Dagblaðið Vísir - DV - 24.03.2001, Blaðsíða 16

16
LAUGARDAGUR 24. MARS 2001
Helgarblað
DV
Bátur veiðimannsins:
Frelsið býr í kajaknum
- Róbert Schmidt veiðimaður kann best við sig á sjónum
Róbert Schmidt er veiðimaður
Hann byrjaöi 18 ára gamall aö róa á kajak ogveiöa sér til matar og er í dag sá íslendinga sem hefur hvaö mesta reynslu á þessu sviöi. Róbert hefur stofnað
Félag íslenskra kajakveiðimanna sem hefur innan sinna vébanda 70 félagsmenn aöeins tveim mánuöum eftir stofnun.
Annað kvöld verður sýnd
í sjónvarpinu heimildar-
mynd sen ber yfirskrift-
ina Kajak - bdtur veiði-
mannsins. Þar er fylgst
með Róbert Schmidt,
veiðimanni og kajakrœð-
ara, að vetrarveiðum í
Hrútafirði við erfiðar að-
stœður, kulda og vosbúð.
Það er Valdimar Leifsson
sem gerir myndina.
„Viö vildum draga upp
raunsanna mynd af þeim erfiðu
aðstæðum sem geta mætt manni
sem vill stunda veiðar á sjókajak
á besta tíma sem er veturinn. Við
lentum þarna í talsverðum kuld-
um og vorum reyndar tepptir frá
tökum í talsverðan tíma vegna
veðurs,“ segir Róbert sem skaut
rúmlega 30 fugla meðan á tökum
stóð en myndin sýnir allar hliðar
veiðanna, eltingaleikinn, biðina,
meðhöndlun bráðarinnar og mat-
reiðslu aö lokum. Þeir sem veiða
á sjókajak skjóta aðallega skarf og
hávellu og stöku sel en menn nota
kajak í vaxandi mæli til veiða á
vötnum.
Veiðar í 4000 ár
Róbert segir að kajakveiöar
með haglabyssu séu fyrirbæri
sem er nýtt á íslandi en Inúítar á
Grænlandi hafa notað kajak til
veiða með skutli í um 4000 ár. Ró-
bert hefur stundað kajaksiglingar
í 18 ár og er einn af brautryðjend-
um í þessum sérstæða veiði- og
ferðamáta á íslandi. Hann stofn-
aði Félag íslenskra kajakveiði-
manna í janúar síðastliðnum og
þegar hafa 70 manns gengið tii
liðs við félagið sem sýnir best
áhuga manna á þessu einkenni-
lega sporti. En hvemig kynntist
Róbert sjálfur kajakróðri?
Sjórinn togaði
„Ég ólst upp vestur á Suðureyri
við Súgandafjörð og oft starði ég
út á lygnan íjörðinn og var hald-
inn mikilli sjóþrá en átti engan
bát. Svo var það þegar ég var 18
ára að ég sá sjókajak auglýstan til
sölu í smáauglýsingum DV. Ég
hafði aldrei séð svona bát áður en
keypti hann óséðan og hann var
sendur vestur með flutningabíl.
Svo fór ég bara að róa um allan
fjörð og nágrennið og fannst þetta
eitthvað þaö skemmtilegasta sem
ég hefði nokkurn tímann kynnst.
Statífið fyrir byssuna bjó ég svo
til úr gömlu járnadrasli og svo fór
ég bara að veiða.“
Róbert reri einn á sínum kajak
árum saman en segist ekki ráð-
leggja neinum að læra kajaksigl-
ingar af sjálfum sér eins og hann
gerði, án alls öryggisbúnaðar eins
og flotbúninga eða björgunar-
vesta. Hann segir að flestir þeir
sem stunda vetrarveiði séu í flot-
göllum til öryggis.
„Við höfum þegar farið eina
ferð á vegum félagsins og haldið
öryggisnámskeið en við leggjum
mikla áherslu á öryggið."
