Dagblaðið Vísir - DV - 22.12.1999, Blaðsíða 8

8
MIÐVIKUDAGUR 22. DESEMBER 1999
Útlönd
Uppbyggingarstarfið í Venesúela kostar milljarða dollara:
Pútín hvetur
leiðtoga þings
til samvinnu
Vladímír Pútín, forsætisráð-
herra Rússlands, hitti nýja leið-
toga þingsins í gær og hvatti þá
til að leggja stjómvöldum lið í
baráttu þeirra gegn efnahags-
vandanum og uppreisnarmönn-
um í Tsjetsjeníu.
„Þjóðin bindur miklar vonir
við nýju Dúmuna, einkum þó
vegna þess að mörg vandamál
bíða úrlausnar,“ sagði Pútín við
leiðtoga þeirra sex flokka sem
fengu flesta þingmenn i kosning-
unum til neðri deilar þingsins á
sunnudag.
Bæði Pútín og Bórís Jeltsín for-
seti voru afskaplega kátir með
gott gengi tveggja flokka sem eru
hliðhollir ríkisstjórninni. Komm-
únistar hafa því ekki sömu yfir-
burðastöðu í þinginu og áður, þótt
þeir séu enn fjölmennasti einstaki
flokkurinn.
Gert er ráð fyrir að rússneskar
hersveitir herði enn sókn sína á
Grozní, héraðshöfuðborg Tsjetsje-
níu, í dag og sæki lengra inn í
borgina.
Yfirmaður rússneska herliðs-
ins i Tsjetsjeníu sagði seint í gær-
kvöld að fyrirhugaðar væru „sér-
stakar aðgerðir" til að reka upp-
reisnarmenn múslíma á brott en
neitaði að allsherjarárás stæði
fyrir dyrum.
Óttast að fimmtíu
þúsund hafi látist
Hermenn og björgunarsveitir í
Venesúela vinna nú hörðum hönd-
um að því að grafa lík tuga þúsunda
manna upp úr mannhæðarháum
aurskriðum sem féllu á Karíbahafs-
strönd landsins í síðustu viku. Talið
er að milli þrjátíu og flmmtíu þús-
und manns hafi týnt lífi í hamförun-
um, einhverjum þeim mannskæð-
ustu i Rómönsku Ameríku á þessari
öld.
Fallhlífarhermenn standa vaktina
i draugabæjum á strönd Vargas-
fylkis til að koma í veg fyrir að grip-
deildarmenn geti látið greipar sópa
um heimili fólks sem var flutt burt
eftir úrhellisregn og skriðufoll í síð-
ustu viku.
Að sögn fulltrúa almannavama í
Venesúela hafa hamfarimar lagt 23
þúsund heimili í rúst og 140 þúsund
manns eru heimilislausir. Útlit er
fyrir að hreinsunar- og uppbygging-
arstarfið muni kosta milljarða doll-
ara.
Hugo Chavez, forseti Venesúela,
hefur verið á ferð og flugi um ham-
farasvæðin, í hermannabúningi og
með rauða alpahúfu á höfðinu.
Hann fór fram á það við Bill Clint-
on Bandaríkjaforseta i gær að
Bandaríkjamenn útveguðu flotbrýr
til að uppbyggingarstarfið gæti haf-
ist.
Clinton sagðist snortinn af
„hetjuviðbrögðum" venesúölsku
þjóðarinnar og lofaði henni flot-
brúm.
Verst úti varð 100 kílómetra löng
spilda við Karíbahafsströndina þar
sem miðstéttarfólk úr höfuðborg-
inni Caracas eyddi gjaman leyfum
sínum. Hafið sem eitt sinn var blátt
er nú drullubrúnt við ströndina.
Flestir þeirra 350 þúsund manna
sem búa á þessum slóðir hafa verið
fluttir burt frá heimilum sínum.
Aurskriðurnar sem komu úr Avila-
fjallgarðinum hrifu með sér heilu
fátækrahverfin í fjallshlíðunum.
