Dagblaðið Vísir - DV - 16.07.2002, Blaðsíða 4

4
ÞRIÐJUDAGUR 16. JÚLÍ 2002
Fréttir
Óvenjulegar aðgerðir Flugmálastjórnar á Keflavíkurflugvelli:
Draga að tófu til að
auka flugöryggi
- greni með fiskúrgangi á flugvallarsvæðinu
MYND: VÍKURFRÉTTIR
A fuglafællngarvaktinni
„Þessar aögerðir hafa orðið til þess að auka flugöryggi hér á veilinum til mik-
illa muna, “ sagði Stefán Thordersen, yfirmaður flugvallasviðs Flugmálastjórn-
ar á Keflavíkurflugvelli.
„Við teljum tvímælalaust að þess-
ar aðgerðir hafa orðið til þess að
auka flugöryggi hér á vellinum til
mikilla muna,“ sagði Stefán Thord-
ersen, yfirmaður flugvallasviðs
Flugmálastjómar á Keflavíkurflug-
velli. Á vegum Flugmálastjórnar
hefur Páll Hersteinsson líffræðing-
ur staðið fyrir tilraunum til að laða
að tófu inn á vallarsvæöið í þeim til-
gangi að fæla frá fugl sem er á
sveimi við aðflugssvæðin, sem er
einkum sllamáfur. Árlega eru þús-
undir fugla skotnar innan svæðis-
ins en nú eygja menn möguleika á
mildari aðgerðum og að færri fugla
þurfi að skjóta því ef lágfóta stend-
ur sína plikt þá hörfar fuglinn á
brott og flugöryggi er betur tryggt.
Flugmálastjórn vill friða refinn
Að frumkvæði Páls Hersteinssonar
hafa verið sett upp greni á flugvallar-
svæðinu og er reynt að draga tófuna
að þeim með því að hafa fiskúrgang
við þau. „Við köllum þetta fuglafæli-
aðgerðir,“ segir Stefán Thordersen.
Að hans sögn er almenn ánægja með
þessari aðgerðir. Flugöryggi hafi
alltént aukist og þá hafi þetta ekki
orðið til að raska lifríkinu á Reykja-
nesskaga. Mófuglum í felulitum jarð-
argróðursins stafi til dæmis ekki
hætta af tófunni og hið sama gOdi að
nokkru leyti um æðarfuglinn.
Stefán segir Flugmálastjórn á
Keflavíkurflugvelli vilja friða ref á
Reykjanesi í nokkur ár og halda svo
stofninum í skefjum eftir það, með
hóflegum veiðum. Allt miði þetta að
þvi að auka flugöryggi því mikill
skaði geti af því hlotist ef flugvél fer
inn í fuglager. Hann tekur þó fram
að allar þessar aðgerðir þurfi að
vinnast í náinni samvinnu við nátt-
úruvemdaryflrvöld og sveitarfélög
á svæðinu og fara verði hægt og
varlega í sakirnar í þessum efhum.
Ráðum við allt nema máfinn
Sigurður Eiríksson i Norðurkoti í
Sandgerði hefur lengi verið með æð-
arvarp í svonefndu Fuglavíkur-
hverfi, sem er í nágrenni Sandgerð-
is. Hann sagði i samtali við DV að
hann setti sig ekki upp á móti þess-
um aðgerðum. „í æðarvarpinu höf-
um við ráðið við að halda öllum
vargi frá, nema máfinum. Hann hef-
ur oft valdið okkur þungum búsifi-
um. Okkur hefur hins vegar alltaf
tekist að vera laus við tófuna; við
girðum æðarvarpið af með nót og
þannig tekst okkur að vera laus við
minkinn. En mestu skiptir auðvitað
að losna við fuglinn af flugvallar-
svæðinu - og það er Guðs mildi að
ekkert slys hafi orðið af þeim sök-
um á vellinum."
-sbs
Árásarmálið á Patreksfirði:
Efld löggæsla ekki lausnin
- segir Þórólfur Halldórsson sýslumaður
„Ég get ekki litið öðru-
vísi á atburði helgarinnar
en svo að þetta sé áfengis-
vandamál. Árásarmennirn-
ir I þessu máli eru alla
jafna taldir dagfarsprúðir
séu þeir edrú, en síðan
verða þeir hamslausir þeg-
ar þeir drekka áfengi," seg-
ir Þórólfur Halldórsson,
sýslumaður á Patreksfirði,
í samtali við DV. Bæjaryf-
irvöld þar vestra vilja efla löggæsl-
una á staðnum þannig að hún ráði
við nokkra einstaklinga sem hafa
farið mikinn á almannafæri undir
áhrifum áfengis í nokkur skipti á
síðustu misserum. Nýjasta málið er
líkamsárás á tvo aðkomumenn á
dansleik á Patreksfirði um helgina,
en í atgangi þeim var einnig spörk-
uð rúða úr lögreglubíl.
Sýslumaður telur að um oftúlkun
sé að ræða um hóp manna í
þessu sambandi. Að árásar-
máli helgarinnar komi
þannig aðeins tveir til þrir
nafngreindir menn. Vita-
skuld hafi ýmislegt gengið á
fyrir vestan á síðasta ári.
Staðan hafi hins vegar mikið
lagast eftir fiölmennan borg-
arafund sem haldinn var
vegna þessara mála siðastlið-
ið haust. „Það er nú oft svo
að svona fundir mynda í litlu samfé-
lagi mikinn þrýsting á menn að haga
sér eins og menn. Þessi fundur gerði
það svo sannarlega og skilaði að því
leyti miklum árangri," segir Þórólf-
ur.
