Dagblaðið - 03.02.1977, Blaðsíða 8

8
DAGBLAÐIÐ. FIMMTUDAGUR 3. FEBRÚAR 1977.
Geirfinnsmálið upplýst—26 mánuðum eftir morðið
„EKKIUM MAFÍU EDA FJÁR-
STERKA AÐILA AD RÆÐA”
—segir Karl Schiitz af brotaf ræðingur
Guöjón Skarphéðinsson, 33
ára, Kristján Viöar Viðarsson
21 árs_ og Sævar Marínó
Ciesielski, 21 árs, réðu Geir-
finni Einarsyni bana í fjörunni
við Dráttarbrautina í Keflavík
kvöldið 19. nóvember 1974. Frá
þessu var skýrt á blaðamanna-
fundi sem boðað var til af Saka-
dómi Reykjavíkur í gær.
Banamenn Geirfinns Einars-
sonar börðu hann til dauða með
hnúum og hnefum og barefli.
Segjast þeir ekki hafa haft
þann ásetning fyrirfram að
bana honum.
„Engin mafía eða fjársterkir
menn stóðu að baki þessum
verknaði," sagði Karl Schiitz á
blaðamannafundinum.
„Glæpurinn var framinn af
þröngum hópi afbrotamanna
sem notað hafa öll tækifæri til
að komast yfir peninga, allt frá
vasaþjófnaði til innbrota, fíkni-
efnasölu, fjársvika og ávísana-
fals,“ sagði Schiitz.
Til Keflavikur var farið að
kvöldi hins 19. nóv. 1974 á ljós-
bláum Volkswagenbíl sem Erla
Bolladóttir fékk lánaðan hjá af-
greiðslumanni Bílaleigunnar
Geysis, sem hætti þar störfum
um áramótin 1975-76. Enginn
samningur var gerður um leigu
bílsins en Erla greiddi af-
greiðslumanninum kr. 5 þús. og
lofaði honum jafnframt að taka
til í íbúö hans fyrir greiðann.
Til ferðarinnar til Kefla-
víkur þetta örlagakvöld var og
fenginn frændi Kristjáns
Viðars, Sigurður Öttar Hreins-
son sem þá ók sendiferðabif-
reið, Mercedes-Benz. Var hug-
myndin að hann tæki ótiltekinn
farm af spíra sem átti að fást
hjá Geirfinni eða að ábendingu
hans, til Reykjavíkur.
Frá veigamiklum atriðum
þessa máls hefur verið skýrt í
Dagblaðinu. Atburðarásin, sem
skýrt var frá á blaðamanna-
fundinum í gær, er í aðalatrið-
um þessi:
Hinn 17. nóvember 1974 fór
Geirfinnur Finarsson á dans-
leik í samkomuhúsinu Klúbbn-
um í Reykjavík. Neytti hann
áfengis og var talsvert ölvaður
Þetta kvöld voru þar einnig
Sævar Marínó og Kristján
Viðar. Reyndu þeir að stela
veskjum gesta á þann hátt að
annar þeirra gaf sig á tal við þá
en hinn sætti á meðan lagi að
stela veski úr vasa þess sem
rætt var við. í þessu augnamiði
gáfu þeir sig á tal við Geirfinn.
Þegar Sævar Marínó heyrði
að maðurinn hét Geirfinnur og
var frá Keflavík, segir hann svo
frá að sér hafi dottið í hug að
þar væri maður, sem hann
hafði heyrt kallaðan „Geira" og
var frá Keflavík, orðaður við
áfengissölu, meðal annars
smyglaðan spíra. Akvað Sævar
Marínó að komast í nánara sam-
band við „Geira" þennan.
Kynnti hann sig fyrir honum
sem Magnús Leópoldsson og
ræddu þeir eitthvað um spíra-
viðskipti. Fékk Sævar Marinó
nafn og heimilisfang Geirfinns.
Skildu svo leiðir þeirra.
Daginn eftir hinn 18. nóv.
1974 hitti Sævar Marínó
Guðjón Skarphéðinsson á
Mokka-Kaffi, í Reykjavík og
fóru þeir saman heim í íbúð
Guðjóns. Segist Sævar Marínó
hafa hitt mann og þurfi hann
að fara til Keflavíkur í bisness-
erindum við hann. Biður hann
Guðjón að koma mér sér.
Guðjón lofar því ekki ákveðið.
Hringdi nú Sævar Marínó í 03
og fékk gefið upp símanúmerið
heima hjá Geirfinni. Einnig
hringdi hann í Kristján Viðar
og sagði honum að hann ætlaði
að fara til Keflavíkur daginn
eftir til að stela spíra. Biður
hann Kristján Viðar að útvega
sendiferðabifreið til farar-
innar.
