Dagblaðið Vísir - DV - 17.04.2003, Síða 32

32
Helgarblctð JOV FIMMTUDAGUR 17. APRÍL 2003
Grimm lokabarátta
Nú þegar fimm umferðir eru eftir af ensku úrvals-
deildinni er spennan á toppi og botni meiri en oft áður.
Það bendir allt til þess að tvö lið berjist um enska meist-
aratitilinn, Arsenal og Manchester United, og að tvö
önnur öðrum fremur berjist um að forðast fall í 1. deild-
ina, en það eru West Ham og Bolton. Englendingar eiga
fjögur sæti í Meistaradeild Evrópu. Þrjú þeirra tryggja
sæti í aðalkeppninni en það fjórða gefur sæti í und-
ankeppni meistaradeildar. Það virðist sem fjögur efstu
liðin séu svo gott sem búin að tryggja sér sætin fjögur
en fyrir utan tvö efstu liðin eru Newcastle og Chelsea í
þriðja og fjórða sætinu. Auðvitað geta Everton og Liver-
pool blandað sér í baráttuna en við gerum ráð fyrir að
baráttan um þriðja sætið og sæti í aðalkeppni meistara-
deildarinnar standi á milli Newcastle og Chelsea.
Þess skal getið að þegar þetta er ritað áttu Manchest-
er og Arsenal eftir að leika í gærkvöld. Úrslit þess leiks
skipta eðlilega miklu máli upp á framhaldið.
Botnbaráttan
Eins og áður sagði berjast West Ham og Bolton um að
halda sæti sínu í deildinni þó að Aston Villa, Fulham og
Birmingham geti með góðu gengi sínu í síðustu leikjum
blandast í þá baráttu. Stórleikur helgarinnar er einmitt
leikur þessara tveggja liða en þau mætast á Reebok-vell-
inum, heimavelli Bolton, en leikurinn fer fram á laug-
ardag. Það eru margir á þeirri skoðun að bæði þessi lið
séu of sterk til aö falla en þau hafa bæði verið að rétta
úr kútnum undanfarið. Bolton hefur unnið fjóra leiki af
síöustu átta, gert tvö jafntefli og tapað tveimur. Liðið
hefur skorað 11 mörk og fengið á sig 7 og fengið samtals
14 stig.
West Ham gefur Bolton lítið eftir í sama fjölda leikja
þvi að Glenn Roeder og lærisveinar hans hafa fengið 12
stig, unnið þrjá leiki, gert þrjú jafntefli og tapað tveim-
ur leikjum, eins og Bolton. West Ham hefur hins vegar
skorað 9 mörk en fengið á sig 8. Dagskrá liðanna, sem
eftir er, þykir nokkuð jöfn en líklega á West Ham ívið
léttari leiki eftir þar sem Bolton á eftir að mæta Arsenal
á heimavelli sínum. Það er þó líklegt að þegar upp er
staðið geti leikurinn á laugardag skorið úr um það
hvort liðið fer niður ásamt WBA og Sunderland.
Jussi Jaaskelainen, markvörður Bolton, er klár á því
að heimavöllurinn á laugardag geri gæfumuninn fyrir
Bolton. Hann segir að þrátt fyrir tapið gegn Chelsea á
laugardag sé sjálfstraustið enn nógu mikið til að klára
dæmið. Hann segir að það sé mun meiri pressa á West
Ham á laugardag, þótt ekki væri nema fyrir heimavöll-
inn, og að gott gengi Bolton þar að undanfórnu gæti
strekkt á taugum leikmanna West Ham.
Stórliðin bítast urn titilinn
Eftir að Man. Utd kjöldró Newcastle síðastliðinn laug-
ardag ligggur það fyrir að það verða aðeins Man. Utd og
Arsenal sem bítast um Englandsmeistaratitilinn.
Arsenal á leik til góða í þessari baráttu og það verður
aö telja að Lundúnaliðið eigi talsvert auðveldari leiki
eftir á keppnistímabilinu. Að vísu er Bolton inni í því
þar sem það hefur verið að stríða sterkari liðunum í
vetur, auk þess sem liðið á í hatrammri fallbaráttu.