Sérfræðingar telja að fátækt og
umhverfisskaðar af völdum skógar-
höggs eigi sinn þátt í náttúruham-
förunum í Venesúela. Skógurinn
kemur i veg fyrir landeyðingu og
hindrar framgang flóðvatnsins.
Bandarikin, Alþjóðabankinn,
Þýskaland, Evrópusambandið og
fleiri lönd hafa þegar heitið hundr-
uðum milljóna dollara í aðstoð við
íbúa Venesúela. Þá hafa Bandaríkin
og Mexikó sent þyrlur til að aðstoða
við björgunarstarfið.
Leynimakkið í
WTO vekur reiði
Mikil reiði ríkti meðal fulltrúa
þróunarlandanna á fundi Heims-
viðskiptastofnunarinnar (WTO) í
Seattle um síðustu mánaðamót
þar sem þau voru ekki höfð með í
ráðum á stefnumótandi viðræðu-
fundum. Þeir fengu ekki einu
sinni að vita um fundina og hvað
þar var rætt.
Þetta kemur fram í kjallara-
grein Martins Kohrs í
Intemational Herald Tribune.
Kohr er framkvæmdastjóri sam-
taka óháðra félagasamtaka sem
fást við þróunar- og umhverfismál.
Kohr segir i grein sinni að tíu
til tuttugu löndum, það er voldug-
ustu ríkjunum og útvöldum hópi
þróunarlanda, hafi verið boðið á
fundi i Græna herberginu, eins og
hann kallar það, þar sem helstu
ágreiningsmál Seattle-fundarins
voru rædd. Þar átti að reyna að
komast að samkomulagi og
þvinga aðrar þjóðir til að sam-
þykkja lokayfirlýsinguna. Ýmis
riki hafi hótað að hlaupast undan
merkjum og því hafi í raun ekki
verið jafnvandræðalegt að láta
fund WTO hreinlega fara út um
þúfur, án lokasamkomulags.
Heimilislaust fórnarlamb aurskriðnanna í Venesúela stendur yfir eyöilögöum bíl í borginni Macuto. Taliö er að allt aö
fimmtíu þúsund manns hafi týnt lífi í náttúruhamförunum í síöustu viku, hinum verstu í Rómönsku Ameríku á þess-
ari öld. Búist er viö aö uppbyggingarstarfiö kosti hundruö milljaröa króna.
(&%artgripirfyrir Aerra
úrvafafsi/fíircmnfönrimi Áara, m/píötu tifaá (frapa á.
fjiuHÚj miÁiú úrvaíapfrhujum, crma/möppmn 'rriiji/í
oa /rit)r//nrp//uy> f'
<&totth
op Cinc/isnœCim.
/f/rinpc/u opjáðu o/far/atCc/a
sCartpripaCceCCnp.
Laugavegi 49
sími 551 7742.
26 létu lífið og 44 slösuöust er DC-
10 flugvéi frá Kúbu hafnaöi í fá-
tækrahverfi í Gvatemalaborg í gær.
26 létust í flugslysi
Tuttugu og sex létu lífið þegar
DC-10 flugvél, sem var á leigu hjá
kúbverska flugfélaginu Cubana de
Aviacion, rann út af flugbraut í fá-
tækrahverfi á flugvellinum í
Gvatemalaborg í gær. 314 manns
voru í flugvélinni.
Flestir farþeganna voru náms-
menn frá Gvatemala á leið heim í
jólafrí frá háskólum sínum á
Kúbu.
Einn námsmannanna um borð,
Carlos Flores, sagði að flugvélin
hefði lent eðlilega en hefði ekki get-
að stöðvað á flugbrautinni. Einn
íbúa fátækrahverfisins, Julio Ad-
an, sem aðstoðaði við björgunar-
störf, sagði að íbúarnir hefðu alltaf
óttast svona slys. Tvisvar áður,
1995 og 1993, hafa flugvélar hafnað
í hverfinu.
