Dagblaðið - 06.11.1978, Page 40

[Eldurí
hraðfrystihúsinu
Eyjabergi:
Maður brann inni
Maður brann inni í hrað-
frystihúsinu Eyjabergi í Vest-
mannaeyjum i gær. Lögreglunni í
Vestmannaeyjum var tilkynnt um
eldinn kl. 16.46 í gær og kom
slökkviliðið strax á staðinn. Var þá
mikill eldur laus í risinu á húsinu en
húsið er allt steinsteypt nema þessi
efsti partur. Þar var geymt ýmiss
konar dót m.a. hjólbarðar og þess hátt-
ar. Maðurinn sem brann inni virðist
ekki hafa látið vita af þvi að hann færi
upp i risið til að ,slökkva. Þegar til
hans heyrðist reyndist ómögulegt að
nálgast hann sökum elds og reyks.
Vinna stóð yfir í húsinu þegar
eldurinn kom upp en eldsupptök eru
ókunn. Það tók slökkviliðið um eina
klst. að ráða niðurlögum eldsins en
það var fram til kl. 19 við að ganga
frá. Eldurinn fór töluvert um þekjuna
en breiddist ekki út að öðru leyti að
sögn lögreglunnar í Vestmannaeyjum
í morgun.
Þar sem ekki hafði tekizt að ná í alla
ættingja mannsins sem brann inni er
ekki hægt að birta nafn hans að svo
stöddu. -GAJ-
„Stríð” milli verzlana í Keflavík
Lægra verð, opið nær
allan sólarhringinn
— auglýsingaflóðið gífurlegt
Hún er hörð samkeppnin milli
verzlana í Keflavik, svo hörð að
margir líkja henni við stríðsástand. Nú
er leyfilegt að hafa matvöruverzlanir
opnar eins og hver vill og notfæra
einar 3—4 búðir sér það, auk allra
hinna sem selja mat út um lúgur. Á
hverjum degi glymja auglýsingar frá
þessum verzlunum i útvarpi og virðast
þær keppast um að hafa þær sem flest-
ar. Árni Samúelsson eigandi
verzlunarinnar Víkurbæjar var
spurður um þessa auknu samkeppni.
„Þetta byrjaði með því að leyfi var
fyrir þvi að selja mat út um lúgur.
Slíkt leyfi hefur verið í fjöldamörg ár.
Eg hafði aðstöðu til þess að hafa
lúguna innan dyra og gat fólkið því
staðið af sér veður. Keppinautum
minum geðjaðist að þessu og fór einn
þeirra og fékk leyfi hjá bæjarstjórn til
þess aö hleypa fólki inn í búðina til sín,
og annar fylgdi fljótlega á eftir. Þá
duttu viðskiptin niður hjá mér svo ég
fékk leyfi til þess sama. Núna hefur að
minnsta kosti ein búð bætzt við.
Auðvitað fylgir þessu aukinn
kostnaður en það er yfirleitt ekki nema
ein stúlka á kvöldvakt í hverri búð,
þannig að hann er ekki mikill.
Viðskiptin eru lika töluverðá móti.
Verðið hefur líka verið lækkað
vegna samkeppninnar og ég er viss
um að það er ódýrara að verzla hér en
í Reykjavík. Jafnvel myndi borga sig
að renna þaðan ef nokkrir tækju sig
saman,” sagði Árni.
-DS.
BLÓD-
SÝNIÚR
24
ÓVITRUM
■ ■
OKU-
MÖNNUM
— alltof margir
drekkaáfengi
ogakasíðan
Ölvun og akstur fara ekki saman.
Þessi mynd sýnir „afla” helgarinnar hjá
Reykjavíkurlögreglunni, 24 blóðsýni,
sem eftir er að greina hjá rannsóknar-
stofu. Alls 24 ökumenn hafa lent i
lögreglunni vegna áfengisnotkunar og
notkunar á bifreið i kjölfar hennar.
Óviturlegt! Nú biða þessir menn eftir
niðurstöðum, flestir hafa trúlega farið
yfir markið og hljóta sinn dóm og sekt.
Hér eru þeir Rúnar Guðmundsson,aðal-
varðstjóri og Páll Eiriksson aðstoðaryfir-
lögregluþjónn að meðhöndla blóðsýnin i
morgun áður en þau voru send
rannsóknarstofunni.
»
DB-mynd Sveinn Þormóðsson.
