar reglugerð-
ir og opinbera skráningu mann-
virkja. Erfitt er að fóta sig á því
hvað úrskurðarnefnd kann að
finnast. Einum finnst annað en
öðram. Mat í þeim dúr sem úr-
skurðarnefndin setur fram getur
hæglega leitt til þess að bílskýli
sem væri talið opið í Reykjavík
væri talið lokað á Akureyri. Eða
úrskurður farið hreinlega eftir því
hverjir væru í sumarfríi þegar
ákvörðun er tekin. Þannig er ekki
unnt að vinna, skilgreiningar
reglugerða verða að gilda.
Sjálfur er ég í þeirri einkenni-
legu stöðu að hafa unnið að samn-
ingu reglugerðarinnar og þar með
skilgreiningu opinna rýma, kenni
ákvæði hennar á námskeiðum sem
veita réttindi til notkunar hennar,
sem próf og skrifa undir einkunna-
spjöldin. Ef umrætt bílskýli væri
dæmt lokað, eru viflur í öllum
eignaskiptasamningum þar sem
sambærileg tilvik eru, og gerðir
hafa verið á grundvelli reglugerð-
arinnar og hlutfallstölur því rang-
ar. Það er alvarlegt mál. Mér flnnst
úrskurðamefndi vera að segja mér
að ég hafi misskilið reglugerðina
sem ég samdi ásamt fleirum, kenni
og prófa úr. - Hér skjátlast Goethe.
Guðmundur G. Þórarinsson
Jón Baldvin til forystu
Það var ánægjuefni þegar ís-
lenskir jafnaðarmenn buðu sam-
eiginlega fram í síðustu alþingis-
kosningum. Eftir áratuga samein-
ingartilraunir varð sá draumur að
veruleika að jafnaðarmenn á ís-
landi buðu fram undir einu nafni.
Árangurinn varð hins vegar langt
frá því sem viðunandi getur taiist.
Það sem skýrir annars ófarir Sam-
fylkingarinnar er að um var að
ræða kósningarbandalag en ekki
flokk. Það er ekki
líklegt til árangurs
að fjórir flokkar
bjóði sameiginlega
fram. í stað þess að
kjósa með lýðræð-
islegum hætti um
það hver stefnu-
málin eigi að vera
þarf að semja um
þau á milli flokk-
anna, en við slíkar
aðstæður er aldrei
hægt að koma fram með trúverð-
uga stefnu.
Hefði Samfylkingin
verið flokkur...
Þetta var einmitt vandamálið
sem Samfylkingin átti við að etja í
síðustu alþingiskosningum. Ef
Samfylkingin hefði verið flokkur
fyrir síðustu kosningar hefði hún
ekki þurft að ganga þá rauna-
göngu sem hún þurfti að gera. Bú-
ast má við að landslag stjómmál-
anna liti öðruvísi út í dag ef flokk-
ur en ekki bandalag hefði boðið
fram. í stað þess að tveir hægri
flokkar stjómi nú landinu væru
töluverðar líkur á að Samfylking-
in væri með lyklavöldin að forsæt-
isráðuneytinu. Þrátt fyrir þær
ófarir sem jafnaðarmenn hafa
gengið í gegnum að undanfómu er
ekki ástæða til þess að örvænta,
heldur að sópa grunn og hefja bar-
áttuna á nýjan leik.
Þess vegna þarf nú að stíga
næsta skref og stofna flokk sem
verður vonandi gert á næstu miss-
erum. I kjölfarið þarf að kjósa nýja
forystusveit og útfæra stefnu
flokksins. Sökum þessa standa ís-
lenskir jafnaðarmenn nú á tíma-
mótum. Þeir þurfa að gera upp við
sig hveijir skuli leiða flokkinn og
koma sér saman um
áherslur og baráttuað-
ferðir. Þó að þetta ger-
ist með lýðræöisleg-
um hætti er ljóst að sá
sem gegnir for-
mennsku verður
áhrifamikill í stefnu-
mótuninni.
Þegar leiðtogi verð-
m- valinn standa jafn-
aðarmenn frammi fyr-
ir tveimur kostum. Á
leiðtoginn að vera
maður sem aðhyllist
áherslur frjálslyndrar
jafnaðarstefnu, svo
sem markaðsbúskap,
frjálsa verömyndun,
skýran eignarrétt,
takmörkuð ríkisaf-
skipti og alþjóðavæð-
ingu eða á hann að trúa á miðstýr-
ingu og ríkisforsjá.
Úrræðagóður
hugsjónamaður
Ljóst er að fijálslyndisstefnan er
í takt við nútímann og því hljóta
íslenskir jafnaðarmenn að leggja
áherslu á frjálslyndan forystu-
mann. Jón Baldvin Hannibalsson
hefur hvaö tíðast verið nefndur til
að taka að sér þetta hlutverk.
Ástæðan er einföld; hann er með
hæfari mönnum sem gegnt geta
þessu hlutverki. Jón
Baldvin er frjálslynd-
ur maður sem leggur
megináherslu á
markaðsbúskap, al-
þjóðavæðingu og að
menn njóti sannmæl-
is. Hann hefur ótví-
ræða forystuhæfi-
leika.
