Dagblaðið Vísir - DV - 26.10.2002, Blaðsíða 35
LAUGARDACUR 26. OKTÓBER 2002
HelQarhloö DV
35
er laut aö vélum bifreiða, og lauk prófum í þeirri grein.
Hann kom aftur til landsins 1919 og hafði þá í hyggju að
gera stuttan stans en ílengdist hér á landi og stundaði bif-
reiðaviðgerðir, fyrst í stað í koksgeymslu Gasstöðvarinn-
ar við Hlemm.
Sveinn og Jón bróðir hans tóku það upp eftir föður sín-
um að lengja byggðina með fram Laugavegi. Þeir fengu
byggingarleyfi árið 1919 fyrir stóru einlyftu steinhúsi,
m.a. undir bifreiðaverkstæði, í svonefndri Elsumýri og
byggðu þar einnar hæðar hús ári síðar. Þetta var jarðhæð
þess húss er síðar varð stórhýsið við Hlemm, milli Lauga-
vegar og Hverfisgötu.
Sveinn hóf síðan bifreiðainnflutning, fékk umboð fyrir
Ford-bifreiðar og var um langt skeið einn helsti bifreiða-
innílytjandi landsins. Jón, bróðir Sveins, varð hins vegar
ekki langlífur en hann var myrtur árið 1930 er brotist var
inn á verkstæði þeirra bræðra.
Jón Hjaltalín héraðslæknir
Guðmundur Egilsson, sá er keypti lóð Egils við Lauga-
veginn, byggði þar timburhúsið sem enn stendur og er
númer 40. Byggingarleyfi fyrir húsinu var veitt 1906.
Hann mun síðan hafa selt húsið 1907 Ásgeiri Þ. Sigurðs-
syni, konsúl og kaupmanni i versluninni Edinborg.
Næsti eigandi Laugavegar 40 var Jón Hjaltalín Sigurðs-
son læknir. Jón var í hópi þekktustu lækna á sinni tið.
Hann varð héraðslæknir í Reykjavikurhéraði 1911 og
mun hafa eignast Laugaveg 40 skömmu eftir 1914. Jón var
læknir Farsóttarhússins frá 1920, yfirlæknir lyflæknis-
deildar Landspítalans og prófessor við HÍ. Hann bjó við
Laugaveginn fram á miðjan fjórða áratuginn er fjölskyld-
an flutti á Flókagötuna. Meðal barna Jóns er Grímur,
fyrrv. héraðslæknir í Hafnarfirði.
Kúnst
Jón Hjaltalín læknir átti húseignina Laugaveg 40 alla
sína ævi en hann lést 1955. Erfingjar hans seldu timbur-
húsið og bakhús þess ekki fyrr en 1977. Þá keyptu það
hjónin Árni Jónsson, húsgagnasmíðameistari og hús-
gagnaarkitekt, og Sigurlaug Jóndóttir.
Árni hafði rekið Húsgagnaverslun Árna Jónssonar að
Laugavegi 70 og verið með húsgagnaverkstæði í bakhúsi
að Laugavegi 69. Þau hjónin létu gera upp jarðhæð timb-
urhússins, glugga þess og klæðingu en það var farið að
láta töluvert á sjá. Síðan var byggt milli framhússins við
Laugaveg og bakhússins og loks gerðar í stand tvær íbúð-
ir á annarri hæð og ein í risi. Þau hjónin opnuðu siðan
verslunina Kúnst á jarðhæðinni 1979. Árni lést fyrir ald-
ur fram 1983 en Sigurlaug starfrækti verslunina til 1990
er hún seldi fyrirtækið. Hún er þó enn eigandi jarðhæð-
arinnar á Laugavegi 40.
Áður en Árni og Sigurlaug hófu verslunarrekstur sinn
á Laugavegi 40 var lengi prjóna- og vefnaðarvöruverslun-
in Vesta þar til húsa.
Jón Hjaltalín lét reisa steinhúsið á lóð sinni árið 1928.
Um er að ræða þrílyft verslunar- og íbúðarhús fyrir aust-
an timburbúsið en arkitekt hins nýja húss var hinn
kunni húsameistari, Einar Erlendsson, höfundur margra
glæsilegra steinhúsa frá þeim tíma, s.s. húss Hjálpræðis-
hersins í Reykjavík, húss Edinborgarverslunar og húss
Mjólkurfélags Reykjavíkur í Hafnarstræti. Ári síðar, 1929,
var lóðinni skipt í tvær byggingalóðir, Laugaveg 40 og
Laugaveg 40A.
Fyrsti kvenlyfsalinn
í árslok 1928 stofnaði Jóhanna Magnúsdóttir lyijafræö-
ingur Lyfjabúðina Iðunni. Apótekið var til húsa að Lauga-
vegi 40A frá stofnun og þar til fyrir örfáum árum og var
Jóhanna lyfsali þar 1928-1961.
Jóhanna var merkiskona. Hún var fædd i Árbæ í Holt-
um, dóttir Magnúsar Torfasonar sýslumanns og Camillu
Stefánsdóttur, sýslumanns og bæjarfógeta á ísafirðil
Bjarnasonar. Hún varð stúdent frá MR 1914 og lauk lyfja-
fræðiprófi 1919, fyrst íslenskra kvenna. Þá var hún for-
stjóri Áfengisverslunar ríkisins 1928-1932.
Jóhanna leigði húsnæðið af Jóni Hjaltalín lækni á ár-
unum 1928-1937. Þá seldi Jón Jóhönnu Laugaveg 40A og
hefur húseignin verið í eigu fjölskyldu hennar síðan. Jó-
hanna var lengst af búsett í íbúð sinni uppi á lofti í hús-
inu en hún lést 1981. Á annarri hæðinni voru hins vegar
lengi læknastofur.
Er Jóhanna hætti lyfsölu 1961 varð Jón Þórarinsson ap-
ótekari í Iðunnar Apóteki. Jón var sonur Þórarins Krist-
jánssonar hafnarstjóra og Ástríðar, dóttur Hannesar Haf-
steins ráðherra. Hann var faðir Önnu K. Jónsdóttur, sem
lengi var borgarfulltrúi, og bróðir Hannesar læknis. Jón
lést fyrir aldur fram 1975. Þá tók við Iðunnar Apóteki,
Kjartan Gunnarsson lyfsali sem starfrækti apótekið á
þessum stað þar til nú fyrir nokkrum árum.
Öll sú starfsemi sem hér hefur veriö rifjuð upp, hlýtur
að vekja þá spurningu hvort staðarvalið á steinbæ Egils
Diðrikssonar hafi á endanum verið svo mikil ráðleysa ár-
ið 1888. -KGK
Drif a öllum
Nýkomnir
Lækkað verð
Bestu kaupin á fjórhjóladrifsbíl
sem hægt er að gera.
Mikið úrval fyrsta flokks bíla.
Nýjustu bílarnir í eigu Bílaþings Lægstu verðin á notuðum bílum.
staldra við hér í 88 klst. Fylgstu með, því hér er hægt
Fyrstir koma, fyrstir fá. að gera góð kaup!
Gott á bilathing.is
BILAMNGÉEKLU
Laugavegi 170-174 • Sími 590 5000 • www.bilathing.is • bilathing@hekla.is NÚwer eitt í notuðum bílum!