[ Tryggingasvikin í Keflavík:
j Gjaldkeri
fógeta kom upp um málið
Alla helgina hefur staðið yfir
rannsókn í máli útgerðarmannsins i
Keflavik, sem grunaður er um stór-
felld trygging jsvik, eins og sagt var frá
i DB á laugardaginn. Rannsóknarlög-
reglan gat í morgun engar frekari
upplýsingar gefið um málið.
Samkvæmt þeim upplýsingum, sem
DB hefur aflað sér, er taliö að maður
þessi hafi gefið upp áskýrslumfrá fyrir-
tæki sínu, að tiltekið fólk hafi ekkert
unnið hjá sér, og þannig fengið
opinbert fé til greiðslu á
kauptryggingu, sem starfsfólk fisk-
vinnslunnar vann sér rétt til allt að
60% fyrir fjórum árum. Skýrslur
þessar mun trúnaðarmaður m.a. eiga
aðundirrita.
Skýrslurnar fara til fógeta-
embættisins á viðkomandi stað. Þar
eru þær yfirfarnar og síðan greitt sam-
kvæmt þvi. Gjaldkeri bæjarfógeta-
embættisins í Keflavik, Sverrir
Jóhannsson, tók eftir þvi að sitthvað
var grunsamlegt við skýrslurnar og
kom málinu af stað. Leiddi það til
þess, að útgerðarmaðurinn var úr-
skurðaður i allt að 10 daga
gæzluvarðhald á föstudaginn.
Heimildarmenn DB telja að þessi
meintu svik hafi staðið yfir síðan
snemma sl. vor. -ÓV.
irjálst, úháð dagblað
MÁNUDAGUR 6. NÓV. 1978
Loðnan:
Fór yf ir 400
þúsund tonn
um helgina
— langbezta sumar-
vertíð til þessa
Loðnuaflinn á svonefndri sumar-
vertíð fór yfir 400 þús. tonn nú um
helgina, sem er langt umfram beztu
sumarvertíðir hingað til og nálgast
reyndar helming þess kvóta, er
fiskifræðingar leggja til að veiddur
verði á sumarvertíðinni og komandi
vetrarvertíð. Kvótinn er milljón tonn.
Loðnubátarnir fengu allgóðan afla
á laugardaginn, skv. upplýsingum
loðnunefndar, en í gær og i nótt var
ekki vitað um neina veiði þrátt fyrir
gott veiðiveður. Telst slikt orðið til
tiðinda í uppgripunum undanfarið
þegar mokveiði hefur verið þegar vel
viðrar.__________ -G.S,
Varð þriðji á
heimsmeist-
aramótií
Master Mind
Hann er aðeins þrettán ára hann
Tómas Gíslason. Engu að siður varð
hann þriöji á heimsmeistaramóti i
Master Mind, en það fór fram í Strat-
ford on Avon i Englandi nú um
helgina. Hlaut Tómas gullbikar og 100
sterlingspund að launum.
Englendingur varð fyrstur, John
Sergeant með 154 stig, stúlka frá
Kanada, Cindy Forth önnur með 123
stig og Tómas þriðji með 114 stig,
síðan komu Nýsjálendingar með 105
stig, Þjóðverji, ltali, Pólverji, Norð-
maður, Ástraliubúi, Bandarikjamaður
og Hong Kong maður.
„Keppnisharka Tómasar var með
eindæmum góð,” sagði David Pitt, far-
arstjóri Tómasar í gær, þegar blaðið
hafði samband við hann.-JBP-
Gerviaugað
slegiðúrmanni
Er maður einn var að koma út af
dansleik i Sigtúni sl. laugardagskvöld
réðst að honum maður og sló hann
þannig að hann missti annað augað
sem raunar var gerviauga. Brot,naði
augað og kærði maðurinn atburðinn
til lögreglunnar daginn eftir. -GAJ.
Stakk af eftirað
aka á bifreið
ökumenn virðast margir hverjir
haldnir þeim ósið að stinga af, ef þeir
telja sig geta komizt upp með slíkt,
eftir að þeir hafa ekið á aðra bila.
Þannig var það á föstudaginn var.
Ekið var á brúnan Datsun 120Y, en
ökumaður, greinilega á hvítum eða
Ijósleitum bil stakk af. Trúlega hefur
einhver orðið þessa var. Eru vitni
beðin að hringja i ritstjórn Dag-
blaðsins með upplýsingar. -JBP-