19. nóv. fengu þau Erla
Bolladóttir og Sævar Marínó
fyrrgreindan bílaleigubíl. Um
kvöldmatarleytið þennan dag
hringdi svo Sævar Marínó í
Geirfinn. Höfðaði hann til sam-
tals þeirra í Klúbbnum og
mæltu þeir sér mót í Hafnar-
búðinni i Keflavík kl. 22.00 um
kvöldið.
Þau Erla og Sævar Marínó
fóru heim til Guðjóns en-hann
var þá ekki heima. Hittu þau
hann nokkru síðar í húsinu
Lambhóli við Starhaga, þar sem
Guðjón var staddur hjá kunn-
ingja sínum. Féllst Guðjón þá á
að fara með þeim til Kefla-
víkur. Fóru þau saman upp á
Vatnsstíg þar sem þau hittu
Kristján Viðar og sendibílstjór-
ann. Fór hann á undan áleiðis
til Kelavíkur en Kristján Viðar
fór inn í Volkswagenbílinn til
þeirra. Tók Guðjón við stjórn
hans og héldu þau einnig til
Keflavíkur.
Þegar þau komu að Hafnar-
búðinni í Keflavík fóru þeir þar
inn Sævar Marínó og Kristján
Viðar. Þangað hafði Geirfinnur
komið en var þá farinn þaðan.
Virðistenginn hafa veitt þeim
félögum eftirtekt í Hafnarbúð-
inni að þessu sinni.
Frá Hafnarbúðinni var þá
farið í Dráttarbrautina, þar
sem sendiferðabíllinn var lát-
inn bíða. Var bílstjóra hans
sagt að drepa á bílnum og hafa
engin ljós á honum. Þá er ekið
að söluturni við Aðalstöðina til
þess að hringja. Þar var þá svo
margt manna að ekki var lagt
til inngöngu. Aftur var ekið til
Hafnarbúðarinnar. Þar fór
Kristján Viðar inn og hringdi
til Geirfinns. Spurði Geirfinnur
þá hvort Maggi væri þarna.
Svaraði Kristján Viðar: „Við
erum hér.“ Kom Geirfinnur
skömmu síðar að Hafnarbúð-
inni og settist inn í bílaleigu-
bílinn.
Þegar þeir Sævar Marínó og
Geirfinnur fara að ræða um
spíra kemur í Ijós mis-
skilningur.Taldi Geirfinnur að
verið væri að bjóða sér spíra til
kaups. Taldi Sævar þessi
viðbrögð Geirfinns klókindi af
hans hálfu, viðhöfð í þeim til-
gangi að athuga hvað hann gæti
haft upp úr fyrirhuguðum
viðskiptum.
Rétti nú Sævar seðlabúnt, 70
þús. krónur, að Geirfinni. Tók
Geirfinnur i fyrstu við þvi en
kastaði því jafnskótt frá sér á
gólfið og vildi komast út úr
bifreiðinni. Þegar þetta gerðist
var komið í Dráttarbrautina.
Fóru þá allir út úr bifreiðinni.
Nú ætlaði Geirfinnur á brott
en Guðjón greip til hans og
stöðvaði hann. Hófust nú átök
milli Geirfinns annars vegar og
Guðjóns, Kristjáns og Sævars
hins vegar. Nokkurt ósamræmi
er í frásögn af átökunum, en þó
virðist sem Guðjón hafi í fyrstu
tekið Geirfinn hálstaki. Tók
Kristján þá Geirfinn hálstaki
aftan frá og setti hnefann í bak
hans. Greip þá Sævar lurk sem
þar lá og barði framan á fætur
Geirfinns og í maga hans. Að
sögn Kristjáns losaði hann háls-
takið á Geirfinni og barði hann
með lurk á brjóstið og á vinstri
vanga ofan og aftan við eyrað.
Dimmt var í Dráttarbraut-
inni, þegar þessi átök áttu sér
stað, rigningarúði með 5 vind-
stigum og um það bil 5 gráða
hita.
Sigurður Óttar Hreinsson
kveðst ekkert hjafa séð af því
er fram fór en þó heyrt mál
manna.
Þegar Geirfinnur lá óvígur
eftir höggin gáðu þeir Sævar
Marínó og Kristján að andar-
drætti og tóku á slagæð. Voru
þeir sannfærðir um að Geir-
finnur væri þá látinn. Sævar
skipaði nú Erlu að hafa sig á
brott og komast á puttanum til
Reykjavíkur, þar sem ekki væri
pláss fyrir hana í bílnum, þvi að
þeir myndu flytja líkið með sér.
