Dagblaðið - 27.01.1979, Side 24

Punds-
málið:
ff
Galli i hegn-
ingarlögum'
Fyrirtekt hjá rannsóknarlögreglu slítur ekki fyrningu — Nýtt f rumvarp til
laga væntanlegt til úrbóta að sögn aðstoðarmanns dómsmálaráðherra
Það hefur vakið mikla athygli að
Pundsmálið svonefnda skuli vera fyrnt
meðan rannsókn málsins er enn í
gangi. Ríkissaksóknari hefur ákveðið
að ekki verði krafizt frekari aðgerða i
Pundsmálinu þar sem ákæra leiddi
beint tii sýknu vegna fyrningar.
Dagblaðið hafði samband við Eirik
Tómasson aðstoðarmann dómsmála-
ráðherra og spurði hann hverju þetta
sætti. Eiríkur sagði að dómsmálaráðu-
neytið hefði enn ekki fengið skýrslu
frá ríkissaksóknara og því væri ekki
gott að gefa svör um málið í smáatrið-
um.
En sem lögfræðingur sagði Eiríkur
að það sem gerzt hefði væri það að við
rannsókn hefði komið í ljós að sakar-
efni hefðu eingöngu verið okur og við
því væri refsing eingöngu sektir. Brot
á okurlögum fymast á tveimur árum.
Málið var síðan tekið fyrir hjá rann-
sóknarlögreglu. Sú rannsókn slítur
ekki fymingu. Hefði málið verið tekið
fyrir í dómi hefði það slitið fymingu.
„Þetta er galli á hegningarlögum,”
sagði Eiríkur Tómasson.
Þessi galli hefur verð ljós og sagði
Eiríkur að væntanlega yrði lagt fram
frumvarp á yfirstandandi þingi en það
frumvarp hefur verið samið af hegn-
ingarlaganefnd. Hið nýja frumvarp
gerir ráð fyrir þvi að fyrirtaka hjá
rannsóknarlögreglu slíti fyrningu.
Hefði hið nýja frumvarp verið orðið
að lögum hefði málið ekki fymzt.
„Hér er um að kenna ófullnægjandi
lögum um fymingarreglur,”sagðiEirík-
ur. „En Pundsmálið verður vafalaust
til þess að reka á eftir mönnum með
breytingar á þessum lögum.”
Aðspurður sagði Eiríkur að fjár-
kröfur fymtust á fjórum árum þannig
að allar líkur væru á því að sá einstakl-
ingur, sem kærði Sparisjóðinn Pundið
fyrir þátttöku í okurstarfsemi í nóvem-
ber 1975, gæti höfðað sérstakt mál
vegna sinna fjárkrafna.
- JH
1

ísa leysir!
Þennan einmana skó fann ljós-
myndari vor á einu stræti höfuð-
borgarinnar. Engu er líkara en
eigandinn hafi frosiö þarna fastur
í fimbulvetrinum og orðið að
skilja við vin sinn um sinn. En
þeir sjást þá þegar ísa leysir,
hvenær sem það verður.
í gær virtist ekki útlit fyrir
spennandi skíðaveður, að sögn
veðurfræöinga. „Strekkingur og
harðnandi frost,” sögðu þeir hjá
Veðurstofunni.
DB-mynd R.Th.Sig.
; 'Æ
Skýrsla verðlagsstjóra:
ERUM VIÐ ENNIKLOM
DANSKRAR EINOKUNAR-
OG SELSTÖDUVERZLUNAR?
„En víst er að hér getur verið um
milljarða króna lækkun á endanlegu
vöruverði til neytenda að ræða.”
Þannig endar einn kafli skýrslu
Georgs Ólafssonar verðlagsstjóra en
hún er samin á grundvelli athugunar
og samstarfs hans og nokkurra ann-
arra aðila, sem viðskiptaráðherra skip-
aði til að athuga innflutningsverzlun
til íslands. Var þetta gert í framhaldi
af rannsókn sem verðlagsstjóri beitti
sér fyrir á innkaupsverði til tslands
annars vegar og til hinna Norðurland-
anna hins vegar. Niðurstöður hennar
birtust i haust og ollu nokkrum úlfa-
þyt.
t skýrslunni sem nú er birt er rennt
nokkrum frekari stoðum undir
ástæður sem gætu legið að baki hærra
innflutningsverði hér á landi.
Er þá fyrst að nefna milliliði. M
mikið mun vera um það að islenzkar
innflutningsverzlanir kauþi vörur fyrir
milligöngu danskra aðila, jafnvel
vörur frá Bandaríkjunum. Virðumst
við varla enn vera sloppnir við danska
einokun að fullu. Munu Danirnir þá
yfirleitt leggja 25% á vöruna en þess
munu dæmi að álagning danskra
verði allt að 60 til 80%. Umboðslaun
isjenzkra fyrirtækja eru oft á tiðum
mjög há og stundum hærri en heimil-
uð álagning á tslandi. í skýrslunni
kemur fram að innflytjendur telji að
opinberir aðilar hafi álitið eðlilegt að
þeir reiknuðu sér slíka þóknun er-
lendis. Eru nefnd kátleg dæmi þvi til
sönnunar. Sagt er að dæmi hafi komið
í Ijós um mjög há umboðslaun á þeim
vörum sem í raun eru með frjálsri
álagningu.
