Dagblaðið Vísir - DV - 26.10.2002, Blaðsíða 30
30
Helgarbladi Z>”V"
LAUGARDAGUR 26. OKTÓBER 2002
Á leið frá West Ham
Paolo Di Canio hefur átt frábæru gengi að fagna með West Ham og verið lykilniaður í liðinu síðan liann kom
þangað frá Sheffield Wednesdav.
ítalski snillingurinn Paolo Di Canio hótar þvi nú
að fara frá enska úrvalsdeildarliðinu West Ham ef
forráðamenn félagsins bjóða honum ekki nýjan samn-
ing áður en þessi mánuður er úti.
Di Canio, sem er fyrirliði liðsins, hefur verið hjart-
að og sálin í West Ham-liðinu síðan hann kom þangað
frá Sheffield Wednesday í ársbyrjun 1999 og nýtur gíf-
urlegra vinsælda meðal stuðningsmanna liðsins.
Hann hefur margoft lýst því yfir að hann vilji enda
ferilinn hjá West Ham en ekki fengið þau viðbrögð
hjá forráðamönnum félagsins sem hann vonaðist eft-
ir.
Get ekld beðið endalaust
„Ég get ekki beðið endalaust eftir svari frá þeim. Ef
þeir hafa ekki áhuga á því að gera nýjan samning við
mig þá verð ég að fara að leita mér að nýju félagi. Ég
vil hins vegar klára ferilinn hjá West Ham og mér
finnst það virðingarleysi af þeim að vilja ekki tala við
mig. Ég hef ekki farið fram á neitt og því ætti ekki að
vera neitt i vegi fyrir því að við setjumst niður og
gerum nýjan samning," sagði Di Canio í vikunni.
Manchester United vildi kaupa Di Canio í fyrra en
ekkert varð úr kaupunum þá. Það er hins vegar ljóst
að í ljósi framherjavandræða félagsins myndi það ef-
laust hafa áhuga á því að fá kappann í sínar raðir.
Mikið hrap niður vinsældalistann
Hætt er við að forráðamenn West Ham myndu
hrapa hratt niður vinsældalistann hjá stuönings-
mönnum liðsins ef þeir endurnýja ekki samninginn
við Di Canio því hann er í guða tölu á Upton Park.
Hann hefur farið mikinn í undanfornum leikjum með
West Ham og nánast upp á eigin spýtur tryggt þeim
sigur í þremur útileikjum eftir mjög dapra byrjun
liðsins þar sem Di Canio var utan vallar vegna
meiðsla.
Hann hefur lagt upp þrjú mörk og skorað þrjú
mörk í þeim sjö leikjum sem hann hefur spilað og
verið maðurinn á bak við þrjú sigurmörk West Ham
í síðustu fjórum leikjum.
Di Canio hefur verið þekktur fyrir að liggja ekki á
skoðunum sínum um menn og málefni og hefur það
farið fyrir brjóstið á mörgum. Hann hefur gagnrýnt
stjórnarmenn og leikmenn fyrir kæru- og metnaðar-
leysi og það er kannski að koma honum 1 koll núna.
Hann nýtur hins vegar gifurlegrar virðingar meðal
leikmanna liðsins enda sá maður sem menn geta
tekið sér til fyrirmyndar sem atvinnumann. Hann
mætir fyrstur á æfingar, fer síðastur, reykir hvorki
né drekkur og er frábær fyrirmynd fyrir ungu
strákana í liðinu sem eru að stíga sín fyrstu skref í
aðalliðinu. -ósk
Okkur að kenna
— segir Olof Mellberg um slæmt gengi Aston Villa það sem af er tímabilinu
Sænski varnarmaðurinn Olof Mellberg hjá Aston Villa segir að leikmenn liðsins verði að líta í eigin barin vegna frammistöðu liðsins
í undanförnum leikjum en eltki láta knattspyrnustjórann Graliam Taylor taka alla sökina á sig.
Sænski landsliðsmaðurinn Olof Mellberg, sem
leikur með Aston Villa, neitar að skella skuldinni á
Graham Taylor, knattspyrnustjóra liðsins, vegna
lélegs gengis þess það sem af er keppnistímabilinu.
„Það er ekkert nýtt að knattspyrnustjórinn fái á
baukinn þegar illa gengur. Það er viðtekin venja þvi
að hann er við stjómvölinn. Það þýðir samt ekki að
við leikmenn getum fríað okkur allri ábyrgð.
Fjölmargir leikmenn liðsins hafa ekki leikið af
eðlilegri getu það sem af er tímabili og við verðum að
taka ábyrgð og viðurkenna okkar sekt.“
Lítíð sjálfstraust
Við erum eitt lið en ekki ellefu einstaklingar og
þetta er því okkur að kenna. Við vitum líka að ef við
förum ekki að taka okkur saman í andlitinu þá verður
veturinn mjög erfiður. Ég held reyndar að þessi lélegu
úrslit séu farin að hafa áhrif á sjálfstraustið hjá
liðinu. Það gengur illa að skora og það verður erfiðara
og erfiðara eftir því sem fleiri leikir líða án þess að
við náum að brjóta þann múr,“ sagði varnarmaðurinn
Olof Mellberg við fjölmiðla í gær.
Ætlar eldtí að hætta
Það er hins vegar engan bilbug að finna á Graham
Taylor, knattspyrnustjóra Aston Villa, þrátt fyrir að
gagnrýnin á hann í kjölfar lélegs gengis hafi verið
verið ansi hörð. Taylor fékk sinn skerf af gagnrýni
þegar hann var landsliðsþjálfari Englands á sínum
tíma og kallar því ekki allt ömmu sína í þeim efnum.
Hef engar áhyggjur
„Þetta er bara hluti af leiknum. Áhorfendur hafa
rétt til að láta óánægju sína ljós þegar illa gengur
alveg eins og þeir fagna þegar vel gengur. Ég er
orðinn ansi sjóaður í þessu og tek þessa gagnrýni ekki
inn á mig. Um leið og ég fer að gera það er ég búinn
að missa stjórnina. Ég hef ekki minnstu áhyggjur af
þessu. Um leið og við náum að snúa þessu óheillaferli
við munu stuðningsmennirnir fylgja með í kjölfarið.
Þeir mega hins vegar ekki yfirgefa okkur nú því að
við þurfum svo sannarlega á stuðningi þeirra að
halda. -ósk