Dagblaðið - 14.04.1980, Blaðsíða 6

6
DAGBLAÐIÐ. MÁNUDAGOR 14. APRÍL 1980.
Fjaran fyrir neðan hefur oft verið fénu gjöful á veturna þegar litið annað hefur verið að hafa. Strætis-
DB-mynd: Bj. Bj.
Fjárhúsin umdeildu i Hvassahrauni. Girðingin liggur niðri þannig að féð kemst hvert á land sem er.
vagnarnir eru notaðir undir hey.
Fjárhúsinumdeildu í Hvassahrauni:
FEÐ GENGUR UTIIANNARRA LANDI
Við þessi fjárhús hefur í vetur
verið gefið öðru hvoru 50—60
sauðum. Að öðru leyti hafa þeir
gengið úti. Til dæmis sáust þeir við
Álverið í Straumsvík daginn sem
myndin er tekin.
Þelta eru hin umdeildu fjár-
hús Sæmundar Þórðarsonar í
Hvassahrauni. Samband dýra-
verndunarfélaga hefur kært Sæmund
fyrir illa meðferð á fé og málið er nú í
rannsókn hjá rannsóknarlögreglunni
í Hafnarfirði. En mikið hefur gengið
áá undan.
Sæmundur, sem er verzlunar-
maður í Hafnarfirði, hefur í mörg ár
verið með fé sitt þarna í Hvassa-
hrauni. Hefur hann skriflegt leyfi frá
Þóroddi heitnum Jónssyni, sem átti
landið, til að nýta til beitar spildu
sem er á annan hektara að stærð. Fé
Sæmundar hefur hins vegar gengið á
mun stærra svæði, svæði sem er í
eigu Sauðafells hf., félags fjár-
eigenda í Reykjavik. Sauðafellsmenn
eru langþreyttir á fé Sæmundar, telja
það aféta þeirra eigið fé, auk þess
sem hrútar Sæmundar gangi í ám
Sauðafellsmanna, þeim til stórtjóns.
Sæmundur hefur hvað eftir annað
lofað að farga fé sínu, nú síðast að
gera það næsta haust. í þetta sinn er
loforðið skriflegt en hefur áður verið
munnlegt. ,,Féð er búið að ganga úti í
allan vetur og í sumar fer það til
fjalla. Þar verður það á meðan hægt
er að finna nokkurt stingandi strá.
Sæmundur nær því einfaldlega ekki
til að slátra því á meðan á slátrun
stendur,” sagði Sigurleifur Guðjóns-
son, einn af Sauðafellsmönnum, í
viðtali við DB.
Fé Sæmundar hefur ekki veriö
baðað og er ekki kunnugt um að það
hafi verið bólusett gegn garnaveiki.
Sauðina geldir hann sjálfur en það
hefur jafnvel verið talið skilgreining-
aratriði hvort sauðir Sæmundar eru
sauðir eða hrútar.
Öllu þessu hefur verið tekið með
ótrúlegri þolinmæði yfirvalda.
Síendurteknar kærur Sauðafells-
manna, áskoranir Búnaðarfélags og
kvartanir dýraverndunarmanna hafa
farið fram fyrir daufum eyrum, þar
til nú, að málið er komið í rannsókn.
-DS.
Heybirgðir eru i kringum 10 baggar, sem svarar til vikugjafar.
NýR STEINLEIR
Aðgætið eftirfarandi:
1. Að afrennsli á botni pottsins sé í góðu lagi. Hyljið t.d. hotngat með
smásteinum. Stráið mold yfir.
2. Losið varlega og fjarlægið lausa mold utan úr og ofan af gamla
kögglinum.
3. Komið plöntunni fyrir i svipaðri dýpt og áöur. Munið að aðgæta með
gott vatnsborö.
4. Þjappið nýrri mold gætilega niður með hliðtim pottsins. en ekkert
holrými má vera á milli róta og potts.
5. Vökviö vel að loknu verki og haldið plöntunni frá sól i vikutima.
Umpottun er framkvæmd árlega eða annað hvert ár allt
eftir því hvernig hagar til með ílát og vöxt plantna.
GLIT
HÖFÐABAKKA 9
SÍMI85411
Varhugavert
að skilja
bflana eftir
mannlausa
— segir bflstjóri vörubfls
íárekstriá
Breiðadalsheiðinni
Árekstur vörubíla varð á Breiða-
dalsheiði á þriðjudag svo sem DB
greindi frá degi síðar. Samkvæmt
upplýsingum lögreglu á ísafirði voru
það þrír vörubílar, sem lentu í árekstri,
en Bergur Guðnason, bílstjóri á Flat-
eyri, segir þá fjóra. Hann ók sjálfur
fjórða bílnum.
Að sögn Bergs varð árekstur tveggja
fyrstu bílanna um kl. 14.30 í þröngum
snjógöngum. Skyggni var ákaflega
lítið. Þriðja bílinn bar síðan að og lenti
hann beint aftan á palli annars bílsins.
Bílstjórnarnir höfðu verið að kanna
skemmdir og gátu þeir naumlega
forðað sér er þeir heyrðu vélarhljóð
bílsins. Bilstjóri þriðja bílsins festist í
bílnjjm og slasaðist á fæti.
Bergur sagði siðan að menn hefðu
yfirgefið bílana án þess að hægt væri
að gera öðrum vegfarendum viðvart.
Því hefði hann komið að og ekki náð
að forða árekstri. Hann hefði ekki séð
bílana fyrr en u.þ.b. 4 metra voru í þá.
Þrátt fyrir að hann væri á vel búnum
bíl, var ekki hægt að stöðva bílinn, en
hált var undir og snjóveggirnir til
hliðar. Bíllinn lenti því á snjóveggnum
og lítilsháttar á kyrrstæðum
vörubílnum.
Bílstjórinn taldi það varhugavert að
yfirgefa bílana og hefði það skapað
mikla hættu. Lögreglan hefði ekki
komið á staðinn fyrr en á sjöunda
tímanum. Bergur kvaðst því hafa sett
full ljós á bíl sinn til þess að reyna að
koma í veg fyrir að fleiri lentu á
bilunum.
Þarna hefði orðið eignatjón er
næmi 15—18 milljónum króna og
mildi aðekki hlauzt af stórslys. -JH.