„Ég get ekki annað en verið sam-
mála forseta bæjarstjórnar Vestur-
byggðar um að efld löggæsla sé af
hinu góða, hún dregur úr hættunni
á afbrotum. En ég held að hversu
öflugt lögreglulið sem ég hef þá nær
það aldrei að taka á rót þessa vanda
sem er sá að menn drekka brenni-
vín. Ekki get ég bannað mönnum að
gera það,“ segir sýslumaður.
Þórólfur segir að engin kæra hafi
enn verið lögð fram vegna árásar-
máls helgarinnar, utan hvað rúðu-
brotið í lögreglunni verði kært. Fyr-
ir liggi hver kom þar að verki. Þá
segir Þórólfur að atburðina á Pat-
reksfirði verði að skoða í víðu sam-
hengi. Það sé ekki nýtt að menn slá-
ist eða berji hver annan, atburðir
líkir þessum gerist oft í viku hverri
í höfuðborginni. -sbs
Þórólfur
Halldórsson.
DRÖGUM
Á MDRGUN
Fáðu þér miða í síma 800 6611 eða á hhl.is
HAPPDRÆTTI
HÁSKÓLA ÍSLANDS
vænlegast til vinnings
Staösetning Lýðheilsustöðvar:
Ótímabær umræða
- segir landlæknir
Sigurður Guðmundsson land-
læknir segir umræðu um staðsetn-
ingu fyrirhugaðrar Lýð-
heilsustöðvar vera ótíma-
bæra. Hann segir megin-
málið að skilgreina hlut-
verk slikrar stöðvar og
þarfir. Fyrst þegar því máli
sé lokið sé rétt að huga að
staðsetningunni.
„Aðalatriðið er að þessi
stofnun verði í tengslum
við það sem henni er ætlað
að sinna og mér finnst að
umræðan eigi að snúast um það.
Fyrst þegar við höfum ákveðið það
skulum við sjá hvort henni er best
komið fyrir á Akureyri, í Hafnar-
firði eða á Hvolsvelli," sagði Sig-
urður í samtali við DV í gær.
Mjög hörð skoðanaskipti hafa
orðið um löngun heilbrigðisráð-
herra að hafa stöðina á Akureyri
og takast samflokksmenn
í pólitík á. Þannig telur
Drífa Hjartardóttir, þing-
maður Sjálfstæðisflokks-
ins í Reykjavík, að frá-
leitt sé að starfrækja stöð-
ina á Akureyri en Krist-
ján Þór Júlíusson, efsti
maður sjálfstæðismanna
á Akureyri og bæjar-
stjóri, blæs á þá gagnrýni
að Akureyri sé of lítil og
smá. Fjölmargir aðilar munu skila
athugasemdum og ályktunum til
heilbrigðisnefndar Alþingis innan
skamms en jafnvel er talið að laga-
setning um stöðina gæti orðið að
veruleika á haustþinginu. -BÞ
Siguróur Guð-
mundsson.
Fiskveióimaóur framtíðarinnar
Skátar í skátafélaginu Hamri fjöl-
menntu á Reykjavíkurhöfn í vikunni
og hófu að renna fyrir fisk. Nokkuð
illa gekk að landa þeim stóra en
það var Símon Högnason sem
krækti í þann gula og ekki ber á
öðru en fiskurinn sé alveg sæmilega
feitur.
Landlæknir:
Rannsakar
andlát konu
Mikil sorg er hjá aðstandendum
ungrar konu sem lést óvænt á Sjúkra-
húsi Suðurlands fyrir nokkru. Sigurð-
ur Guðmundsson landlæknir segist
ekki geta tjáð sig um málið en staðfest-
ir að það sé til athugunar af hálfu emb-
ættisins.
Samkvæmt heimildum DV hefur
ekkert komið fram til þessa sem bend-
ir til að mistök hafi valdið dauða henn-
ar. Verið er að gera mælingar á ýmsum
sýnum sem tekin voru við krufningu
en við fyrstu athugun kom ekkert ffarn
sem staðfestir læknamistök.
Fjölmörg mál koma upp í heilbrigð-
iskerfinu árlega þar sem grunur leikur
á rangri meðhöndlun eða mistökum.
Slíkum málum hefur fiölgað mjög und-
anfariö og hafa verið um 300 árlega. í
langflestum tilvikum reynast ekki efni
fyrir bótum. -BÞ
Reykur úr potti á Vesturgötu
Slökkvilið höfuðborgarsvæðisins var
kallað að húsinu Vesturgötu 39
klukkan rúmlega 10 í gærmorgun.
Talsverður reykur var þar í íbúð en
enginn eldur. Kom í Ijós að húsráð-
andi hafði gleymt potti á eldavél og
varð af mikill reykur. Samkvæmt
upplýsingum slökkviliðs er slíkt tals-
vert algengt, en í þessu tilviki var þó
lán í óláni að ekki kviknaði eldur.
Skemmdir urðu ekki á íbúðinni aðrar
en þær sem stafa afsterkri lykt
_________vegna reyksins.
Klessti á
staur
Ung stúlka á tvítugsaldri slapp
ómeidd úr árekstri á Suðurlands-
vegi við Hveragerði milli kl. 7 og 8 i
morgun. Stúlkan, sem var ein I bíln-
um, er talin hafa sofnað undir stýri
með þeim afleiðingum að hún
missti bílinn út fyrir veg og á ljósa-
staur. Áreksturinn var svo harður
að staurinn brotnaði og bíllinn valt
í kjölfarið. Stúlkan var í belti og var
flutt til aðhlynningar á heilsugæslu-
stöðina í Hverageröi en þar reyndist
hún vera ómeidd eins og áður sagði.
-vig