Dagblaðið Vísir - DV - 30.12.2003, Blaðsíða 15

DV Fréttir
ÞRÍÐJUDÁGUR 30.DESEMBER 20Ó3
15
i
raun til manndráps.
ds 2003 Ekkeit
mennina. Þeir flúðu með feng sinn
en lögregla náði þeim á Hafravatns-
vegi um klukkustund síðar. Ungu
mennirnir voru úrskurðaðir í gæslu-
varðhald og var sleppt á Þorláks-
messu. í ljös kom að starfsmaður
Bónuss var í vitorði með þeim. Eng-
in slys urðu á fólki í vopnuðum rán-
um ársins og má það teljast mildi.
Helgi Gunnlaugsson afbrota-
fræðingur sagði nýlega í samtali við
DV að fjölgun bankarána mætti
rekja til aukinnar neysluhyggju og
auðhyggju í samfélaginu. Hann telur
að hrinu bankarána muni ljúka
senn. „Þetta smitast út og ránin
koma í hrinu hvert á fætur öðru. En
yfirleitt hjaðnar þetta og ég vona að
svo sé núna,“ sagði Helgi.
Fjölgun brota
Lögregla lagði hald á gífurlegt
magn fikniefna á árinu og voru fíkni-
efnamálin þriðjungi fleiri en árið
2002. Á árinu eru skráð 1338 fíkni-
efnabrot í samanburði við 994 árið á
undan. Lögregla lagði til dæmis hald
á rúmar 3.100 e-töflur á árinu í alls
114 málum. Árið á undan voru mál-
in 58 og magnið 814 e-töflur. Lagt
var hald á rúm 50 kíló af hassi, rúmt
kíló kókaíns og tæp þrjú kíló
amfetamíns. Alls voru fiknefna-
brotin 1338, samkvæmt bráða-
birgðatölum Ríkislögreglustjóra, og
er það rúmlega þriðjungs aukning
frá árinu 2002.
Guðmundur Guðjónsson, yfir-
lögregluþjónn hjá embætti Ríkislög-
reglustjóra, segir fjölgun mála í takt
við markmið sem sett voru í desem-
ber á síðasta ári. „Aðgerðir lögregl-
unnar voru efldar, sem meðaf ann-
ars fólst í auknum afskiptum lög-
reglumanna af götumálunum. Ekki
fer á milli mála að lögreglustjórar
hafa staðið sig mjög vel í að fylgja
eftir þessum markmiðum," segir
Guðmundur Guðjónsson.
Mesta magn barnakláms
Stærsta kynferðisbrotamál ársins
kom upp í júní þegar Ágúst Magnús-
son, starfsmaður Tollstjórans í
Reykjavík, var handtekinn. Við hús-
leit á heimili Ágústs fundust þús-
undir mynda með barnaklámi og
öðru klámfengnu myndefni. Við yf-
irheyrslur játaði Ágúst að eiga
myndefnið en um er að ræða mesta
magn barnakláms sem lögregla hef-
ur lagt hald á í einu máli. Haft var
eftir lögreglu að fundist hefðu
heimamyndbönd þar sem maður-
inn virtist vera í kynferðislegum at-
höfnum við ungmenni. Myndbönd-
in voru sögð mjög óskýr.
Lö_gregla komst á sporið þegar
ábendingar bárust um grunsamlega
hegðun Ágústs á spjallrásum á Net-
inu. Svo virtist sem hann væri að
tæla til sín börn og ungmenni með
aðstoð Netsins. Ágúst hafði um ára-
bil lagt sig fram um að vinna með
börnum og unglingum. Hann var
rekinn úr starfi hjá KFUM fyrir
fáeinum árum. Heimildir herma að
sex drengir komi við sögu í máli
Ágústs og er þess að vænta að réttar-
höld fari fram í málinu í janúar nk.
