Dagblaðið - 12.04.1977, Page 13

DACJBLAÐIÐ. ÞRIÐJUDACiUR 12. APRÍL 1977.
13
ES5 Kyrrlátur
og hlýrri en í
meðalári
Marzmánaöur var óvanalega
hlýr fyrstu þrjár vikurnar. Hitinn
i Reykjavík var fyrstu þrjár vikur
mánaöarins um 3 stigum yfir
meðallagi, en síðan kólnaði tölu-
vert og í heild er hitinn í mán-
uðinum 1,6 stigum yfir meðallagi,
en meðalhitinn í Reykjavík var
3,1 stig, samkvæmt upplýsingum
Öddu Báru Sigfúsdóttur veður-
fræðings.
Einnig var töluvert hlýtt á
Höfn í Hornafirði. Þar var hitinn
um 1 stigi yfir meðallagi. Á
Hveravöllum var einnig tiltölu-
lega mjög hlýtt. Þar var þó til
jafnaðar þriggja stiga frost, en
þetta var næsthlýjasti marz-
mánuðurinn frá upphafi mælinga
á Hveravöllum árið 1966. Aðeins
einu sinni hefur verið hlýrra í
marzmánuði en það var árið 1974,
þá mældist meðalhitinn -el,5 stig.
Talsvert var kaldara í Sand-
búðum. Þar var að meðaltali 5
stiga fröst.
Á Akureyri var hiti 0,5 stigum
meiri en í meðalári, en hiti var
þar til jafnaðar 0,1 stig.
Á Akureyri var alhvít jörð í 19
daga en í Reykjavík sást varla
snjór. Þó varð vart við slyddu í
fjóra daga. Heildarúrkoman í
Reykjavík var 41 mm sem er
tæplega % af meðalúrkomu. Á
Akureyri mældist 46 mm úrkoma,
sem er heldur meira en í meðal-
ári.
Lítið eitt fleiri sólskinsstundir
en í meðalári mældust bæði í
Reykjavík og á Akureyri. 1
Reykjavík urðu sólskinsstund-
irnar 115 og 83 á Akureyri.
Lengst af var mjög kyrrlátt
veður í Reykjavík í marzmánuði
og varð aldrei hvassara en 7 vind-
stig. Á sl. tuttugu árum hefur
vindhraði verið 8 vindstig eða
meira sex daga í marz, en að þessu
sinni náði vindur aldrei 8 vind-
stigum.
A.Bj.
Sýning Guðrúnar Svövu:
Fjölskyldan
í myndum
Það er jafnan nokkur við-
burður þegar listamaður opnar
sína fyrstu einkasýningu, en í
páskavikunni var um þrjár
slíkar sýningar að ræða í borg-
inni.
1 Gallerí SÚM við Vatnsstíg
er það Guðrún Svava Svavars-
dóttir sem sýnir 15 olíumálverk
ásamt fáeinum grafíkmyndum
og pennnateikningum fram til
12. apríl.
Guðrún Svava er borgarbú-
um vel kunnug fyrir framlag
sitt til leikmynda og leikbrúðu-
gerðar og fyrr í vetur teiknaði
hún leikbúninga fyrir sýningu
Leikfélags Reykjavíkur á
Makbeð.
Hún hóf nám í höggmynda-
deild Myndlistarskólans við
Freyjugötu 1963- 64, stundaði
síðan myndlistarnám í Moskvu
veturlangt, en milli 1968 og
1972 helgaði hún sig algjör-
lega fjölskyldunni og ungum
börnum en tekur síðan aftur til
við teikningu og listmálun í
Myndlistarskólanum undir
handleiðslu Hrings Jóhannes-
sonar. Áhrifin frá lærimeistar-
anum leyna sér ekki og hefur
Guðrún Svava tileinkað sér
vinnubrögð og tækni Hrings og
annarra ný-realista, en fer þó
aðrar leiðir en Hringur hvað
myndefnisval snertir og er
uppistaða sýningarinnar mest-
megnis mannamyndir.
Flesta fyrirsáta sína hefur
Guðrún Svava sótt í fjölskyldu-
myndasafnið og er því mynd-
efnisvalið mjög persónulegt og
„intímt". Helst gæti ég trúað að
maður þyrfti að þekkja til fjöl-
skyldumeðlimanna til þess að
geta notið myndanna til fulls.