3IIS.ll
Sfiramtad ÍSOO,-
I4.V « m «10,-
<M<2
Stuttar fréttir i>v
Dularfull dauðsföll
Lögreglan í Uppsölum í Svíþjóð
rannsakar nú dularfull dauðsfóll á
hjúkrunarheimili í háskólabæn-
um. 23 ára starfsmaður heimilisins
hefur sagt í yfirheyrslu að hann
hafi haft löngun til að myrða.
Ákvörðun eftir jól
Saksóknarar í Bonn greindu frá
því í gær að ekki yrði tekin
ákvörðun fyrr
en eftir jól um
hvort ásakanim-
ar um mútu-
þægni Helmuts
Kohls, fyrrver-
andi kanslara
Þýskalands,
yrðu rannsakað-
ar. Saksóknar-
amir bíða enn eftir skjölum sem
Kohl hefur lofað að lögmenn hans
muni afhenda.
Kjötætur í hættu
Hundruð þúsunda Breta, sem
snætt hafa breskt nautakjöt, gætu
látist af völdum Creutzfeldt-Jakobs
sjúkdómsins, að mati Liams Don-
aldsons, sérfræðings bresku stjórn-
arinnar. Hann segir það geta tekiö
mörg ár áður en umfang faraldurs-
ins verður ljóst.
Manntjón í Skotlandi
Að minnsta kosti íjórir em tald-
ir hafa látið lífið þegar gasspreng-
ing lagði hús í Larkhall í Skotlandi
í rúst í morgun.
950 kílóa bílasprengja
Ótti um ný hryðjuverk ETA,
samtaka skæruliða Baska, fer nú
vaxandi á Spáni eftir að lögregla
fann 950 kílóa sprengju í vörubíl.
Forsetinn endurkjörinn
Chandrika Kumaratunga, for-
seti Sri Lanka, sem lifði af bana-
tilræði á laugar-
daginn, var end-
urkjörin í for-
setakosningun-
um í gær. Hlaut
hún 51,12 pró-
sent atkvæð-
anna. Helsti
keppinautur for-
setans, Ranil Wickremesinghe,
hlaut 42,71 prósent.
ísbjörn í bæjarferð
Ibúar í höfuðborg Svalbarða,
sem vora að gera innkaup fyrir jól-
in, leituðu skjóls í flýti i gær þegar
ísbjörn, sem ekki var hluti jóla-
skreytinganna, birtist. ísbjöminn
gekk fram hjá dagheimili og í gegn-
um miðbæinn. Hann var hrakinn
úr bænum með þyrlu.
Með franskan hreim
Wendy Hasnip, 47 ára bresk
kona, talar nú ensku með frönsk-
um hreim eftir að hafa fengið slag.
Læknar vita aðeins um örfá slík
tilfelli i heiminum. Wendy hefur
aldrei lært frönsku.
Robert Bresson látinn
Franski kvikmyndaleikstjórinn
Robert Bresson, sem lýst var sem
Dostojevski frönsku kvikmynd-
anna, lést á laugardaginn, 98 ára
gamall.
Hamilton brast í grát
Neil Hamilton, fyrrverandi ráð-
herra bresku stjórnarinnar, brast í
grát í gær eftir
að hafa tapað
meiðyrðamáli
gegn Mohamed
A1 Fayed, eig-
anda Harrods-
verslunarinnar
í London. Fayed
hafði haldið því
fram að Hamilton heföi þegið
greiðslu fyrir að bera fram ákveðn-
ar spumingar á þingi.
Framhjáhald leyft
Hæsti réttur í Sambíu hefur úr-
skurðað að 37 ára kona megi halda
fram hjá manninum sínum til 22.
febrúar árið 2000 til að sanna að
hún sé ekki ófrjó. Eiginmaðurinn
haíði leyft konunni að eiga mök við
aðra menn og veðjaði 200 dollurum
á að hún yrði ekki barnshafandi.