Dagblaðið Vísir - DV - 03.09.2002, Side 8

8
ÞRIÐJUDAGUR 3. SEPTEMBER 2002
Fréttir
DV
Farþegalistar Herjólfs hreinsaðir þegar ferðir falla niður:
Bókaðir farþegar
settir á biðlista
- er ekki eins og flugið, segir rekstrarstjóri Landflutninga
Um 200 til 250 manns áttu bókað
með Herjólfi til og frá Eyjum í fyrra-
dag, en ferðum var aflýst vegna bil-
unar í skipinu. Margir farþegar
kvarta sáran undan því að farþega-
listar skuli vera hreinsaðir og bók-
uðum farþegum gert að bóka sig
upp á nýtt í næstu ferðir, og lenda
þeir jafnvel á biðlista í kjölfarið.
„Ég mætti að Herjólfsbryggjunni
á tilsettum brottfarartíma og var
sagt að ferðinni hefði verið aflýst.
Þegar ég spurði hvort ég fengi ekki
í næstu ferð fékk ég neikvæð svör
og mér var gert að skrá mig aftur í
seinni ferð og ég lenti á biðlista,"
segir Páll Sverrisson rótari, sem var
einn þeirra sem voru hreinsaðir út
af farþegalista Herjólfs þegar báðum
ferðum dagsins var aflýst vegna bil-
unar á sunnudag.
Páll fór til Vestmannaeyja um
helgina með hljómsveitinni íslands
eina von. Hann átti pantað aftur
upp á land klukkan kortér yfir átta
á sunnudag en vegna bilunarinnar
og óveðurs sem hamlaði flugi fór
hann hvergi og skráði sig nauðugur
á seinni ferð mánudags.
Mikið hefur veriö um kvartanir
vegna þessa vinnulags Herjólfs-
manna sem hreinsa farþegalista
þegar ferðum er aflýst í stað þess að
gefa umræddum farþegum forgang
á næstu ferð.
„Þetta er ekki eins og að taka
strætó. Ferðimar eru ekki á tuttugu
minútna fresti og ekki er hægt að
bæta við ferðum eins og í fluginu.
Við sjáum ekki réttlæti í því að ýta
burtu fólkinu sem átti pláss í næstu
ferð fyrir fólkið sem átti pantað í
fyrri ferð. í stað þess að láta frestun-
ina ganga yfir alla eru þeir óheppnu
sem áttu pantað í aflýstri ferð látnir
bera þungann," segir Björgvin Am-
aldsson, rekstrarstjóri Landflutn-
inga, sem sjá um ferjuna Herjólf.
Hann segir það oftast vera utanbæj-
armenn sem ekki þekkja vel til sem
kvarta undan tilhöguninni.
Páll segir meinlegt að farþegar
séu ekki látnir vita þegar ferðum er
aflýst, svo hægt sé að panta í annari
ferð strax. Þannig væri líka hægt að
koma í veg fyrir að menn komi til
dæmis langt að til Þorlákshafnar og
grípi í tómt.
„Marga þekkjum við á listanum
sem eru Vestmannaeyingar og flett-
um þeim upp í símaskránni og
hringjum í þá. Svo er auglýst í fjöl-
miðlum að ferðir falli niður,“ segir
hann. Aðspurður hvort auðveldara
væri að taka niður símanúmer hjá
fólki sem pantar far segir Björgvin
slíkt vel hægt að athuga. „Þetta var
sérstaklega óheppilegt í gær því
þarna fóru saman bilanir og óveður.
Því gat fólk ekki reddað sér með
flugi. Þetta er sem betur fer sjald-
gæft,“ segir Björgvin. -jtr
Akureyri:
Garðeigendur
verðlaunaðir
Akureyrarbær verðlaunaði
nokkra garðeigendur og umsjón-
armenn sérlega vel hirtra lóða um
helgina. í flokki nýrra garða fengu
Vilhelm Ágústsson og Edda Vil-
hjálmsdóttir viðurkenningu fyrir
Hindarlund 2. í flokki eldri garða
fékk Ingvar Garðarsson viður-
kenningu fyrir Eyrarlandsveg 27.
