Dagblaðið - 05.06.1978, Side 25

25
DAGBLAÐIÐ. MÁNUDAGUR 5. JÚNÍ1978
Hin frábæra leikkona Madeline Kahn
lék hina einu sönnu ást Sigi Hilmes.
GENE WILDER
„Hann leikur jafn eölilega og fuglinn
flýgur,” sagði Mel Brooks eitt sinn um
Gene Wilder.
Kvikmyndaframleiðandinn Richard
Roth spurði eitt sinn vin sinn og
leikarann Gene Wilder hvort hann
hefði nokkurn tíma hugsað um grín-
mynd með Sherlock Holmes. Þá var
Gene Wilder önnum kafinn við leik
sinn í myndinni Young Frankenstein,
sem sýnd hefur verið hér við mjög
góða aðsókn. Hann svaraði: „Einu
sinni i viku undanfarið ár.” En hann
var dálítið hræddur um að fólk al-
mennt bæri of mikla virðingu fyrir
Holmes til þess að hann þyrði að gera
grín að honum.
Viku siðar borðuðu þessir ágætu
menn saman. Talið barst aftur að
Holms og Roth spurði Wilder aftur
hvort hann hefði nokkuð hugsað um
leynilögreglumanninn nýlega.
„Nei,” svaraði Wilder, „en ég hef
hugsað töluvert um hinn ofboðslega
afbrýðisama yngri bróður hans, Siger-
son.”
Árangurinn er hin frábæra mynd
um yngri bróður Sherlock Holmes,
The Adventure Of Sherlock Holmes
Smarter Brother, sem einnig hefur
verið sýnd hér við frábærar undir-
tektir.
Gene Wilder stjórnaði kvik-
myndinni sjálfur og lék einnig aðal-
hlutverkið, bróður Holmes, Sigi.
Marty Feldman, úteygði brezki
gamanleikarinn, lék skrifstofumann
hjá Scotland Yard sem gengur i lið
með Sigi Holmes. Madeline Kahn
leikur Jenny, sem er söngkona og sú
eina og sanna i augum Sigis.
Wilder fæddist fyrir rúmlega
fjörutiu 'árum og er sonur manns
nokkurs sem hafði þann starfa að
framleiða litlar bjórflöskur. Hann var
aðeins þrettán ára þegar áhugi hans á
leiklist kviknaði fyrst fyrir alvöru.
Aðeins fimmtán ára endursamdi hann
leikritið Death Of A Salesmen eða
Sölumaður deyr og flutti það ásamt
félögum sinum á kvenfélagsfundum
og i skólanum. A næstu árum hikaði
hann ekki við að leikstýra og setja á
svið nokkur leikrit í skólum þeim sem
hann gekk í og þótti standa sig með af-
brigðum vel.
Fyrsta stóra hlutverk hans opinber-
lega var í leikritinu Roots eftir Arnold
Weskler. Góðar undirtektir áhorfenda
urðu til þess að næsta hlutverk hans
var á Broadway. Þar fékk hann einnig
frábæra dóma og Mel Brooks fékk
augastaðá piltinum.
Gene Wilder var nú orðinn vel
þekktur leikari og honum bauðst nú
hvert hlutverkið á fætur öðru. Hann
lék i Death Of A Salesman, sem hann
hafði sjálfur fært á ,svið á sínum yngri
árum. Hann lék einnig í Bonnie and
Clyde, Start the Revolution Without
Me og fyrsta mynd hans hjá Mel
Brooks var The Producers, en I henni
fór hann með hlutverk Leo Bloom.
Þessi siðastnefnda mynd var sýnd í
sjónvarpinu hér ekki alls fyrir löngu
og fjallaði um leikstjóra sem fær Leo
(Wilder) i lið með sér. Þeir setja á svið
leikrit í þeim tilgangi að tapa á því en í
stað þess að tapa, verður leikritið
gífurlega vinsælt, enda gert óspart grín
aðHitlerog veldihans!
Gene Wilder hélt áfram að leika i
hverri grínmyndinni á fætur annarri
og Mel Brooks lét þau orð falla um
hann að hann léki jafn eðlilega og fugl
flygi.
Sem leikstjóri hefur Gene Wilder
einnig verið mjög vinsæll. Hann
leiðbeinir leikurum sinum frekaren að
skipa þeim fyrir verkum. Hann segist
hjálpa þeim bezt með því að kyssa þá á
kinnina, halda i hendur þeirra og
hjálpa þeim í persónulegum vand-
ræðum með þvi að tala við þá.
Með kvikmyndinni um yngri
bróður Sherlock Hilmes hefur Gene
Wilder loks náð takmarki sínu sem
grínmyndahöfundur. Og hann segir:
„Góð grinmynd er ekki aðeins mynd
full af grini, heldur einpig frábærlega
vel leikin mynd.”
u
The Adventures Of Sherlock Holmes
Smarter Brother er fyrsta myndin sem
Gene Wilder leikstýröi.
Fjölbrautaskólinn
Breiðholti
Athygli skal vakin á því að auglýstar hafa
verið kennarastöður við Fjölbrautaskólann í
Breiðholti, og er umsóknarfrestur til 15. júní
næstkomandi. Umsóknareyðublöð fást í
menntamálaráðuneytinu. Fræðsluskrifstofu
Reykjavíkur og skrifstofu skólans.
Einkum er um að ræða kennarastöður í raun-
greinum, svo og við kennsludeildir verknáms,
það er að segja málmiðnadeild, rafiðnadeild og
tréiðnadeild. Þá vantar kennara í viðskipta-
greinum, félagsgreinum, tónmenntum, íþrótt-
um, mynd- og handmenntun.
Skólameistari verður til viðtals í skólanum við
Austurberg fyrir væntanlega umsækjendur frá
mánudegi 5. júní til fimmtudags 8. júni kl. 9—
12 alla dagana og kl. 15—18 (kl. 3—6) mið-
vikudaginn 7. júní og fimmtudaginn 8. júní.
Skólameistari.
Landsins mesta úrval
af bifhjólahjálmum, teðurjökkum, uppháum
leðurhönzkum og stormjökkum.
KEPPNISHJÁLMUR
Kr. 21.800.-
Heimsmeistarar og frægir
ökumenn eins og Hikki
M ikkoga, Takazun i
Katayama, Steve Baker, Mick
Grantogfl. veija
Verð á hjáimum frá kr. 7.800 til
21.800.
Aiiar stærðir og aiiir litir.
Póstsendum hvert á iand sem
er.
KARL H. KOOPER, VERZLUN
Hamratúni 1, Mosfeiissveit
Sími91-66216.