Annað barnaníðingsmál kom
upp í desember þegar hópur lög-
reglumanna flaug vestur á Patreks-
fjörð til að handtaka Sigurbjörn
Sævar Grétarsson, sturtuvörð og
lögreglumann í afleysingum. For-
eldrar nokkurra barna lögðu fram
kæru á hendur Sigurbirni sem er
grunaður um kynferðisglæpi gagn-
vart skólapiltum. Sigurbjörn losn-
aði úr gæsluvarðhaldi skömmu fyr-
ir jól en fjölmiðlar hafa greint frá
því að hann hafi játað sakarefnið að
hluta.
Kynferðisbrot sem komið hafa til
kasta lögreglunnar í Reykjavík á ár-
inu eru 146 í samanburði við 162 í
fyrra. Það er um 10% fækkun frá
fyrra ári en aukning um 14% frá
meðaltali áranna 1999-2002.
Smygl á fólki og fíkniefnum
Lögreglan á Keflavíkurvelli og
tollgæslan höfðu í nógu að snúast
allt árið. Fjöldi mála hefur ekki í
annan tíma verið meiri og í desem-
bermánuði einum komu upp fjórtán
fíkniefnamál í flugstöðinni. Jóhann
R. Benediktsson, sýslumaður á
Keflavíkurvelli, segir árið hafa verið
mjög annasamt. „Málin sem upp
komu voru fjölbreyttari en áður.
Fíkniefnamálum fjölgaði frá fyrra ári
og svo bættust við fjölmörg mál er
varða smygl á fólki og fjársvik.
Sprengjuhótun kom líka á okkar
borð,“ segir Jóhann.
Sex Kínverjar voru í lok árs dæmd-
ir í fangelsi fyrir að framvísa fölsuð-
um vegabréfum í Leifsstöð. Þá sitja
fjórir útlendingar í haldi lögreglu eft-
ir að hafa verið gripnir við komuna til
landsins. Mennirnir eru grunaðir um
að hafa ætlað að stunda umfangs-
mikil fjársvik hér á landi. Þá var Vít-
isenglum hvað eftir annað snúið við í
Leifsstöð en slíkir menn eru ekki vel-
komnir hingað til lands.
Þá vakti mikla athygli þegar tveir
forsvarsmenn hnefaleika, Salvar H.
Björnsson og Sigurjón Gunnsteins-
son, voru handteknir í Leifsstöð í
byrjun desember. Þeir voru hvor
um sig með þrjá kókaínfyllta
smokka í endaþarmi, eða um 400
grömm.
1. Árni Johnsen á ieið heim af
Kvíabryggju með listaverkin sín.
2. Bankarán voru tíð á árinu en hér
er verið að ræna Sparisjóð
Hafnarfjarðar.
3. Frændur tveir rændu Bónus ekki
alls fyrir löngu. Starfsmaður var
þeim samsekur og játaði.
4 og 5. Það vakti mikla athygli er
Kristján Ra Kristjánsson og Árni Þór
Vigfússon voru handteknir og settir
í gæsluvarðhald
JÚIÍ
Málverkadómurinn féll í
júlí en þá var Pétur Þór Gunn-
arsson dæmdur í sex mánaða
skilorðsbundið fangelsi og
Jónas FreydaJ Þorsteinsson í
fjögurra mánaða skilorðs-
bundið fangelsi. Pétur Þór og
Jónas voru sýknaðir af öllum
ákærum þess efnis að þeir
hefðu falsað eða látið falsa
102 málverk sem ákært var
fyrir. Þeir voru hins vegar sak-
felldir fyrir að hafa selt sam-
tals sex málverk sem þeir
vissu að væru
fölsuð. Mál-
verkaföls-
unarmálið
er það
dýrasta
sem rekið
hefur verið fyrir íslenskum
dómstólum.
Stefán Brynjarsson var
dæmdur í sex ára fangelsi í
júlí fyrir að hafa flutt tæp sex
kíló af amfetamíni og tæpt
kíló af kókafni til landsins.
