Dagblaðið Vísir - DV - 26.10.2002, Blaðsíða 32
32
Helgarblaci H>"V LAUGARDACU R 26. OKTÓBER 2002
Neyðarhjálp
úr norðri
Á sunnudaqskvöldið verða haldnir stór-
tónleikar íBroadwaq þarsem fram koma
meira en 200 listamenn sem allir gefa
vinnu sína. Ágóðinn rennur til stgrktar og
uppbgggingar þeirra sem eiga um sárt að
binda eftir flóðin í Tékklandi. Anna
Kristine Magnúsdóttir, elsti hálfi Tékkinn
a Islandi, hefur veg og vanda af þessari
flóknu framkvæmd.
Anna Kristine Magnúsdóttir er þekktur blaðaraaður, þátta-
stjómandi og þarf ekki nema að nefna Milli mjalta og messu
því til staðfestingar. Hún er einnig rithöfundur og er að
leggja síðustu hönd á viðtalsbók númer tvö sem ber heitið
Litróf lífsins.
Þessi kraftaverkakona hefur undanfamar vikur skipulagt
risavaxna tónleika á Broadway sem haldnir verða sunnu-
dagskvöldið 27. október kl. 20.30. Þar koma fram rúmlega 200
listamenn sem gefa vinnu sina til styrktar þeim sem eiga um
sárt að binda eftir flóðin í Tékklandi í sumar. Anna Kristine
er einmitt hálfur Tékki en faðir hennar kom til íslands sem
flóttamaður árið 1947. Tónleikamir, sem bera yfirskriftina
Neyðarhjálp úr norðri, eru engin smásmíði og það fyrsta sem
manni dettur í hug að spyija Önnu Kristine um er hvemig í
ósköpunum henni hafi dottið í hug að ráðast í þetta stórvirki?
Anna Kristine Magnúsdóttir er ein kona en miðað við umsvif liennar niætti lialda að hún væri lijálparstofnun
og ferðaskrifstofa í senn. Hún hefur skipulagt inikla styrktartónleika fvrir fórnarlömb flóðanna í Tékklandi og
fengið liðsinni nieira en 200 listamanna.
Að íslenskum sveitasið
„Neyðarhjálp úr norðri varð til 1997 þegar mikil flóð urðu
í Moldavíu. Þá var ég stödd í Tékklandi og að íslenskum
sveitasið spurði ég landa minn, sem starfar hjá Reuter, hvort
við gætum ekki gert eitthvað. í framhaidi af því fékk ég þá
hugmynd um miðja nótt að halda stórtónleika og þótt dóttir
mín ráðlegði mér að halda mig við það sem ég kann þá lét ég
vaða og tónleikamir urðu að veruleika í Háskólabíói. Fyrir
peningana sem þá söfnuðust var hægt að innrétta heilt elli-
heimili í lítilli borg á Mæri í Tékklandi,“ segir Anna
Kristine.
- Hún viðurkennir að þegar hún horfði á eftir Tékkunum
yfirgefa landið fyrir nærri fimm ámm þá hafi hún lofað
sjálfri sér að gera þetta aldrei aftur. En i sumar urðu mikil
flóð í Tékklandi eins og heimsbyggðin fylgdist með og þegar
fyrirspum barst frá Tékklandi um að endurtaka leikinn
hugsanlega þá sagði Anna Kristine þegar í stað já.
„Ég var búin að gleyma öllu andstreyminu og sagði hik-
laust já og lagðist í simann. Dóttir mín segir að ég sé ekki ró-
leg nema ég sitji við tölvuna í símanum og sé að senda sms
með hinni hendinni. Fyrst ætlaði ég að halda tónleikana í Há-
skólabíói og Sambíóin vora fús til að lána salinn eitt kvöld en
það fannst enginn hljóðmaöur sem vildi gefa vinnuna sina og
mér fannst ómögulegt að sníkja framlag listamannanna til
þess eins að greiða hljóðmanni allt að hálfa milljón.“
Enginn sagði nei
„Þá leitaði ég til Amars Laufdal og fannst frábært að finna
þar ungan athafnamann sem er til í að leggja eitthvað af
mörkum til fólks sem hann þekkir ekkert.
Undirtektimar meðal listamannanna hafa verið slikar að
maður sér að hjartalag þessa fólks hlýtur að vera einstakt.
Þama koma fram tveir risastórir kórar, Fóstbræður og
Gospelsystur Reykjavíkur, Stuðmenn og Milljónamæringam-
ar og Geir Ólafsson með stórsveit sína. Þama verða Páll Ósk-
ar Hjálmtýsson og Monika Abendroth hörpuleikari og Bjami
Arason og Silja Rut Ragnarsdóttir. Engum dettur í hug að
segja: Ég nenni þessu ekki. Allir virðast vera til að leggja lið
fólki sem á bágt.