Ljósmyndin er greinilega
mikill áhrifavaldur í myndum
Guðrúnar Svövu. Samt hefur
hún ekki bundið sig við hana
um of, en fær að láni frá henni
þá myndefnisþætti sem henni
finnast áhugáverðir og sam-
einar stundum í einni mynd
myndefni úr fleiri ljósmyndum
sem hún eykur við með frjáls-
legri litameðferð þannig að
mannamyndirnar verða aldrei
of hefðbundnar.
Al.dursforsetar sýningarinn-
ar eru afi og antma í báðar
ættir. Afi og amma I (nr. 4) er
byggð upp i brúnunt litatónum
sem einkenna gamlar ljós-
myndir og má segja að þarna
sé um handmálaða ljósmynd að
ræða. Myndrúminu hefur
Guðrún Svava lokað með bleiku
flatarskrauti á gamaldags vegg-
fóðri, sem að visu myndar
skemmtilega andstæðu við sett-
Iega uppstillingu parsins og lág-
stemmda litatóna, en að mínum
dómi er bakgrunnurinn of
ríkjandi þannig að myndefnið
sjálft líður fyrir og verður ekki
eins sannfærandi og ella. Afi og
amma II er glettin og skemmti-
leg mynd máluð í sterkri dags-
birtu á hlutlausan bakgrunn og
þar hefur Guðrún Svava náð
fram hnitmiðuðum áhrifum á
persónuleika og sterkri kímni í
fari hjónanna sem sátu fyrir
ljóSmyndavélinni með sólbirtu
í augum.
1 Sjálfsmynd (nr. 9) og Við
pabbi (nr. 15) einkennist
liturinn af samspili grárra tóna,
nema hvað hendur eru málaðar
í heitum rauðgulum lit sem
gefa myndunum sterkt sál-
fræðilegt inntak, sérstaklega í
myndinni ,,Við pabbi“ þar sem
hún er með þessari litameðferð
leggur áherslu á snertingu
handa manns og barns.
Áhrifin frá Hringi eru hvað
greinilegust í myndinni „Egill
og Þorsteinn á Hornbjargi“
(nr. 13) vegna hins sérstæða
sjónarhorns og hvernig hún
sker niður myndefnið. Myndin
af Þorsteini (nr. 8) sem sýnir,
skáldið úti í gróandanum eins
og nútímalegan norrænan
skógarguð, að mér finnst,
máluð í safaríkum og grósku-
miklum grænum iitum, er Ijóð-
ræn og sérstæð persónutúlk-
un.
Myndefnisval GuðrUnar
Svövu er kannski nokkuð
þröngt og ívið of persónulegt til
að utanaðkomandi geti notið
myndanna sem skyldi. Hún
hefur kosið að lýsa þeim sem
standa henni næst og þeim sem
hún þekkir best og það hefur
henni tekist með innileik og
hreinskilni sem kemur
skemmtilega á óvart og óhætt
er að segja að listamaðurinn
megi vel við una og að með
þessari fyrstu einkasýningu
hafi Guðrún Svava áunnið sér
hugi margra sem koma til að
fylgjast með eftirvæntingu með
þróun listferils hennar á kom-
andi árum og er undirrituð í
hópi þeirra.
Hrafnhildur Sehram.
Osta nýjung:
o
Þessi ostur er óvenjuprótínríkur eins og sjá má á meðfylgjandi næringartöflu.
Næringargildi (meðaltal fyrir 100 g): I Dagsþörf fullorðinna:
Prótín 32g Kalcium 1,0 g Prótín 45-65 g
Fita 11 g Hitaeiningar 240 I Kalcium 0,8-1,4 g
Nýtt
happdrættísár
IVö einbýlishús S
Furulundur 9, Garðabæ útdregið í júlí að verðmæti 25 millj.
og aðalvinningur ársins Hæðabyggð 28, Garðabæ útdregið í
apríl að verðmæti
30 milljónir.
300 utanferðir
á 100, 200 og
300 þúsund
krónur hver.
100 bílavinningar á hálfa
og eina milljón - þar af
eru þrír valdir bílar:
Mazda í Maí
Simca í Ágúst
Capri í Október.
10 íbúðarvinningar á 3 og 5 milljónir.
Ótal húsbúnaðarvinningar á 10, 25 og 50 þúsund hver.
Sala á lausum miðum er hafin og einnig endurnýjun flokksmiða
og ársmiða.
Búum
ævikvöld
Happdrætti
DAS