Dagblaðið Vísir - DV - 12.05.2003, Blaðsíða 6

6
MÁNUDAGUR 12. MAÍ 2003
Fréttir dv
„Ég held að þetta sé örvænting-
aróp úr Samfylkingunni og menn
hljóta að spyrja um trúverðug-
leika þess að daginn eftir kosning-
ar er verið að bjóða mönnum for-
sætisráðherrastólinn. Menn virð-
ast vera búnir að gleyma því að
það átti að gera tiltekinn vara-
þingmann Samfylkingarinnar að
forsætisráðherra, en það er eins
og annað í þessum flokki; fyrir-
heit og loforð gleymast fljótt,“ seg-
ir Einar K. Guðfmnsson, varafor-
maður þingflokks Sjálfstæðis-
flokksins, um fréttir þess efnis að
Samfylkingin hafl boðið Fram-
sóknarflokknum forsætisráð-
herrastólinn.
Halldór Ásgrímsson hefur upp-
lýst að Össur Skarphéðinsson hafi
hringt i sig í gær og Össur segir í
viðtali við DV í dag að forsætis-
ráðherrakortið sé ekki í spilum
Samfylkingarinnar. Þá hafa
ónafngreindir þingmenn Fram-
sóknarflokksins tjáð DV að mjög
sé biðlað til þeirra úr röðum Sam-
fylkingarinnar um að ganga til
stj órnarmyndunar.
Sama stjórn líkleg
Halldór og Davíð Oddsson
ræddu stuttlega saman í gærmorg-
un og ákváðu að falast síðdegis í
dag eftir umboði þingflokka sinna
til að hefja formlegar viðræður
um stjómarmyndun. Einar K. seg-
ir þettta eðlilegt og rökrétt.
„Stjórnin hélt velli og hefur ræki-
legan meirihluta; annað hefði ver-
ið órökrétt." Hann segist telja lík-
legra en hitt að viðræðurnar
Sjaumst!
Þaö fór vel á meö stjórnarherrunum í gærkvöld og mestar líkur á aö þeir endurnýi samstarfiö. Samfylkingin biðlar til
Framsóknar en samstjórn Samfylkingar og Sjálfstæöisflokks er heldur ekki útilokuð.
gangi upp. „Mér flnnst það lík-
legra, en auðvitað á það eftir að
koma í ljós,“ segir Einar. Hann
segist heldur vilja að Davíð Odds-
son verði áfram forsætisráðherra
en allir viti þó að Halldór sé hæf-
ur til að gegna starfinu.
Þá útilokar Einar K. ekki stjórn-
arsamstarf Sjálfstæðisflokks og
Samfylkingar. Athygli vakti að
Davíð Oddsson sagði í for-
mannaumræðum í Sjónvarpinu í
gær að staða sín væri sterkari en
staða Halldórs Ásgrímssonar að
því leyti að hann gæti myndað
tvenns konar starfhæfar tveggja
flokka stjórnir, þ.e. annaðhvort
með Framsóknarflokki eða Sam-
fylkingu; það væri „ekkert vanda-
mál“ milli Sjálfstæðisflokks og
Samfylkingar. -ÓTG
Varaformaður þingflokks Sjálfstæðisflokksins:
Þetta er örvæntingaróp
úr Samfylkingunni
Ung stúlka lést í
bílslysi í Eyjum
- tvær stúlkur á gjörgæsiu, önnur mikið slösuð
Sautján ára stúlka lést í Vest-
mannaeyjum aðfaramótt sunnu-
dags þegar bifreið, sem hún var
farþegi í, ók út af og lenti á stein-
vegg við Steypustöð Vestmanna-
eyja við Strandveg. Þurfti að kalla
til tækjabíl Slökkviliðs Vest-
mannaeyja til að losa ökumann-
inn sem var fastur í bifreiðinni.
Tvær stúlkur, ökumaður og far-
þegi, slösuðust alvarlega og voru
fluttar frá sjúkrahúsi Vestmanna-
eyja með þyrlu Landhelgisgæsl-
unnar á Landspítalann í Reykja-
vík. Önnur stúlkan gekkst undir
skurðaðgerð á handlegg í gær og
að sögn vakthafandi læknis á gjör-
gæslu var hún vakandi í morgun
og leið betur. Hin stúlkan er mik-
ið slösuð og er haldið sofandi í
öndunarvél. Þriðja stúlkan var úr-
skurðuð látin nokkru eftir að
komið var með hana á sjúkrahús-
ið í Vestmannaeyjum. Allar stúlk-
urnar voru um tvítugt.
Bænastund var í Landakirkju á
sunnudagskvöld vegna slyssins.
Mikill fjöldi fólks mætti í bæna-
stundina og var fullt út úr dyrum.
Að sögn lögreglu er fólk mjög sleg-
ið yfir þessu slysi, enda þekkja all-
ir í svo litlu bæjarfélagi þá sem
hlut áttu að máli.
-HKr.
DV-MYND ÓG
Bænastund var í Landakirkju á sunnudagskvöld
Mikill fjöidi fólks mætti 1 bænastundina og var fullt út úr dyrum vegna hins
hörmulega bílsfyss aðfaranótt sunnudagsins.
Góöar barnabækur byggja brýr
Kristín Steinsdóttir, Halla Sólveig Þorgeirsdóttir, Sigrún Sigvaldadóttir, Bryn-
hildur Þórarinsdóttir, Guöiaugur Björgvinsson og Anna Heiöa Pálsdóttir, for-
maöur Barna og bóka.