Einn maður velti
- En geta allir lært að með-
höndla kajak og róa honum?
„Ég hef tekið um 300 manns á
kynningarnámskeið og þátttak-
endur hafa verið frá 10 ára upp í
70 ára. Það hefur einu sinni kom-
ið fyrir að maður velti kajak á
námskeiði hjá mér og hann var
reyndar vanur björgunarsveitar-
maður.
Þetta er auðvitað einstaklings-
bundið en mér hefur sýnst að fólk
sem hefur gott jafnvægi eða hefur
einhvern tímann kynnst sjóvolki
eða stígið ölduna hafi ákveðið for-
skot í þessum efnum. Almennt
hefur mér sýnst að vant fólk
hvolfi aldrei undir sér kajak.“
Sjókajakar eru 20-25 kíló að
þyngd og með öllum búnaði kost-
ar slíkur gripur í kringum 150
þúsund krónur hið minnsta. Ró-
bert starfar í Sportbúð Títans og á
síðasta ári seldi hann 200 kajaka
sem segir sína sögu um það hve
góðar undirtektir þetta fær.
Maöurinn eitt af dýrunum
„í kajaknum situr þú alveg
niðri við sjávarborðið og ferðast
algerlega hljóðlaust. Þú getur far-
ið um víkur og voga og skoðað
króka og kima i lífríkinu sem þig
hefði aldrei dreymt um. Lífríkið í
sjónum og fjörunni, hvort sem
það er fugl eða selur, hræðist þig
ekki. Þú verður hluti af þessu líf-
ríki, eitt af dýrunum. Ég hef
rennt mér í fárra metra fjarlægð
frá hópi 50 sela sem lágu uppi á
skerjum og þeir rótuðu sér ekki.
Frelsistilfinningin sem maöur
upplifir er algerlega einstök
ásamt þessari mögnuðu nálægð
við lífríkið og sjónarhorninu sem
er afar sérstakt. Um borð í sínum
kajak gerist hver maður land-
könnuður og skoðar vikur og
voga og horfist í augu við sel og
skarf.“
ísland er paradís
Róbert er hundvanur veiðimað-
ur frá blautu barnsbeini og er
reyndar rómuð rjúpna- og gæsa-
skytta sem þekkir landið eins og
lófann á sér. Hann hefur skotið
fasana i Minnesota, snæhéra,
hreindýr og rjúpu á Grænlandi að
ógleymdum selum og refum og
hefur ferðast á kajökum við
Grænland.
Hann segir að vinsælustu
kajaksvæðin í nágrenni við
Reykjavík séu vogarnir kringum
borgina, sundin milli eyjanna og
Kollafjörður en menn sæki einnig
mikið í Hvalfjörð. Breiðafjörður
er draumaland allra kajakræðara
og Hornstrandir alger paradís. Al-
mennt segir Róbert að íslands
vogskornu strendur og lygnu og
djúpu firðir séu gósenland fyrir
kajakróður.
„Það er ögn flóknara að ferðast
á kajökum á opnu hafi og fara fyr-
ir nes og odda við ísland og nauð-
synlegt að rata vel og kunna sigl-
ingafræði en það er vel hægt og
mjög skemmtilegt að fara í lengri
ferðir með allan sinn farangur og
taka land og slá tjöldum þar sem
hugurinn girnist. Þar finnur mað-
ur sterkt þetta frelsi sem við
erum öll að leita að.“
Veiöar eru mannréttindi
Þótt Róbert sé þrautreyndur
veiðimaður þá er hann ekki jafn-
Selur í matinn
Á sjókajak skjóta menn aðallega fugl en sumum þykir selkjöt gott og þaö er auövelt að komast í færi viö kobba á
kajaknum. Hér sést einn veiðifélaga Róberts, Unnsteinn Guömundsson aö nafni, meö nýskotinn sel.