Dagblaðið Vísir - DV - 04.01.2003, Síða 33

LAUGARDAGU R -4. JANÚAR 2003
Helqarblctö I>V
33
en það er satt. Núna ríkti meira
jafnræði með fórnarlömbunum.
Það er stöðugt umhugsunarefni
hvað má ganga langt í Skaupinu.
Ákaflega margar hugmyndir
fengu að Qúka þar sem þær voru
neðan við beltisstað eða of miklar
kjaftasögur. Við höfum eina þum-
alputtareglu og hún er afstæð: ef
það er fyndið þá má það. Það er
ekki víst að öllum þyki það fynd-
ið en ef okkur finnst það fyndið
leyfum við okkur að birta það.
Það er ekki nóg að vera bara
kvikindislegur."
Óskar segir að þeir hafi ekki
fengið nein viðbrögö frá fórnar-
lömbum Skaupsins 2001, ekki
einu sinni Árna Johnsen. „Það er
þegjandi samkomulag um skot-
leyfi Skaupsins,“ segir Óskar.
Mikið grín var gert að Hell’s
Angels og gripu margir andann á
lofti þegar þeir sáu afskræmingu
Óskars og félaga á merki Vít-
isenglanna sem eru ekki sagðir
mjög umburðarlyndir. „Ég hef
heyrt að ef óvinnvígður lætur
húðflúra merki Vítisengla á sig,
fái sá líkamshluti að fjúka af, ef
upp kemst um kauða,“ segir Ósk-
ar. „Ég hef líka heyrt að sá sem
klappi Vítisengli á bakið og snerti
þannig merki hans fái hnefa sam-
stundis í andlitið. Það má ekki
snerta merkið og hvað þá afrita
það og setja Vítisengla á skóla-
bekk í Njarðvíkum.
Vítisenglum er sem betur fer
ekki hleypt inn í landið þannig að
ég tel okkur þokkalega örugga.
Þeir hljóta líka að skilja að þetta
er saklaust grín - eða hvað? Ekki
nema Fáfnir í Grindavík fái verk-
efni.“
Leoncie var harðorð vegna
notkunar Skaupsins á lagi hennar
Sexy Loverboy. „Þú stalst laginu
minu og lést hvita íslenska vini
þína sem vinna hjá Ríkissjón-
varpinu gefa þér heiðurinn af því.
Ég mun aldrei fyrirgefa þér
þetta,“ sagði Leoncie í bréfi til
Vilhjálms Guðjónssonar sem
samdi tónlist fyrir Skaupið.
Óskar segir að hann hefði mátt
segja sér þetta fyrir: „Milli jóla og
nýárs sagði ég við fólk uppi í
Sjónvarpi að mér væri sama um
kínversk stjórnvöld eða Vít-
isengla, en ég hefði hins vegar
talsverðar áhyggjur af Leoncie.
En til að fyrirbyggja allan mis-
skilning þá ber ég alfarið ábyrgð
á notkun lagsins og Vilhjálmur
kemur þar ekki nærri. Mér þykir
miður ef hún er reið en hún fær
vitanlega borguð Stefgjöld eftir
hefðbundnum leiðum. Mér finnst
indverska prinsessan alveg frá-
bær og vil ekki reita hana til
reiði.“
Eitt í viðbót?
Óskar segist vera svo lánsamur
að fara til Kanarí í dag að gera
auglýsingar, nokkuð sem hann
gat ekki slegið hendinni á móti.
Hann er einnig að vinna í Litlu
lirfunni ljótu en verið er að gera
stutta þætti um hana og einnig
kvikmynd í fullri lengd. „Svo lít-
ur út fyrir að ég sé að fara að gera
kvikmynd um Skara Skrípó. Ég er
búinn að fá vilyrði fyrir fram-
leiðslustyrk og það er stór áfangi.
Þá leikstýri ég sjálfum mér og
þarf sennilega einhvern veginn að
fara út úr líkamanum. Það verður
sögulegt - allavega skrautlegt og
skemmtilegt."
Lokaspurningin hlýtur að vera
þessi: myndirðu gera eitt skaup í
viðbót ef þér byðist það? Svar
Óskars er svona: „Ef ég geri kvik-
mynd í sumar líst mér ekki á það
því þá verður enginn tími aflögu.
Það er líka ágætt að hvíla sig á
þessu. En þetta er mjög gaman og
ég mæli með því við hvern sem er
að búa til Áramótaskaup: starfið
er laust til umsóknar." -sm
ciWKULMíl
Anna *
að losna
Vertu í BEINU sambandi
við þjónustudeildir DV
550 5000

ER AÐALNUMERIÐ
Smáauglýsingar Auglýsingadeild Drei/ing Þjónustudeild Ljósmyndadeild íþróttadeild
550 5700
550 5720
550 5740 550 5780
550 5840
550 5880