Dagblaðið - 22.06.1979, Page 7

DAGBLAÐIÐ. FÖSTUDAGUR 22. JÚNÍ 1979.
7
Hvað þariað gera áðuren
flóttamennimir kænw?
—þjóðemi, kostnaður, húsnæði, fæði og klæði er meðal þess sem gera þarfathugun á
íslenzk stjórnvöld hugleiða nú
hvemig taka eigi í málaleitan Poul
Hartling, framkvæmdastjóra Flótta-
mannahjálpar Sameinuðu þjóðanna,
um að fimmtíu flóttamönnum frá Víet-
nam verði boðin búseta hér á landi.
Málið hefur verið kynnt af Benedikt
Gröndal utanrikisráðherra á fundi
ríkisstjórnarinnar og eitthvað rætt þar.
I viðtali við DB tók utanríkis-
ráðherra fram að málið væri á algjöru
frumstigi og engar ákvarðanir enn
teknar um hvað gert yrði í málinu af
hálfu stjórnvalda.
Benedikt Gröndal var. spurður hver
þau atriði væru helzt sem kanna þyrfti
ef ákveðið yrði að bjóða Viet-
nömunum að fiytjast hingað.
Sagði hann að þar á meðal mætti
nefna kostnað við málið i heild sinni,
hvaðan þetta fólk yrði ef úr yrði,
hvernig staðið yrði að vali á fólki og af
hvaða kynþáttum það yrði. Meðal
flóttamanna er fólk upprunnið í Laos,
Indónesíu auk Kínverja, sem lifað hafa
um langan aldur í Vietnam.
Ef síðan eitthvað af fólkinu kæmi
hingað yrði að sjá því fyrir húsnæði til
bráðabirgða auk þess að vafalaust yrði
að útvega því mat, fæði og klæði fyrst
um sinn. Ef siðan kæmi í Ijós að fólkið
mundi una sér hér á Islandi i gjörólíku
umhverfi en það hefði vanizt yrði að
sjá þvi fyrir atvinnu þannig að það gæti
framfleytt sérogsínum.
Utanríkisráðherra ítrekaði að
lokum að hér væri aðeins um lauslega
upptalningu á nokkrum atriðum að
ræða og engin ákvörðun væri enn tekin
um hvort þessu fólki yrði gefinn kostur
á að flytjast hingað.
-ÓG.
íslandog
flóttamenn:
ÞRJÚ HÚS FYRIR ANGÓLA-
FLÓTTAMENN í PORTÚGAL
Þau eru kölluð íslandshúsin, húsin
þrjú, sem verið er að ganga frá í Elvas í
Portúgal. Þau eru reist fyrir fjármagn
sem íslenzka ríkið og Rauði krossinn á
íslandi lögðu fram sameiginlega.
Húsin verða formlega vigð hinn 29.
næsta mánaðar en þau eiga að leysa úr
húsnæðisvanda einhverra þeirra hundr-
uía þúsunda fióttamanna sem komu
til Portúgal frá Afríkurikinu Angóla,
þegar Portúgalar yfirgáfu stöðvar sínar
þar og landið fékk sjálfstæði.
Elvas er bær í austurhluta
Portúgal, ekki langt frá landamærum
Spánar. Húsin þrjú mundu kannski
ekki þykja stórfengleg hér á íslandi en í
Portúgal eru þetta talin þokkalegustu
hús og koma vafalaust vel þeim
flóttamönnum sem þar hljóta húsa-
skjól. Fólk frá Angóla, sem kom til
Portúgal við sjálfstæðistöku Angóla,
sem kostaði mikla borgarastyrjöld, gat
snúið þangað vegna þess að áður var
Angóla talinn hluti af Portúgal. Hafði
fólkið þvi portúgalskan ríkisborgara-
rétt.
Heildarkostnaður við að reisa húsin
þrjú og gera þau íbúðarhæf er talinn
verða tvær milljónir og sex hundruð
þúsund íslenzkar krónur.
-ÓG.
Húsin þrjú sem Rauði kross íslands og íslenzka ríkið gáfu til flóttamanna í Portúgal hafa ekki kostað nema 2,3
milljónir króna í byggingu. Þau eru í bænum Elvas og ganga þar undir nafninu íslandshúsin.
Ungversku flótta-
mennimirfrá 1956:
Um helnv
ingur
þeirra
„Það voru 52 scm komu
hingað á aðfangadag jóla 1956,
26 karlar og 26 konur," sagði dr.
juris Gunnlaugur Þórðarson i
samtali við DB, þegar hann var
inntur eftir tildrögum og árangri
þess þegar hingað var komið með
flóttamenn frá Ungverjalandi
eftir að uppreisnin þar hafði verið
bæld niður af Sovétmönnum. En
þetta er i eina skiptið sem
íslendingar hafa haft bein af-
skipti af flóttamannavanda-
málinu. Núer flóttamannavanda-
málið aftur i brennipunkti vegna
hinna 50 flóttamanna sem fram-
kvæmdastjóri fióttamanna-
hjálpar Sameinuðu þjóðanna
hel'ur mælzt til að l'sland veiti
viðtöku.
