Dagblaðið - 09.12.1977, Qupperneq 13

13
DAGBLAÐIÐ. FÖSTUDAGUR 9. DESEMBER 1977.
Opinbera báknið:
VÍÐA MÁ SPARA

Forystumenn opinberra
starfsmanna hafa kveinað mjög
undan að ýmsir hópar verka-
manna,. iðnaðarmanna og
sjómanna hafi fengið hærra
kaup en þeirra umbjóðendur.
Líka hafa þeir haldið því fram,
að hinn „almenni launa-
markaður“ hafi greitt hærra
kaup en hið opinbera.
Eg spyr nú forystumenn
hinna opinberu: Hvers vegna
stuðlið þið ljóst og leynt að
eflingu þessa ófrjóa ríkisbákns,
sem er á góðri leið með að leiða
þjóðina út i efnahagslega
ófæru? Því styðjið þið ekki
heldur hinn „frjálsa vinnu-
markað“ eða með öðrum orðum
hið frjálsa framtak
einstaklinga og félaga og
styrkið með því bæði efnahag
ykkar og þjóðarheildarinnar?
Hinn baráttuglaði verkfalls-
her spyr aldrei hvernig eigi að
standa undir miklum launa^
hækkunum, þótt allir viti að við
lifum að nokkru á erlendum
lántökum.
Fjölmargir þeirra manna,
sem eingöngu sækja laun sín í
vasa almennings, fjandskapast
gegn þeim framsýnu forystu-
mönnum þjóðarinnar scm vilja
opna hinar ónotuðu orkulindir
sem við eigum bæði í fallvötn
um og jarðvarma, sem auðveld-
lega gætu gert þjóðina skuld-
lausa á tiltölulega stuttum
tíma. Það hefir Búrfellsvirkjun
ásamt álverinu í Straumsvík
sannað þjóðinni, svo að ekki
verður um villzt. Of margir
íslendingar stinga höfðinu i
sandinn gagnvart þessum aug-
ljósu sannindum.
Opinberir starfsmenn eru
með öfundarsöngl út af tekjum
þeirra sem vinna að gjaldeyris-
öflun þjóðarinnar, sem er
undirstaða þess að bæði
opinberir starfsmenn og aðrir
landsmenn geti lifað í landinu.
Þessir öfundarmenn ættu bara
að falast eftir vinnu á fiskibát-
um eða togurum, sem stunda
oft veiðar við erfið skilyrði í
næstum hvaða veðri sem er.
Líka gætu þeir reynt að fara
inn í óbyggðir um hávetur til að
færa þjóðinni lífsorku inn-
lendra auðlinda i stað erlendr-
ar rándýrrar og ört hækkandi
olíu.
HÚRRA FYRIR KARVELI
Ég vil þakka Karveli Pálma-
syni fyrir að stinga á hinu stór-
hættulega graftarkýli
þjóðarinnar í Kastljósi þann 4.
nóvember sl. Fróðlegt er að
heyra um áttatíu prófessora
sem sitjg á topplaunum við
Háskóla íslands. Karvel
krafðist þess að hið opinbera
bákn yrði skorið niður um 25%
til að byrja með. Eg skora á
Karvel að láta nú ekki staðar
numið, heldur berjast með oddi
og egg gegn útþenslu ríkis-
báknsins og vinna af alefli að
niðurskurði þess á sem flestum
sviðum.
Þetta yrði stórbrotið og eitt
nauðsynlegasta verkefni, sem
einn glæsilegur ungur þing-
maður getur unnið að. Ég vona
að þjóðin sé ekki svo héillum
horfin að hún styðji ekki þann
mann sem þorir að brjóta
óreiðuna hjá hinu opinbera
bákni á bak aftur. Annars var
þessi sjónvarpsþáttur mjög at-
hyglisverður. Hann auglýsti
eftirminnilega ræfildóm
stjórnarandstöðunnar. Þeir
vilja lemja þá topplygi inn í
þjóðina, að fleiri tuga prósenta
Kjallarinn
IngjaldurTómasson
kauphækkanir árlega hafi lítil
sem engin áhrif á vcrðbólgu.
Það var stórskoplegt að
heyra þessa menn skamma
stjórnina fyrir þau vcrk, sem
þeir hafa sjálfir unnið að og
samþykkt á. Alþingi. Nefni
margnefnda Kröfluvirkjun og
járnblendiverksmiðju. Bæði
þessi verk, ef þau heppnast,
munu verða mjög mikilvæg við
að færa upp gjaldeyrisvogar-
skálina, sem nú er sigin
ískyggilega niður.