í flokki raðhúsa og fjölbýlishúsa
fékk Húsfélagið Huldugili 1-31
viðurkenningu. í flokki fyrirtækja
hlaut Glerártorg verðlaun og í
flokki stofnana fékk Kaþólska
kirkjan, Hrafnagilsstræti 2, viður-
kenningu.
í dómnefnd voru Guðmundur
Jóhannsson, formaður umhverfis-
ráðs, Jón Birgir Gunnlaugsson,
verkefnastjóri umhverfismála, og
Sveinn Rúnar Traustason lands-
lagsarkitekt. Sigrún Björk Jakobs-
dóttir, formaður menningarmála-
nefndar Akureyrarbæjar, afhenti
verðlaunin. -BÞ
Verölaunaafhendingin
Fornaður menningarmálanefndar veitir verölaun fyrir best hirtu garöana í basnum.
Ófærð til Nes-
kaupstaðar
Óhætt er að segja að ófært hafi
verið til Neskaupstaðar undan-
famar sex vikur. Nýi vegurinn
sem Vegagerðin lagði um miðjan
júlí hefur verið afleitur yfirferðar
og allt að því ófær á stundum. Þeg-
ar þurrt er liggur rykmökkurinn
yfir veginum.
Það vekur furðu að þessari
framkvæmd sé ekki lokið og má
nefna að það getur ekki hafa verið
þægilegt fyrir þá sjúklinga sem
fluttir hafa verið með sjúkrabílum
á Fjórðungssjúkrahúsið i Nes-
kaupstað að fara þessa ófærð. Fólk
sem hefur farið um allt landið í
sumar segir að enginn vegaslóði á
landinu sé eins siæmur og vegur-
inn inn i Neskaupstað.
Hilmar Þ. Sigurðsson í Innn hf.:
Heimasíðan álíka áríðandi og símkerfið
„Fyrirtækin eru farin að taka
við sér eftir niðursveiflu og niður-
skurð sem varð þegar krónan féll.
Við hér hjá Innn hf. höfum unnið
að því að ftnna okkar réttan fókus
og erum að ná árangri," sagði
Hilmar Þ. Sigurðsson, fram-
kvæmdasfjóri Innn hf., sem fram-
leiðir og hannar heimasiðiur á Net-
inu fyrir fyrirtæki, stofnanir og
einstaklinga. „Heimasíður eru
orðnar jafiinauðsynlegar fyrirtækj-
um og símkerfi, jafnvel smæstu
fyrirtæki komast ekki af án heima-
síðu,“ sagði Hilmar í gær. Fyrir-
tækið hefur starfað frá 1997 en Net-
ið varð til tveim árum fyrr.
Innn hf. hefur fjárfest mikið í
þróun á LiSA vefstjómarkerfinu á
síðustu tveimur árum, samhliða
innlendri og erlendri markaðs-
sókn. Nú eru meira en 800 vefir á
íslandi að nota LiSA vefstjómar-
kerfið og hefur félagið tæplega
40% markaðshlutdeild meðal 100
stærstu fyrirtækja landsins.
Hagnaður tölvufyrirtækisins
Innn hf. fyrstu 6 mánuði ársins
2002 fyrir afskriftir nemur 6 millj-
ónum króna samanborið við
nærri 33 milljóna tap á síðasta ári.
Hagnaður fyrir skatta reyndist
vera 0,1 m. kr. fyrstu 6 mánuði
ársins 2002 samanborið við 36
m.kr. tap fyrstu 6 mánuðina á ár-
inu 2001. Áætlaður hagnaður fyrir
árið 2002 er um 6,5 m. kr fyrir árið
í heild.