„Ég fór utan til Vínarborgar
þann 18. desember 1956. Alls var
ég kominn með yfir 250 manns á
skrá þegar yfir lauk, en fimmtiu
og tveir komu hingað," sagði
Gunnlaugur. Eftir að til Íslands
kont dvaldi fólkið fyrst i hálfan
mánuð i Hlégarði í Mosfellssveit
áður en það fór út um landið og
dreifðist viða.
Af þessum S2 ungversku
fióttamönnum sem hingað komu
i árslok 1956 er u.þ.b. helmingur
enn á fslandi. Nokkrir eru látnir,
sumir fluttu til Ástraliu, Banda-
rikjanna og Þýzkalands. Nokkuð
al' fólkinu giftist innbyrðis og
aðrir íslendingum svo segja má
að þessir ungvcrsku fióttamcnn
hafi fallið misfellulaust inn i
íslenzka þjóðlifið. .gn.
ÓLAFUR
GEIRSSON
Hvemig lízt þér á þá hug-
mynd aö ísland taki viö50
flóttamönnum frá Vfetnam?
Einar Guðjohnsen framkvæmdastjóri:
Ekki skýla okkur á bak við málæði
,,Ég séekkert því til fyrirstöðu í það
minnsta fyrir okkur Íslendinga. Aftur á
móti hlyti það að verða gifurleg
breyting fyrir þetta fólk að fiytjast
hingað á norðlægar slóðir úr hitabeltis--
loftslagi,” sagði Einar.
„Okkur íslendingum ber skylda til
að taka á okkur þær byrðar sem okkur
ber, við getum ekki bara heimtað af
öðrum.
Ég vil sérstaklega beina þessum orð-
um til vinstri manna. Mannanna sem
segjast í öðru orðinu vilja brjóta niður
múra þjóðernishrokans og tala um
jafnrétti og bræðralag. Þeir geta ekki
skýlt sér bak við málæði um þjóðleg-
heit þegar spurningar eins og um
vietnömsku flóttamennina koma til
álita.
Þessir menn mega ekki gleyma slag-
orðinu sínu. öreigar allra landa sam-
einizt — þegar á reynir.
Hinu megum við heldur ekki gleyma
að með því að bjóða þetta fióttafólk
velkomið til íslands þá tökum við á
okkur ýmis vandamál vegna þess að
þvi miður eru islendingar nú ekki
breiðari í hugsun sinni, margir hverjir,
en svo að þeir hafa horn í síðu erlendra
manna og þá ekki sízt þeirra sem vilja
setjast hér að.”
-ÓG.
Eiríkur Ketilsson stórkaupmaöur:
Kæmi sér varla áf ram
,,Ég er á móti því,” sagði Eiríkur
Ketilsson stórkaupmaður. „Bæði er
það að veðurfarslega yrði þetta mjög
erfitt fyrir fólkið og svo er illmögulegt
fyrir það að aðlaga sig aðstæðum. Auk
þess er ég yfirleitt á móti því að blanda
erlendu fólki við okkur íslendinga.”
Telurðu þá að við úrkynjumst á því
að taka við fólki af öðrum kynstofni?
„Ja — slíkt mundi örugglega ekki
bæta neitt.”
Ertu þá hræddur um að þetta fólk
yrði byrði á okkur, færi svo að það
flytti hingað?
„Nei, varla en ég tel ekki líklegt að
það mundi koma sér neitt áfram i
lífinu við þær aðstæður sem eru hér á
landi,” sagði Eiríkur Ketilsson. -ÓG.
Sigríður Guðmundsdóttir bankamaður:
Sjálfsagt, geti þeir
haft f ærí á að sjá
sér hér farborða
„Ef við getum gefið þeim færi á að
sjá sér fyrir lífsviðurværi þá finnst mér
sjálfsagt að bjóða þá velkomna,” sagði
Sigríður Guðmundsdóttir bankamað-
ur. Hún sagðist síður en svo óttast að
íslendingar mundu úrkynjast þó flótta-
menn frá Víetnam flyttust hingað.
Ekki væri fremur ástæða til að óttast
það að þeir yrðu ómagar á okkur á
neinn hátt.
Sigríður var spurð hvort hún
óttaðist að flóttamenn frá Víetnam eða
aðrir slíkir af ólíkum kynþætti kynnu
að verða fyrir aðkasti hér á landi.
„Kannski af smáborgurum — ekki
öðrum,” var svarið.
Átt þú börn Sigríður?
„Já, þrjú”.
Hvemig mundi þér lítast á ef
eitthvað af börnum þínum ætlaði að
ganga að eiga manneskju af öðrum
kynstofni?
„Ég tel það sjálfsagðan hlut ef þau
kjósa það sjálf. Hverjum þau giftast er
algjörlega þeirra mál,” sagði Sigriður
Guðmundsdóttir.
-ÓG.