Dagblaðið Vísir - DV - 24.08.1999, Blaðsíða 11
ÞRIÐJUDAGUR 24. ÁGÚST 1999
11
Fréttir
Umdeildar siglingar meö feröamenn frá Vík:
Það hafði verið draumur margra
um áratugi í Vík í Mýrdal og ná-
grenni að þar, eða í næsta nágrenni,
yrði gerð höfn til að geta stundað
fiskveiðar af þeim gjöfulu miðum
sem eru út af Mýrdal og sjómenn
sigla um langar leiðir til að komast
á. Útræði hafði lengi verið stundað
frá ströndinni á árabátum, oft við
slæmar aðstæður og ósjaldan tók
hafið sinn toll af þeim sem reru til
fiskjar á opnum árabátum. Lengi
hafði það verið von manna að höfn
yrði gerð í Vík eða við Dyrhólaey og
þar var áhugahópur byrjaður á
framkvæmdum á áttunda áratugn-
um. Ekkert varð þó úr framkvæmd-
um þar og eru ummerkin þar í klett-
um og fjörunni aðeins minnismerki
um stórhug og von þeirra sem að
því stóðu. í gegnum árin hefur ým-
islegt verið reynt, þar á meðal smíð-
aði Reynir Ragnarsson ásamt fleir-
um vagn sem hægt var að renna út
í sjóinn á jarðýtu til að sjósetja
sportbáta sem róið var á. Upp úr
1980 komu fram hugmyndir um að
fá til Víkur hjólabát sem gengi jafnt
á láði sem legi til að komast út á sjó
án mikillar fyrirhafnar. Þessi fley
voru þekkt frá Ameríska sjóhernum
og einum slíkum kynntust menn á
Skeiðarársandi áður en þar var brú-
að, hann var notaður til að komast
yflr ámar, sá var þó miklu minni en
þeir sem eru notaðir í Vík. Fyrsti
hjólabáturinn kom til Víkur um
1985 og stuttu síðar kom annar.
Þeim var róið til fiskjar í fyrstu en
fljótlega var farið að fara í eina og
eina ferð með ferðamenn að Reynis-
dröngum á þeim. Með tímanum
urðu þessóu útsýnissiglingar það
eina sem bátamir vom notaðir í, á
sama tíma breyttist margt í sjávar-
útvegi, hagstæðara var að kaupa
fisk til vinnslu á mörkuðum en að
sigla eftir honum á hjólabátum og
rekstrarerflðleikar fyrstu árin urðu
til þess að kvótinn sem hafði unnist
á bátana var seldur. Þegar farið var
að nota bátana til siglinga með fólk
var þeim breytt í samræmi við ann-
að hlutverk og í gegnum tímann
hefur þurft að gera á þeim endur-
bætur vegna viðhalds og breyttra
reglna. f bátunum em björgunarbát-
ar og björgunarvesti, þá era í þeim
flotgallar sem í em sem aukabúnað-
ur upplásin björgunarvesti.
Áhættusöm siglingaleið
Sigling á sjónum við Vík getur
orðið áhættusöm og lítið má koma
upp á til að illa fari, þungir straum-
ar og úthafsaldan er fljót að grípa
inn í ef eitthvað bregður út af, árið
1996 bilaði vél annars bátsins við
Reynisfjall, þá var hinn báturinn í
Vík en hann komst á staðinn áður
en í óefni var komið. Þegar seinni
Hjólabáturinn lendir í Reynisfjöru, þessi fley voru fengin til iandsins til að stunda fiskveiðar en hlutverkið breyttist í farþegaskip. og etv mynd af Reynis-
dröngum. Reynisdrangar draga á ári hverju fjölda ferðamanna til Víkur hvort sem þeir sigla umhverfis þá á hjólabátum eða skoða þá úr fjörunni.
báturinn (Fengsæll) var keyptur var
gerður samningur við Slysavarnar-
félag íslands um að hann yrði björg-
unarskip, og hefur hann verið not-
aður sem slíkur í nokkur skipti. Það
var síðan föstudaginn 13. ágúst að
lagt var upp frá Vík á báðum bátun-
um í útsýnissiglingu með hóp
danskra ferðamanna á vegum
Pharmaco. 20 manns vom í hvomm
bát og þegar komið var út fyrir
Reynisdranga bilaði vél annars
bátsins, meðan verið var að reyna
að koma taug á milli bátana rak þá
nær dröngunum. Veður var fremur
rysjótt og tafði það nokkuð tilraun-
ir stjómenda bátanna að koma taug
á milli þeirra. Á meðan á þeim til-
raunum stóð greip nokkur skelflng
um sig meðal farþeganna og töldu
sumir þeirra að litlu hafl munað að
illa færi. Þegar tekist haföi að koma
taug milli bátanna var sá bilaði
dreginn á land og farið var með
skelfda farþegana á hótel Örk í
Hveragerði þar sem þeir fengu
áfallahjálp eftir þessa lifsreynslu.