Settu þeir síðan lík Geirfinns
við glugga í aftursæti bif-
reiðarinnar og vöfðu höfuð
hans með kápu Erlu. Hún hvarf
út í myrkrið.
Um fe'rðir Erlu er það vitað
að hún faldi sig í gömlu mann-
lausu húsi þar skammt frá og
fór síðan snemma morguns
áleiðis til Reykjavíkur með bíl,
sem tók hana upp í, að Grinda-
víkurafleggjaranum og síðan
með öðrum bíl þaðan til Hafn-
arfjarðar. Þaðan fór hún með
strætisvagni til Reykjavíkur.
Banamenn Geirfinns fóru
með líkið í bílaleigubilnum til
Reykjavíkur. Ræddu þeir sín á
milli.um hvar þeir ættu að fela
það. Var ekið að húsi við Grett-
isgötu þar sem Kristján bjó.
Þar var sparkað upp hurð á
geymslu í kjallara og líki
Geirfinns vafið inn í gervi-
leðuráklæði og komið fyrir á
bekk þar. Þarna var líkið í einn
og hálfan sólarhring.
Hinn 21. nóvember fóru þau
Sævar, Kristján og Erla með
líkið í Landróverbifreið, sem
þau höfðu til afnota, upp i
Rauðhóla. Á leiðinni tóku þau
bensín, er þau helltu yfir líkið
þar upp frá og kveiktu í. Logaði
skamma stund að þeirra sögn.
Grófu þau síðan gröf og
mokuðu yfir. Þarna var jörð
léttfrosin og auðvelt að grafa í
rauðamöl.
Eins og frá hefur verið greint
í fréttum áður hefur mikil leit
verið gerð að líki Geirfinns,
meðal annars í Rauðhólunum,
en það ekki fundizt. Víðar hef-
ur verið leitað en án árangurs.
Ekki er talið útilokað að bana-
menn Geirfinns skýri ekki frá
felustaðnum af þeirri ástæðu
að það beri með sér að dáuða
Geirfinns hafi borið að með
öðrum hætti en hér hefur verið
greint frá.
-BS/ÓV.
„FRABÆRIR LOGREGLUMENN
—segirKarl Schiitz
ENILLA LAUNAÐIR”
„Óvíða í Evrópu hefi ég hitt
jafnduglega lögreglumenn og
hér,“ sagði Karl Schútz á blaða-
mannafundinum í gær,“ og lík-
lega hvergi jafnilla launaða."
Undir forystu Arnar
Höskuldssonar með fulltingi
Karls Schútz og Pétur Eggerz
sendiherra hefur 12 manna
hópur rannsóknarmanna
einkum unnið að rannsókn
Geirfinnsmálsins. Lagði Schútz
áherzlu á það að góður árangur
í þessari umfangsmestu rann-
sókn sakamála á tslandi, fyrr og
siðar, væri þessu samstarfi að
þakka.
Um rannsókn þá, sem sér-
staklega tók til Sævars Marinós
Siesielskis, sáu þeir Eggert
Bjarnason, Rúnar Sigurðsson-
og Jónas Bjarnason. Með rann-
sókn Kristjáns Viðars fór sér-
staklega Haraldur Árnason.
Með rannsókn Guðjóns Skarp-
héðinssonar fór Grétar
Sæmundsson.
Sigurbjörn Víðir Eggertsson
annaðist rannsókn á hlut Erlu
en Eggert Bjarnáson á hlut
Sigurðar Öttars Hreinssonar.
ívar Hannesson átti mestan
hlut að því að kanna allar
aðstæður og lífsferil Geirfinns
Einarssonar, fórnarlambsins í
þessu sérstæða, óhugnanlega
máli.
Allri tæknivinnu hér á landi
stjórnaði Ragnar Vignir en
einnig var leitað til Rann-
sóknarstofnunar Háskólans og
raunar tæknideildar vestur-
þýzku rannsóknarlögreglunnar
í Wiesbaden.
Allar þýðingar á fram-
burðum og skjölum hafa auk
Péturs Eggerz sendiherra ann-
azt tvær stúlkur, frú Áuður
Gestsdóttir, löggiltur skjalaþýð-
andi, og Renata Einarsson dóm-
túlkur.
-BS/ÓV
Frá blaðamannafundinum í Sakadómi Reykjavíkur í gær. Frá vinstri er Örn Höskuldsson rannsóknardómari, Halldór Þorbjörnsson yfir-
sakadómari og Kari Schiitz, afbrotafræðingur. A veggnum fyrir aftan þá eru Ijósmyndir, uppdrættir og teikningar af Dráttarbrautinnl,
bílunum sem notaðir voru til fararinnar og fleiru. (DB-mynd Arni Páll).