Systir Stefáns, Angela, var
dæmd í þriggja ára fangelsi
vegna málsins og Hafsteinn
Ingimarsson hlaut tveggja ára
fangelsi. Fjórir félagar þre-
menninganna hlutu vægari
dóma. Stefán var talinn höf-
uðpaur í stóru fikniefnamáli
sem fólst meðal annars í því
að hann sendi fíkniefni í nið-
ursuðudósum hingað til
lands. Hópurinn var talinn
hafa haft 6 milljónir króna
upp úr krafsinu.
Varnarliðsmaðurinn John
Edwin Rehm var dæmdur í
eins og hálfs árs fangelsi fyrir
að stinga ungan
íslending í
Hafnar-
stræti að
morgni 1.
júní. Rehm
var ákærð-
ur fyrir til-
September
Hæstiréttur sýknaði
Árna Mathiesen sjávarút-
vegsráðherra af kröfum
Magnúsar Þórs Hafsteins-
sonar alþingismanns um að
tiltekin ummæli ráðherra,
þar sem hann sakaði Magn-
ús Þór um að hafa sviðsett
frétt af brottkasti, skyldu
ómerkt. Hæstiréttur leit svo
á að með ummælum sínum
hefði ráðherra ekki farið út
fyrir mörk tjáningarfrelsis.
Október
Ríflega fertugur karl-
maður var dæmdur í fimm
og hálfs árs fangelsi fyrir
gróf kynferðisbrot og mis-
notkun á stjúpdóttur sinni.
Brotin höfðu staðið samfellt
í tólf ár. Dómurinn er jafn-
þungur þyngsta refsidómi
Hæstaréttar í kynferðis-
brotamáli.
Nóvember
Vændiskona var dæmd í
þriggja mánaða skilorðs-
bundið fangelsi. Eiginmað-
ur konunnar hlaut sex
mánaða skilorðsbundinn
dóm. Konan veitti fjölda
karlmanna kynlífsþjónustu
á heimili sínu í Hafnarfirði
og víðar. Þótti margt benda
til að eiginmaðurinn hefði
lagt að konu sinni að
stunda vændi og var hann
fundinn sekur um að hafa
haft viðurværi sitt af vændi
konunnar.
Desember
Lögreglumennirnir
Þórjón Pétur Pétursson og
Þórir Marínó Sigurðsson
voru dæmdir í skil-
fangelsi fyrir
ofbeldi, ólögmætar hand-
tökur og falsaðar lögreglu-
skýrslur. Þórjón hlaut fimm
mánaða fangelsi og Þórir
tveggja mánaða. Lögreglu-
mönnunum hefur verið
vikið úr starfi hjá lögregl-
unni. Þeir áfrýjuðu dómn-
um til Hæstaréttar.
Steinn Ármann Stefáns-
son var úrskurðaður ósak-
hæfur í Héraðsdómi Reykja-
víkur. Steinn var ákærður
fyrir að hafa banað Braga
Olafssyni f september 2002.
Steini er gert að sæta örygg-
isgæslu á viðeigandi stofn-
un um ókomna tíð.
Einar Valdimarsson, 28
ára fyrrum sjóðstjóri Kaup-
þings, var dæmdur í eins
árs skilorðsbundið fangelsi
fyrir umboðssvik og brot
gegn lögum um skyldu-
tryggingu og starfsemi líf-
eyrissjóða. Þetta mun vera í
fyrsta sinn sem maður er
dæmdur fyrir síðarnefnda
brotið hérlendis.
Fjölnir Þorgeirsson var
sýknaður af ákæru fyrir fjár-
drátt og toll-
svik þegar
hann
flutti sjö
Grand
Cher-
okee
jeppa til
landsins frá
Kanada árið 1999. Ákæran
var í fjórum liðum og var
Fjölnir sýknaður af þremur
ákæruliðum. Hann var sak-
felldur fyrir bóklialdsbrot
og hlaut mánaðar skilorðs-
bundið fangelsi.