Manchester United á hins vegar eftir að mæta liðum
eins og Everton, sem munu leggja allt undir til að reyna
aö krækja í fjórða sæti deildarinnar, og Blackburn sem
að margra mati hefur leikið ágætlega. Það verður þó að
setja stórt spumingarmerki við Manchester United því
að liðið á einnig eftir að leika seinni leikinn gegn Real
Madrid en hann fer fram í næstu viku. Liðið á þar við
ramman reip að draga þar sem Man. Utd þarf að vinna

BS m
J
h im
Guðni Bergsson verður í eldfínunni á næstu vikum til að hjálpa liði sínu að forðast fall. Hér á hann í höggi við
Kieron Dyer. Hann og félagar lians í Newcastle eiga í allt annarri baráttu á liinum enda deildarinnar en þeir
berjast til að tryggja sér öruggt sæti í meistaradeildinni.
upp 1-3 frá þvi í fyrri leiknum. Það verður fróðlegt að sjá
hvernig leikmenn liðsins bregðast við ef þeir faha út úr
meistaradeildinni. Miðað við hvernig þeir bmgðust við
tapinu í síðustu viku og tóku Newcastle í kennslustund
er líklegt að stuðningsmenn Man. Utd þurfi ekki að hafa
áhyggjur af eftirköstunum.
Arsenal að missa taktinn?
Eftir frábært gengi Arsenal í úrvalsdeildinni í vetur
virðist liðið aöeins hafa misst taktinn. Ísíðustu átta
leikjum hefur Arsenal tapað einum leik og gert þrjú jafn-
tefli. Þetta þýðir að af 24 stigum mögulegum í síðustu
átta leikjum hefur liöið tapað níu stigum en það hefur
gert það að verkum að Man. Utd hefur náð liðinu að stig-
um og komst í fyrsta sinn í fleiri stig um síðustu helgi.
Manchester United hefur hins vegar unnið fimm leiki
í röð eftir að hafa tapað tveimur leikjum þar á undan.
Liðið viröist vaxandi um þessar mundir en margir aödá-
endur Man. Utd hafa spurt sig þeirrar spurningar hvort
þeir David Beckham og Roy Keane séu réttu mennirnir í
liðið um þessar mundir. Þeir Phil Neville og Ole Gunnar
Solskjær hafa skilað þeim stöðum að margra mati mun
betur og er skemmst að minnast frammistöðu Solskjærs
gegn Newcastle um síðustu helgi.
Framkvæmdastjórar liðanna hafa verið að munn-
höggvast í fjölmiðlum í Englandi að undanfornu og hef-
ur Alex Ferguson, framkvæmdastjóri Man. Utd, gagnrýnt
Arsene Wenger fyrir yfirlýsingar um að hann telji að
Arsenal muni hampa bikarnum að tímabilinu loknu og
segir þær heimskulegar. Wenger segir hins vegar að
hann telji þetta sjálfsagðan hlut, annað væri óeðlilegt.
Hann segir þetta skoðun sína þar sem hann sé hann
með gott lið sem eigi það skilið að verða Englandsmeist-
ari. Þá bendir hann á að það sé óeðlilegt ef hann segði
við fjölmiðla að hann teldi að Arsenal ynni ekki titilinn.
-PS
Baráttan um Fallbaráttan
meistaratitilinn
Baráttan um
meistaradeildarsætið
Manchester Utd
Blacburn (h)
Tottenham (ú)
Charlton (h)
Everton (h)
MeistaradeUd 23/4
Real Madrid (h)
Arsenal
Middlesboro (ú)
Bolton (ú)
Leeds (h)
Southampton (h)
Sunderland (ú)
Bolton
West Ham (h)
Blackburn (ú)
Arsenal (h)
Southampton (ú)
Middlesboro (ú)
West Ham
Bolton (ú)
Middlesboro (h)
Man. City (ú)
Chelsea (h)
Birmingham (ú)
Newcastle
Fulham (ú)
Aston Villa (h)
Sunderland (ú)
Birmingham (ú)
WBA (ú)
Chelsea
Aston Villa (ú)
Everton (h)
Fulham (h)
West Ham (ú)
Liverpool (h)