Þegar blessuð vinstri stjórn-
in síðasta var búin að eyða
öllum gjaldeyri þjóðarinnar og
gat hvergi fengið lán erlendis
sáu allir ráðherrarnir að eitt-
hvað yrði að gera til að bjarga
þjóðarfleyinu Þá var orku-
ráðherra sendur í margar áttir
til að leita eftir samvinnu er-
lendra auðhringa um upp-
byggingu stóriðju hér.
Árangurinn var járnblendi-
verksmiðjan. En svo var mikil
ógæfa þessarar óhappastjórnar
að þetta dugði henni ekki til
lífs, vegna þess að allt var kom-
ið í háaloft af rifrildi á stjórnar-
heimilinu og hún varð að
hrökklast frá við lítinn orðstír.
Það er engin furða þótt þessir
menn tali digurbarkalega. Þeir
kunna augsýnilega ekki að
skammast sín.
SPARNAÐUR
LÍFSNAUÐSYN
Yfirvinna hins opinbera gæti
nú minnkað mjög eða alveg
lagst niður. Fækka mætti
kennurum með því að nota
sjónvarp og útvarp til kennslu
á mörgum sviðum. Margar
stofnanir, bæði ríkis- og
Reykjavíkur, mætti ýmist
leggja niður eða selja
einstaklingum eða félögum.
Hvað gerir til dæmis kyn-
fræðsludeild Heilsuverndar-
stöðvarinnar, eða allur þessi
mýgrútur sálfræðinga og
félagsfræðinga? Hvað með
allan fjárausturinn til leik-
húsanna og sinfóníuhljómsveit-
ar og nú skal stofna fullkomna
óperu, sem skattgreiðendur
ciga að kosta að mestu. Nefna
má Leiklistarskóla ríkisins,
Framkvæmdastofnun, Inn-
kaupastofnanir ríkisins og
Reykjavíkurborgar og Brenni-
vínssölu ríkisins á tafarlaust að
'loka. Ef endilega þarf að selja
brennivín geta kaupmenn hæg-
lega tekið það að sér og mundu
þá leyfisgjöldin færa ríkinu
meira en nú og að auki sparast
hinn mikli kostnaður í starfs-
mannahaldi, húsnæði og fleiru.
Afnám mjólkurbúðanna er
gott dæmi um mikinn sparnað í
vörudreifingu. Dagblaða-
styrkina á tafarlaust að af-
nema. Þetta eru aðeins fá dæmi
af mýmörgum.
Það er eins og komið sé við
auma kviku margra forustu-
manna þjóðarinnar þegar talað
er um sparnað í ríkiskerfinu.
Þeir kasta þá gjarnan fram
þeirri spurningu, eða hótun,
hvort þjóðin vilji skerða
tryggingarnar, eins bg hvergi
sé hægt að spara nema þar.
Allir sem ekki eru starblindir
ættu þó að sjá að það er einmitt
hið gegndarlausa bruðl hins
opinbera sem gerir það tæpast
mögulcgt að halda uppi sjálf-
sögðum tryggingum, hvað þá að
afnema hið svívirðilega mis-
rétti, sem nú ríkir í tryggingar-
málum.
Þótt ég hafi í þessari grein
aðallega gagnrýnt stjórnarand-
stöðuna, þá er ég ekki þar með
að hvítþvo núverandi stjórn.
Hún hefir margt gert vel en
annað verr, eins og reyndar
flestar aðrar stjórnir.
Að lokum vil ég óska ungum
sjálfstæðismönnum til
hamingju með kjörorðið
Báknið burt. Ég vona að þeir
vinni að því af alefli, bæði hjá
ríkinu og Reykjavíkurborg.
Ingjaldur Tómasson
verkamaður.
„Mest spennandi bók ársins"
Sunday Times
Marco Riccione er félagi i Mafíunni og kunnur fyrir að geta framið
fullkomna glæpi. Frammistaða hans í störfum Mafíunnar gerði það
að verkum að hann komst frá fátæku þorpi á Sikiley til æðstu
starfa á vegum Mafíunnar í Bandarikjunum.
Samstarf Mafiunnar og CIA I ákveðnum verkefnum varð til þess
að hann var valinn i verkefni, sem talið var það erfiðasta. En hann
vissi ekki i hvað mikilli hættu hann var sjálfur......
„Það risa á manni hárin við lestur þessarar bókar'
Financial Times
NORMAN
LEWIS
2 p>*
NORMAN LEWIS
Sikileyjar
SAMSTARF MAFÍUNNAR OG CIA
FÉKK ÓVÆNTAN ENDI. . .
CIA FÉKK LÁNAÐAN SÉRFRÆÐING
FRÁ MAFÍUNNI
Verö kr. 2.990.