Óhagkvæmni hins íslenzka mark-
aðar virðist eftir skýrslunni að dæma
vera veigamikill þáttur í hærra inn-
flutningsverði. Ókostir þess verðlags-
kerfis sem hér gildir virðast verulegur
þrándur i götu lægra innflutnings-
verðs og einnig að það taki ekki mið af
þeirri stefnu erlendra söluaðila að há-
marka ágóða sinn. Fjármagnskostn-
aður vegna innflutnings hefur i vax-
andi mæli komið fram í innflutnings-
verði vegna lánsfjárskorts hér á landi.
Síðasta ástæðan sem nefnd er fyrir
hærra innflutningsverði á íslandi en á
hinum Norðurlöndunum er sérstaða
landsins og smæð, sem geti orsakað
ýmsan kostnað erlendis sem ekki verði
komizt hjá.
í skýrslu verðlagsstjóra verða ekki
fundnar röksemdir fyrir því að íslenzkt
innflutningsverð sé tuttugu milljörð-
um of hátt eins og viðskiptaráðherra
vildi halda fram í þættinum Beinni
linu í útvarpinu á dögunum.
1 skýrslunni er dregin sú ályktun, að
vísu með verulegum fyrirvörum, að
ekki verði annað séð en um og yfir
30% af umboðslaunum íslenzkra
fyrirtækja sé stungið undan bæði við
gjaldeyris- og skattskil. Er getum að
því leitt að sú upphæð nemi allt að 2,3
milljörðum.
í skýrslunni segir Georg Ólafsson
verðlagsstjóri að árangur þeirrar við-
leitni að lækka vöruverð og auka
gjaldeyrissparnað fari mjög eftir því
hversu faglega verði staðið að málum.
Á fundi með fréttamönnum vildi
hann ekki útskýra orðið „faglegt”
nánar en ein túlkun þess og meðfylgj-
andi orða getur verið sú að hann telji
ekki ráðlegt að halda áfram á sömu
braut í verðlagsmálum. . ÖG
ff
frfálst, úháð dagblað
LAUGARDAGUR 27. JAN, 19791
„Stefnir
f verk-
fall
— segir formaður FÍA
— árangurslaus
samningafundur
ígær
„Ég sé ekki annað í fljótu bragði en
það stefni i verkfall,” sagði Björn
Guðmundsson, formaður Félags is-
lenzkra atvinnuflugmanna. Sáttanefnd í
flugmannadeilunni boðaði stjórn FÍA
og stjórn Flugleiða á sinn fund í gær kl.
14. Þar ræddi sáttanefndin við deilu-
aðila, fyrst sinn í hvoru lagi og síðan
sameiginlega. Samkomulag náðist ekki.
„Sáttanefndin hefur ekki farið fram á
frekari frestun verkfallsaðgerða,” sagði
Björn, en sem kunnugt er frestuðu Flug-
félagsmenn verkfalli um eina viku sl.
laugardag að beiðni samninganefndar-
innar. í dag verður trúnaðarráðsfundur
FÍA en Björn taldi málin lítið breyiast
við það. Á þessu stigi taldi Björn ekki
hægt að segja hvernig tekið yrði í frekari
frestunarbeiðni ef hún kæmi fram.
í samninganefnd eru Hallgrímur
Dalberg, Guðlaugur Þorvaldsson og
Brynjólfur Ingólfsson. Brynjólfur sagði i
viðtali við Dagblaðið að nýr sáttafundur
hefði ekki verið boðaður. Á fundinum í
gær hefðu verið ræddar óformlega hug-
myndir sáttanefndarinnar. Brynjólfur
sagði að samninganefndin myndi nú
gera ríkisstjórninni grein fyrir stöðunni í
málinu.
Komi til boðaös verkfalls flugmanna
Flugfélags íslands hefst það kl. 19 i
kvöld.
JH.
Hálkan er
viðsjál
Það fer stundum verr en ætlað er í
umferðinni. Það mátti ökumaður þessar-
ar bifreiðar reyna í gær. Á hálkubletti
skammt undan Elliðaárbrúnum missti
hann stjórn á bílnum. Lenti hann þá á
gaddfreðnum snjóruðningnum við
vegarbrún og skipti engum togum að
bíllinn staðnæmdist með hjólin upp í
loft. Ökumaður slapp ómeiddur og tjón
varð lítið — örlítið dældaður toppur.
DB-mynd Dagbjartur M. Jónsson.
/yKaupiff^
,5 TÖLVUR
I* OG T.öl
BANKASTRÆTI8
^11276^