Innn hf. fagnar 5 ára afmæli í
sumar og af þvi tilefni hefur fyrir-
tækiö fengið nýtt útlit á allt sitt
markaðsefni. Gert er ráð fyrir að
velta ársins 2002 verði á bilinu
75-80 milijónir og félagið muni
skila hagnaði fyrir árið í heild.
-JBP
DV-MYND
Heimasíöa undirbúin
Enda þótt Netiö sé ekki nema 7 ára
er virkni þess slík aö fyrirtæki geta
ekki veriö án heimasíöu til kynningar
og beinna viöskipta.
Nýbygging fræöaseturs
Hér er unniö við aö fyiia inn í grunn
byggingarinnar á Löngumýri.
Fræðasetur fær
nýtt hús
Nú standa yfir byggingarfram-
kvæmdir hjá fræðasetri Þjóðkirkj-
unnar á Löngumýri í Skagafirði.
Þær hófust í vor með því að hluti af
gamla húsinu, sem í voru aðallega
svefnherbergi, var rifinn. Snemma í
júlí hófust síðan framkvæmdir við
nýbyggingu á sama stað sem er um
200 fermetrar að grunnfleti. í henni
verða fundarsalur og kapella. Hluti
af henni er tengibygging og þar
verða m.a. snyrtingar, skrifstofa og
aðalinngangur.
Að sögn Gunnars Rögnvaldsson-
ar, staðarhaldara á Löngumýri, á
framkvæmdum við nýbygginguna
að vera lokið 15. febrúar 2003. Þá
verður kominn sadur sem mun
rúma 140-150 manns í sæti sem gef-
ur möguleika á að þar verði mun
fjölmennari samkomur en áður því
núverandi salur tekur aðeins um 60
manns. Þrátt fyrir framkvæmdimar
á staðnum er starfsemi og móttaka
gesta með svipuðu sniði og áður.
Það er fyrirtækið K-Tak á Sauðár-
króki sem er verktaki við bygging-
una á Löngumýri. -ÖÞ
Drykk j arumbúðir:
Skilagjald
hækkar um krónu
Skilagjald fyrir einnota drykkjar-
vöruumbúðir hefur hækkað úr 8
krónum í 9 krónur og tók breyting-
in gildi 1. ágúst. Hækkunin, sem er
upp á 12,5 prósent, kemur til vegna
almennra verðlagsbreytinga frá síð-
ustu hækkun skilagjaldsins hjá
Endurvinnslunni sem varð árið
2000.
Skil umbúða hafa verið mög góð
frá stofnun Endurvinnslunar 1989.
Árið 2001 var skilahlutfall rúmlega
84 prósent af seldum umbúðum ut-
an af gosdrykkum, vatni, ávaxtasafa
og áfengum drykkjum.
-hlh
Kringlan í ágúst:
Aðsókn jókst um 3%
Aðsókn að Kringlunni jókst um
3% í ágúst miðað við ágúst 2001. Á
sama tíma fyrir ári var Smáralind
ekki komin til sögimnar og Kringl-
an þá eina stóra verslunarmiðstöð-
in. Aðsóknartölur fyrir liðinn mán-
uð þykja því uppörvandi fyrir
Kringluna.
Fyrsta mánuðinn eftir opnun
Smáralindar í fyrra minnkaði að-
sókn að Kringlunni um 10% en fór
fljótt að aukast aftur. Allt þetta ár
hafa aðsóknartölur verið að ná sínu
fyrra horfi. Aðsókn að Kringlunni
fyrstu átta mánuði ársins er um 2%
undir sama tímabili árið áður. Mun-
urinn hefur farið minnkandi með
hverjum mánuði.
Vegna 15 ára afmælisviku Kringl-
unnar í ágúst var sérstaklega kann-
að hvort aðsókn þá viku hefði haft
afgerandi áhrif á útkomu mánaðar-
ins. Svo reyndist ekki vera. Aðsókn
hafði aukist allar vikur mánaðar-
ins. -hlh