Jón Baldvin býr
yfir persónutöfrum
sem gera honum
kleift að hrífa fólk
með sér og koma
stefnumálum sinum
á framfæri. Hann
ber ágætis skyn-
bragð á samferða-
menn sína og þann
eiginleika að virkja
og ná því besta fram
í fólki. Jón er vel menntaður með
víðtæka starfsreynslu, bæði heima
og erlendis. Hann hefur ágætan
skilning á hagsmunamálum þjóð-
ar sinnar og er úrræðagóður við
lausn ýmissa vandamála. Jón
Baldvin er enn fremur hugsjónar-
maður sem hefur eldmóð, kjark og
áræði. Jón Baldvin er bæði fórn-
fús og heiöarlegur. Jón Baldvin
Hannibalsson er því eindregið
hæfasti maðurinn til að gegna for-
mennsku jafnaðarmanna.
Jón Ragnars
„Ijóst er að frjálslyndisstefnan er
í takt við nútímann og þvi hljóta
íslenskir jafnaðarmenn að leggja
áherslu á frjálslyndan forystu-
mann. Jón Baldvin Hannibalsson
hefur hvað tíðast verið nefndur til
að taka að sér þetta hlutverk.“
Kjallarinn
Jón Ragnars
stjórnmálafræðinemi og
er í Sambandi ungra
jafnaðarmanna
Með og
á móti
Hafa stjórnvöld sofiö á
veröinum í El Grillo-málinu?
Olíubirgðaskipið El Grillo liggur á 45
metra dýpi á botni Seyðisfjarðar og
hefur verið þar síðustu áratugi. „Tif-
andi tímasprengja" sagði einn kafar-
anna sem skoðuðu skipið á dögunum
um það og hið stórfelida umhverf-
isslys sem af gæti hlotist ef farmur
þess, 1500 til 3000 tonn af olíu, fer út í
sjóinn. Það mun gerast fyrr eða síðar
ef ekkert verður aðhafst en sem betur
fer lítur nú svo út fyrir að stjórnvöld
séu að átta sig á alvöru málsins og
grípi til aðgerða.
Stjórnvöld hafa
lokað augunum
„Já, ég held ég verði að játa það
að mér finnst stjórnvöld hafa sofið
á verðinum og
verið heldur
værukær í
þessu máli.
Menn hafa vitað
af skipinu þarna
á botninum all-
an þennan tíma
og sú staðreynd
verið ljós að ein- ólafur slgurðssoI1)
hvern timann bæjarstjón á Seyó-
læki þessi olía l8flrö1-
út. í gegnum
árin hefur heilbrigðisfulltrúinn
hér á staðnum margsinnis sent er-
indi til Hollustuverndar pg hún
fylgt því eftir í kerfinu, inn í heil-
brigðisráðuneytið meðan það hafði
umsjón með þessum málum en síð-
ar umhverfisráðuneytið. Ekkert
hefur þó verið aðhafst og stjórn-
völd hafa lokað augunum fyrir
vandanum. Núna loksins virðist
eitthvað vera að fara að gerast og
viðbrögðin nú eru ágæt. Ég vona
að málið stoppi ekki héðan af.
Næsta stig er það sem gera hefði
átt fyrir tíu árum. Kafað verður
niður að flakinu, þykkt járnsins
mæld og mengunin stöðvuð með
einhverjum hætti. En það er kostn-
aðarsöm aðgerð og aöeins bráða-
birgðalausn sem sveitarfélagið ætl-
ar ekki að takast á hendur. Það er
ríkisins að sjá um að málinu verði
fylgt eftir alla leið. Það fékk greidd-
ar stríðsskaðabætur til að stemma
stigu við vandamálum af þessu
tagi og eðlilegt að það sjái til þess
að málið verði leyst farsællega og á
varanlegan hátt.“
Betri möguleiki
nú en áður
„Eg hef venjulega svarað þessu
svo að í fyrsta lagi þá er um mikl-
ar framkvæmd-
ir að ræða og
meta verður
ávinning í ljósi
kostnaðar á
meðan ekki er
um bráða hættu
að ræða. Menn
geta tekið með-
vitaða ákvörð-
un, hvort sem
er um að biða
eða þá að ráðast
í framkvæmdir. Hættan er ávallt
sú að gera illt verra. Þess vegna er
í mörgum tilfellum skynsamlegt
að bíða þar til þekkingu og tækni
fleygir fram og óneitanlega höfum
við betri möguleika núna á aö fást
við og leysa vandann en áður. Ég
vil ekki gagnrýna stjómvöld fyrir
að hafa ekki brugðist við fyrr. En
núna verður að koma í veg fyrir
lekann og kanna ástand flaksins
svo vitað sé nákvæmlega hver
staðan er.“ -fin
Davíö Egilsson,
dcildarstjóri meng-
unarsvi&s Hollustu-
verndar.
Kjallarahöfundar
Athygli kjallarahöfunda er
vakin á því að ekki er tekið við
greinum i blaðið nema þær ber-
ist á stafrænu formi, þ.e. á tölvu-
diski eða á Netinu. DV áskilur
sér rétt til að birta aðsent efni á
stafrænu formi og í gagnabönk-
um.
Netfang ritstjómar er:
dvritst@ff.is