Gagnrýni og sjópróf
Hörður Erlingsson, sá sem skipu-
lagði ferðina, gagnrýndi strax harð-
lega hvemig að öllu var staðið og
eftir þær aðflnnslur var farið fram á
sjópróf af hálfu Siglingamálastofn-
Fréttaljós
Njörður Helgason
unar islands sem vom í héraðsdómi
Suðurlands á föstudag. Við sjópróf-
in kom fram að stjómandi bátsins
sem var vélarvana var ekki með
skipstjómarréttindi, þá var deilt í
þeim um hvort bátarnir höfðu heim-
ild til siglinga með farþega. Deilur
eru uppi um hvort báturinn hafi
verið með tilskilin leyfi. Gísli Daní-
el, skipstjóri hjólabátsins í Vík, seg-
ir að hann hafl talið sig vera kom-
inn með öll tilskilin leyfi, s.s. haf-
fæmiskírteini þegar hann greiddi
reikning Siglingamálastofnunar sl.
vor og með því hafi hann talið sig
vera í fullum rétti. Hann hefði skipt
um vél í bátnum í vor og sett sams-
konar vél og var í honum áður. Hjá
Siglingamálastofnun fengust þær
upplýsingar að almennt eigi að til-
kynna allar breytingar og endur-
bætur á skipum til Siglingamála-
stofnunar, hverjar sem þær eru.
Magnús Oddsson hjá Ferðamálaráði
sagði að i lögum stæði að Ferða-
málaráði bæri að kanna réttmæti
þeirra kvartana sem til þeirra bær-
ust. „Þegar okkur barst þessi
kvörtun á föstudagskvöldið snerum
við okkur til Siglingamálastofnunar
og báðum þá um að skoða réttmæti
kvörtunarinnar," sagði Magnús.
Hann sagði að Ferðamálaráði hafi
ekki borist fyrr kvörtun vegna út-
sýnissiglinga hjólabátanna í Vík.
Vinsælt meðal ferðamanna
Niðurstaða sjóprófsins á föstudag
liggur fyrir innan nokkurra vikna.
Þegar hún berst verður tekin
ákvörðun um hvort ákæra verður
gefin út vegna málsins. Á þessu stigi
eru engin teikn á lofti um að svo
verði. Hjólabátarnir era eitt af sér-
kennum Mýrdalsins og kynna hann
víða, fjöldi fólks kemur á hverju ári
gagngert til Víkur að sigla með
þeim. Verði útgerð þeirra hætt verð-
ur þvi skarð fyrir skildi í mýrdæl-
skri ferðamennsku. Það verður þó
alltaf að hafa það í huga að í ferða-
mannaiðnaðinum er verið að höndla
með viðkvæma vöru og allt sem
kemur upp á I þessum iðnaði er
fljótt að skemma út frá sér.
~:y
Hjólabátar í hremmingum
Helgina 13.-15. ágúst voru haldnir danskir dagar í Stykkishólmi í sjötta sinn. Mikill fjöldi sótti Hólminn heim og taldi
Jóhanna Guðmundsdóttir, framkvæmdastjóri hátíðarinnar, að í bænum hefðu verið um 2500 manns þessa daga. Sig-
urður Grétar Jónasson hjólaði þá um bæinn og seldi ís enda var veður gott dönsku dagana. DV-mynd Birgitta
Grunnskólinn í Grundarfirði:
Of lítill vegna
fjölgunar barna
DV, Vesturlandi:
Nú standa yfir töluverðar fram-
kvæmdir við stækkun Grannskóla
Eyrarsveitar í Grandarfirði en allt
frá 1996 hafa átt sér stað fram-
kvæmdir í áföngum við stækkun og
endurbætur skólans, að sögn Bjarg-
ar Ágústsdóttur, sveitarstjóra í
Grundarfirði. Síðastliðið skólaár
vora 210 nemendur við skólann og
horfur era á fjölgun næstu misseri.
Reyndar er það svo að framkvæmd-
um telst tæpast vera lokið þar sem
menn eru strax famir að klóra sér í
höfðinu yfir þvi að skólinn sé of lít-
ill, þrátt fyrir nánast helmings-
stækkun frá 1996.
Trésmiðja Pálmars Einarssonar í
Grundarfirði er verktaki í innrétt-
ingu nýrrar efri hæðar sem byggð
var ofan á eldra skólahúsnæði á síð-
asta ári. Á síðasta ári voru innrétt-
aðar 2 stofur á nýju hæðinni en í ár
er öll hæðin innréttuð og fást þar 6
nýjar kennslustofur. Trésmiðja
Guðmundar Friðrikssonar í Grund-
arfirði sér um annað verketni í skól-
anum, innréttingu stjómunarálmu
grunnskólans, en verið er að útbúa
hina ágætustu aðstöðu kennara og
skólastjóra. Skólabókasafnið fær
enn fremur nýja og betri aðstöðu í
skólanum. Allt er þetta hluti af
heildarframkvæmdum við stækkun
skólans. Framkvæmdunum á að
verða lokið fyrir haustið.
-DVÓ