Dagblaðið - 14.04.1980, Blaðsíða 33
DAGBLAÐIÐ. MÁNUDAGUR 14. APRÍL 1980.
33
Hún hef ur innrammaða mynd af páf anum í Róm á veggnum í stof unni:
Framliðnir eru til mik-
ils gagns í mannheimi
— litið viðhjá
Sigurrósu
huglækniá
Hverfisgötunni
„Ég hef alla tið fundið að ég er öðru
visi en almennileg. Ég hef alltaf séð
framliðið fólk og verið í huglækningu í
nærri fimmtíu ár,” sagði Sigurrós Jó-
hannsdóttir, 84 ára gömul kona ættuð
frá Skíðsholti i Hraunhreppi. Við
komum í heimsókn til hennar að
Hverfísgötu 83 og sátum i góðu yfirlæti
drjúga stund. Ekki fer fram hjá gestum
í húsi Sigurrósar að gamla konan er
trúuð vel. Á veggjum eru myndir og
líkneski af frelsaranum. Og þar er líka
stór innrömmuð litmynd af Jóhannesi
Páli páfa í Róm. „Ungur maður keypti
myndina af páfanum á Spáni og færði
mér. Já, ég hef alltaf verið trúuð. Mér
var kennt það ungri og held að heppi-
legra sé að trúa,” sagði Sigurrós.
Um dagana hefur fjöldi fólks leitað
til Sigurrósar um lækningu eða aðstoð í
erfiðleikum. Hún segist hafa á sínum
snærum hóp af framliðnum islenzkum
læknum, þjóðkunnum mönnum, sem
hún sendir þeim sem þurfa og vilja
njóta aðstoðar úr huliðsheimi við að fá
bót meina sinna. Leitað er til hennar af
fleiri orsökum. „Sumir vilja hjálp til að
bjarga hjónabandinu. Oftast er það
óreglan sem er meinvaldurinn. Óreglan
er eyðilegging á lifi margs mannsins og
það fyrir misskilning.”
Illir andar allt í kringum
okkur
Hvernig skyldi svo árangurinn vera
af aðstoðinni „að handan”?
„Hann er góður,” svaraði Sigurrós
að bragði. „Fólk mætti að vísu vera
duglegra við að koma til min og láta
mig vita hvernig farið hefði. En það
sem ég veit með vissu, sýnir að fram-
liðnir eru til mikils gagns í mannheimi.
Mér hefur oft verið þakkað innilega
fyrir hjálpina. Bæði af fólki sem fengið
hefur iækningu og einnig þvi sem naut
annars konar hjálpar. Það eru margir
illir andar í kring um okkur. Hið vonda
„Sumir koma til min og leita hjálpar I hjónabandscrfiðleikum. Oftast er það óreglan
sem er meinvaldurinn.”
Leitaöi til Sigurrósar með kvilla sína:
„NÚ ER HEILSA
MÍN ALLT ÖNNUR”
sem sækir á okkur eru náttúrlega djöfl-
ar. Ég heyri margar sögur, ekki allar
fagrar. Kona skrifaði mér og sagði að
karlinn sinn væri fullur af djöflum. Já,
já, ég hef séð þá. Þetta eru Ijótar
svartar verur sem gera illt. Ljósu ver-
urnar gera gott. Ég vil hjálpa fólki við
að losna undan áhrifum hins illa.
Hafsteinn Björnsson miðill kemst oft
í samband við mig, sérstaklega ef erfið-
leikar steðja að á heimilum, illindi eða
drykkjuskapur. Hann hefur alltaf gott
til málanna aðleggja.”
Tek við skilaboðum frá
framliðnum
„Ég hef líka samband við Ólaf
Tryggvason frá Hamraborg og á mikið
uppskrifað eftir honum. Nú, og svo get
ég sagt þér að viku eftir að Árni Óla dó
komst ég í samband við hann. Árni lét
mig skrifa eftir sér pistil um móttök-
urnar hinum megin og vildi láta birta
hann.
Ég tek skilaboð frá framliðnum,
Ijóðum og vísum hvað þá annað! Ég
tek á móti öllum sem til min leita, lifs
sem liðnum. Erfiðast þykir mér að
heyra í fólki sem tekið hefur líf sitt.
Það sér undantekningarlítið eftir þvi að
hafa fyrirfariðsér.”
Ég sá f lugvél
í regnbogalíki
Sérðu fyrir atburði, til dæmis nátt-
úruhamfarir, mannslát eða eitthvað
slíkt? spyrjum við.
„Nei, ég hef ekki fundið verulega
fyrir því, nei, nei. Annars get ég sagt
ykkur að Krafla er ekki dauð úr öllum
æðum ennþá,” bætir hún við. „Þar
eiga eftir að gerast meiri tíöindi.”
En pólitik, sástu fyrir hvernig ríkis-
stjórn við myndum fá?
„Ég var stödd í húsi úti i bæ á að-
fangadag. Þá sá ég sýn sem mér er
minnisstæð,” sagði Sigurrós.
„Ég sá undurfagra flugvél í regn-
bogalíki og í henni voru sex menn sem
ég þekkti strax: Bjarni, Sveinn og Pétur
Benediktssynir, Herntann Jónasson,
Tryggvi Þórhallsson og Ólafur Thors.
Allt skörungar og sómamenn. Þeir
höfðu áhyggjur af pólitíkinni og
stjórnarmyndunintii og sögðu að þetta
gengi betur ef menn færu að „tala
saman af einlægni og bróðurhug.” Ég
er fullviss um að fyrir þeirra áhrif var
ríkisstjórnin mynduð,” sagði gamla
konan ákveðin.
Hvernig var þeim áhrilum beitt?
„Með sambandi við Gunnar Thor-
oddsen og Pálma Jónsson, sérstaklega
Pálma,” svaraði hún samstundis.
Óttastu dauðann? spurðum við að
skilnaði.
„Nei, það er mesta vitleysa að óttast
hann. Dauðinn er i raun og veru ekki
til, þetta eru bara fataskipti. En ég vil
lifa lengur. Ég vil sinna minum störfum
og verða að liði.” -ARH
— segir Bjami Guðmundsson
„Það leið ekki langur tími þar til
ég fann aö breyting varð á heilsu
minni til batnaðar. Það leyndi sér
ekki að Hafsteinn stjórnaði heim-
sókn andlegu læknanna þegar þeir
komu i heimsókn til mín og varð ég
iðulega var viö þá. Nú er heilsa min
aJlt önnur og fæ ég aldrei fullþakkað
þeim Hafsteini, Sigurrósuog öllurn
læknunum sem stundað hafa mig
meðást ogkærleika.”
' Reykvikingur að nafni Bjarni Guð-
mundsson leitaði til Sigurrósar Jó-
hannsdóttur i matmánuði 1978 vegna
veikinda sem hann hafði átt við að
stríða i 25—30 ár. Bjarni skrifaði
stuttan pistil um reynslu sina og
framangreind tilvitnun er tekin úr
honum. Hann segir að Hafsteinn
Björnsson miðill, „aðalstjórnandi
Sigurrósar á milli heimarina”, og
ónafngreindir læknar hafi læknað sig
með aðstoö Sigurrósar. Bjami segist
hafa setið fáeina miðilsfundi hjá
Hafsteini fyrir nokkrum árum og
„varð ekki fyrir vonbrigðum að
neinu leyti. Fullkomnar sannanir
fékk ég á þeim fundum um fram-
haldslíf og andlega hjálp.”
- ARH
Smáauglýsingar
BIAÐSINS
Þverholti11 sími 2 70 22
Opið til kl.10 í kvöld