Dagblaðið Vísir - DV - 29.11.2003, Side 8
8 LAUGARDAGUR 29. NÓVEMBER 2003
Fréttir DV
Skýrsla um
hælisleitendur
Tíu þingmenn Samfylk-
ingar vilja að dómsmála-
ráðherra flytji Alþingi
skýrslu um afdrif útlend-
inga sem hafa sótt um hæli
á Islandi síðustu átta ár.
Stjórnvöld hafa verið gagn-
rýnd að undanförnu iyrir
hörku gagnvart hælisleit-
endum og í skýrslunni á
meðal annars að koma
fram hvaða rökstuðningur
lá að baki hverri ákvörðun.
Skjaldborg fær
5 milljónir
Meirihluti íjárlaga-
nefndar Alþingis leggur til
að húsafriðunarnefnd fái
aukafjárveitingu, fimm
milljónir, til að nota í end-
urbætur á Skjaldborg á Pat-
reksfirði. Skjaldborg var á
árum áður samkomuhús
Patreksfirðinga en er nú
kvikmyndahús.
Sjónarhóll
færjólagjöf
Flytjandi hefur ákveðið
að senda ekki jólakort til
viðskiptavina sinna þetta
árið heldur styrkja Sjónar-
hól um sömu upphæð en
kostnaður við jólakortin
hefur verið um 100 þúsund
krónur. Fyrir jólin mun
kosta 500 krónur að senda
jólapakka með fyrirtækinu
hvert á land sem er, svo
frerni sem hægt er með
góðu móti að halda á
pakkanum. Sjónarhóll fær
einnig 10% af andvirði jóla-
pakkasendinganna.
Jón Ólafsson EðaJón góði eins
og hann eralltafkallaður
Jón Ólafsson þykir frábær fag-
maður í tónlist og er sagður
geta spilað allt affingrum
fram, fyrirhafnarlítið. Glað-
værð ríkir alltafí kringum
hann og það léttir honum flest
störfog virkjarjafnframt aðra
til þátttöku. Jafnframt fanta-
góður fjölmiðlamaður, eins og
þátturinn Affingrum fram
sannar vel.
Kostir & Gallar
Jóni er fundið til lasts að vera
stundum svolítið laus í rásinni
hvað varðar öll markmið sem
hann hefur sett sér; þau fjúki
til og frá, rétt eins og vindar
samfélagsins blási. Ekki sist
eigi þetta við um hin ytri lífs-
gæði; hann hafí sóst eftir þeim
flestum þóttyfirlýst markmið
hans hafi áður verið önnur.
Sameining Ríkisspítala og Sjúkrahúss Reykjavíkur hefur heppnast í faglegu tilliti
en fjárhagslegur ávinningur er enginn og hallarekstur eykst sífellt.
Þjónusta minnkaö
eftir sameiningu
spítalanna
Launakostnaður spítalans
er talsvert hærri en á sam-
bærilegum stofnunum í
Bretlandi.
Sameining Ríkisspítala og Sjúkrahúss Reykja-
víkur hefur hvorki leitt til sparnaðar né aukinna
afkasta starfsfólks eins og til stóð. Þetta er niður-
staða ítarlegrar úttektar sem Ríkisendurskoðun
hefur gert á sameiningu sjúkrahúsanna en það
ferli hófst árið 1999.
Upphaflega var stefnt að því að gera starfsemi
sjúkrahúsanna skilvirkari og ódýrari með samein-
ingunni. Þannig átti að ná fram betri þjónustu,
auka ánægju sjúklinga og styrkja rannsóknir og
kennslu innan spítalanna.
Ríkisendurskoðun telur að þessi markmið hafi
náðst að mestu leyti en tekur fram að erfitt hafi
verið að meta árangurinn þar sem ekki hafi verið
sett skýr og mælanleg markmið í upphafi. Þó gefi
umfang þjónustutegunda til kynna að þjónustan
hafi dregist saman en ekki aukist eins og vonast
var til.
í skýrslunni kemur fram að þótt kostnaðarleg-
ur ávinningur hafi ekki náðst sé ljóst að samein-
ingin hafi faglega styrkt spítalann. Runólfur Páls-
son, læknir og lektor við Háskóla íslands, segist
sammála þessu mati en hann íjallaði um spftal-
ann í ræðu sem hann flutti á heilbrigðisþingi í
byrjun nóvember. „Það er hægt að segja að sam-
einingin hafi verið forsenda þess að hægt væri að
koma háskólasjúkrahúsi á laggirnar. Fyrir hana
voru einingarnar of litlar til að slíkt væri hægt."