Yngstu höfundarnir
víOlesnastir
Vorvindar, viðurkenningar Bama
og bóka, íslandsdeildar IBBY, voru
veittir í gær í Norræna húsinu. Enn
var verðlaunuð bókin Engill í Vestur-
bænum eftir Kristínu Steinsdóttur
sem Halla Sólveig Þorgeirsdóttir
myndlýsti, Sigrún Sigvaldadóttir
hannaði og Vaka-Helgafell gaf út. Þá
fékk Brynhildur Þórarinsdóttir við-
urkenningu fyrir endursögn sína á
Njálu sem Mál og menning gaf út. Og
loks fékk Mjólkursamsalan viður-
kenningu fyrir Fernuflug, keppni
meðal 13-15 ára unglinga um örsögur
og ljóð sem um þessar mundir birtast
á mjólkurumbúðum landsmanna.
Guðlaugur Björgvinsson, forstjóri
Mjólkursamsölunnar, sagði að upp-
skeran úr samkeppninni hefði verið
afar góð og vandi hefði verið fyrir
dómnefndina, undir stjóm Vigdísar
Finnbogadóttur, að velja 64 texta úr
þeim 1200 sem bárust. Hver texti er
prentaður á 600.000 femur svo að alls
eru birtingar um 40 milljónir. Sagði
Guðlaugur að gaman væri til þess að
hugsa að yngstu höfundar landsins
væru nú þeir víðlesnustu! -SA
Guðbrandur Sigurðsson:
Kvótakerfið
til umræðu á
nýjuþingi
Guðbrandur Sigurðsson, forstjóri
Útgerðarfélags Akureyringa og
Brims, varaði fyrir kosningarnar
við málflutningi stjómarandstöðu-
flokkanna um breytingar á kvóta-
kerfinu og viðraði sínar skoðanir
við starfsmenn. Það olli óánægju
hjá Alþýðusambandinu sem taldi
Guðbrand hafa brotið lög um stétt-
arfélög og vinnudeilur.
„Það kom á óvart í þessum kosn-
ingum hvað kvótamálið var mikið
til umræðu. Það verður vonandi til
þess að menn fara yflr þessi mál og
gera breytingar til batnaðar. Ég er
sannfærður um að kvótakerfið
verður til umræðu þegar nýtt þing
kemur saman í haust. Það að ekki
eru líkur á breytingum í bili í anda
stjómarandstöðunnar er ekki bara
hagstætt fyrir útgerðina heldur fyr-
ir alla íslendinga. Kerfið hefur ver-
ið að skila ágætum árangri og ég
held að í þessum málum sé mikil-
vægt að viö gerum engin mistök og
skoðum endann áður en við gerum
einhverjar breytingar. Það er fyrst
og fremst það sem ég hef verið að
benda á. Sumir frambjóðendur
voru með tillögur sem voru mjög
vanhugsaðar í byrjun. Hvort þessi
skrif mín hafi haft einhver áhrif á
afstöðu fólks hér í kjörklefanum
hef ég ekki hugmynd um,“ segir
Guðbrandur Sigurðsson. -GG
Nýtt þing og ASÍ;
Mikil áhersla
á byggða- og
atvinnumál
Gylfi Ambjörnsson, skrifstofu-
stjóri Alþýðusambands íslands, seg-
ir það of snemmt að segja til um
hvort úrslit þingkosninganna hafi
áhrif á framvindu kjaramála og
væntanlega kjarasamninga, fyrst
verði að sjá hvort núverandi stjórn-
arflokkar haldi áfram stjómarsam-
starfi.
„Þetta hefur engin áhrif á þau
áhersluatriði innan verkalýðshreyf-
ingarinnar varðandi kjaramál sem
verið hafa í gangi síðustu misseri. í
okkar röðum hefur verið mikil
áhersla á velferðarmálin, á öryggis-
net launafólks og það er að verða
mikil áhersla á atvinnu- og byggða-
mál og þar með sjávarútvegsmál
sem er bæði byggða- og atvinnu-
mál. Viö hljótum að meta máhð þeg-
ar þessi atriði sjá dagsins ljós í nýj-
um stjórnarsáttmála. Verkalýðshreyf-
ingin vill hafa áhrif á mótun samfé-
lagsins en það gerum við m.a. í sam-
starfi við stjómvöld hveiju sinni,“
segir Gylfi Arnbjömsson. -GG
Rotterdam:
Kjörseðlar
kláruðust
Kjósendur, sem ætluðu að
neyta atkvæðisréttar síns í ís-
lenska konsúlatinu í Rotterdam í
Hollandi, gripu í tómt þegar til
átti að taka. Atkvæðaseðlar voru
uppurnir og ekki von á því að
meira bærist. Hermt er að fólkið
hafi bæði verið svekkt og sárt
yfir þessu sleifarlagi ræðismanns-
skrifstofúnnar.
Patreksfjöröur:
Ekki barn
í kjörklefann
Ungri konu á Patreksfirði, sem
var með barn á handlegg, var
meinað að ganga þannig í kjör-
klefa. Hún varö því að koma
barninu í öruggar hendur rétt á
meðan hún gekk inn fyrir tjaldið
og krossaði við á kjörseðlinum.