Það gerist hins vegar það sama og síðast þegar ég gerði
þetta að yngstu skemmtikraftarnir vilja ekki taka þátt í
svona tónleikum. Ég fékk nei frá Emilíönu Torrini síðast og
írafári núna.“
Auk þeirra sem þegar hafa verið nefndir koma tékkneskir
listamenn til landsins sérstaklega til að koma fram á þessum
tónleikum. Tékkneskir tónlistarmenn búsettir hér á landi
leggja sitt af mörkum og tónlistarmenn sem lært hafa í Tékk-
landi. í þessum hópi nægir að nefna Pavel Manásek organista
og Hjörleif Valsson fiðlara, Jana Lewitova og Vladimir Merta
koma frá Tékklandi og Petr Muk sem er ein vinsælasta popp-
stjama Tékka og kvartettinn Barduhka kemur fram. Hólm-
fríður Bjömsdóttir og Jónatan Amar Örlygsson sýna dans.
Ekliert gerist án fyrirhafnar
Ekkert af þessu gerist án fyrirhafnar og Broadway tekur
enga húsaleigu, Bjami Friðriksson hljóðmaður vinnur frítt
og Ágúst Ágústsson, Gústi rót, sviðsstjóri á Broadway, legg-
ur sitt af mörkum.
Flugleiðir, SAS og Heimsferðir tryggja að listamenn og fjöl-
miðlafólk komist frá Tékklandi til íslands. Bflaleigan Avis og
Bilaleiga Húsavíkur leggja til bíla og gistiheimilið Kríunes
við Elliðavatn hýsir útlendingana meðan á dvöl þeiria stend-
ur. Sambíóin gefa skjáauglýsingar í alla kvikmyndasali og út-
varpssvið Norðurljósa gefur einnig auglýsingar á fjórar út-
varpsstöðvar sínar. Rolf Johansen, Edda miðlun, Lýsi og Staf-
ræna prentstofan em meðal þeirra íyrirtækja sem styðja tón-
leikana og verkefiiið í heild. Budjovice heitir borgin í Tékk-
landi þar sem Budvar-bjór er framleiddur og þær frægu verk-
smiðjur em mjög illa famar eftir flóðin.
Anna Kristine segir að ákveðið hafi verið að styrkja upp-
byggingarstarf i Suður-Tékklandi að þessu sinni og einbeita
kröftunum sérstaklega að endurbyggingu skóla.
„Við ætlum að veðja á æsku landsins og erum með lista
yfir þá skóla sem þarfnast endurbyggingar og það ræðst sið-
an af viðtökum hve mikið við getum gert. Við ákveðum að
gera þetta svona vegna þess að Evrópusambandið og ýmsir
sjóðir munu einbeita sér að uppbyggingarstarfi í Prag vegna
þeirra menningarverðmæta sem þar er að finna og hætt við
að fátæk sveitarfélög úti á landi sitji á hakanum.“
ísland græðir lílvu
Anna lætur ekki duga að safna fé til styrktar Tékklandi
heldur mun ísland njóta góðs af þessu framtaki þó á annan
hátt sé.
„Það koma fimm tékkneskir fjölmiðlamenn hingað. Það
verður bein útsending frá hluta tónleikanna í tékkneska rík-
isútvarpinu og þeir verða einnig teknir upp i heild til útsend-
ingar síðar. Það verður tekin upp sjónvarpsmynd og gerður
heimildaþáttur um framkvæmd þeirra og það kemur lið frá
einkarekinni sjónvarpsstöð sem heitir TV Prima og hefur
mjög mikið áhorf og þeir taka upp efni fyrir fréttamagasín-
þátt sem heitir Svét 2002, sem þýðir Heimurinn 2002, og þeir
munu gera mörg innslög og einnig feröast um Island og gera
greinar og innslög um ísland og íslenska þjóð og íjölmiðla-
fólkið hefur þegar selt umfjöllun sína til þriggja ferðatíma-
rita. ísland fær þannig mikla landkynningu í Tékklandi á
næstu vikum og mánuðum,“ segir Anna Kristine.
Köttur, kaffi og guðleg forsjón
Þessi kraftaverkakona skipulagði þetta risavaxna verkefni
ásamt því að sjá um sinn vikulega útvarpsþátt, lesa prófark-
ir að bókinni Litróf lífsins sem er að koma út og hún fullyrð-
ir að það sé ekki einleikið hvemig allar dyr sem hún hefur
knúið á í tengslum við þetta verkefhi hafa lokist upp fyrir
henni án fyrirhafnar og segist vera viss um guðlega forsjón í
þessu samhengi. Hún viðurkennir að vera dálítið svefnlaus
um þessar mundir en færir samt blaðamanni öflugan morg-
unmat, frábært kaffi og rekur drauma sína sem eru hlaðnir
kristilegum velgengnistáknum varðandi tónleikana og kynn-
ir mig fyrir 18 ára gömlum heimiliskettinum. Þetta er engin
venjuleg kona.
„Við eram að fjárfesta í framtíð Tékklands. Það kostar
1.500 krónur inn, jafnt fyrir alla og engum boðið. Við munum
láta gott af okkur leiða og vonandi koma einhveijir þeirra
íjölmörgu sem notið hafa gestrisni Tékka og fegurðar lands-
ins undanfarin ár.“ -PÁÁ
Fulltrúar listainaiina og aðstoðarfólks safnast sainan í Kríunesi við Elliðavatn.