I skýrslu Ríkisendurskoðunar er borinn saman
rekstur Landspítala-háskólasjúkrahúss og sam-
bærilegra breskra háskólasjúkrahúsa. Saman-
burðurinn er talinn viðunandi; meðallegutími
sjúklinga er svipaður, kostnaður er sambærilegur
en tekið er fram að sjúklingum LSH reiðir betur af
eftir aðgerðir hér á landi heldur en þeir gera í
Bretlandi. Á móti kemur að launakostnaður hér er
talsvert hærri en í samanburðarhópum miðað við
magn þjónustu. Einnig er nauðsynlegt að taka á
sívaxandi rekstrarhalla spítalans en við samein-
inguna jókst hallinn úr 186 milljónum í 840 millj-
ónir.
„Skýrslan er gagnleg og merkileg í alla staði,“
segir Jón Kristjánsson, heilbrigðis- og trygginga-
málaráðherra.“
„Niðurstaðan staðfestir að sameiningin hefur
tekist í flesta staði vel. Hún ber starfsfólkinu gott
vitni og spítalinn hefur styrkst mikið faglega. Hins
vegar er ýmislegt sem þarfnast lagfæringar og ætl-
unin er að setjast gaumgæfilega yfir þau mál. Ég
hef ég þegar skipað nefnd til að gera tillögur að
úrbótum."
aibert@dv.is
Landspítalinn Sameining deilda, fækkun starfsfólks og
minni yfirvinna hefur ekki orðið til að draga úr kostnaði.
Jón Kristjánsson ásamt Magnúsi Péturssyni, forstjóra LSH. Skýrslan er gagnleg og merkileg íalla staði, segirJón
Miðborgin og Vesturbærinn njóta vinsælda
Fæstir vilja búa í Breiðholtinu
Breiðholtið Þykir ekki eftirsóknarverður staður.
Vesturbærinn og miðborgin eru
vinsælustu hverfi borgarinnar, sam-
kvæmt könnun Gallups á búsetu-
óskum Reykvíkinga. í Breiðholti, þar
sem fimmtungur borgarbúa býr,
vildu hins vegar aðeins 11 prósent
búa. Af því má ráða að miðað við
íbúafjölda er Breiðholt óvinsælasta
hverfi Reykjavfkurborgar. Þetta fer
saman við þær niðurstöður könnun-
arinnar að helmingur fólks sé á móti
því að byggð séu stór íjölbýlishús í
hverfunum þar sem það býr. Bæði
Grafarvogur og Hlíðarnar voru neð-
an meðaltalsvinsældir.
Þegar litið var til aldurs vildu
flestir 20-24 ára búa í núðbænum,
25-34 ára vildu fara í Vesturbæinn,
35-44 ára í Grafarvog, 45-55 ára í
Austurbæ norður og 55-75 ára vildu
vera í Breiðholtinu. Flestir nefndu
nálægð við þjónustu og menningu
sem ástæðu fyrir búsetu f miðbæn-
um og Vesturbænum, og þann
möguleika að vera bíllaus. Þeir sem
nefndu Árbæ, Breiðholt og Grafar-
vog sem fýsilegan búsetukost mátu
hverfin sem barnvæn og róleg og ná-
lægt útivistarsvæðum. Á Kjalarnesi
vildu þeir búa sem kusu útsýni, fal-
lega náttúru og rólegheit.
Þegar fólk var spurt á hvaða ný-
byggingasvæði það vildi helst búa
nefndu flestir Vatnsmýrina, eða 39
prósent, og næstflestir Skuggahverf-
ið í miðbænum, eða 22 prósent. Ein-
ungis 9 prósent vildu búa í fyrirhug-
aðri 30 þúsund manna byggð við
Úlfarsfell. Af þessu má ráða að 60
prósent vilji búa nærri miðbænum.
Flestir, 40 prósent svarenda,
töldu ljölskylduvænt og friðsælt um-
hverfi skipta mestu máli. Einungis
1,3 prósent lögðu mikið upp úr góðri
strætisvagnaþjónustu, 3,4 prósent
létu nálægð við ættingja skipta sig
mestu og 2 prósent framboð veit-
ingahúsa eða menningar.
Helmingur kvenna og þriðjungur
karla voru á móti því að fjölga há-
hýsum í borginni, en meirihluti taldi
sig hafa þörf fyrir 3 bílastæði eða
fleiri fyrir fjölskyldu sína og gesti.
jontrausti@dv.is