Dagblaðið - 14.04.1980, Blaðsíða 20
20
DAGBLAÐIÐ. MÁNUDAGUR 14. APRÍL 1980.
Iþróttir
Iþróttir
Iþróttir
Iþróttir
Svar frá Skíða-
ráði ísafjarðar
— Áhyggjuefni að hafa Sæmund við stjómvölinn
Skíðaráð ísafjarðar svarar Sæmundi
Óskarssyni, formanni Skíðasambands
íslands.
Sæmundur Óskarsson, formaður
SKÍ skrifaði grein i Dagblaðið og Vísi
þann 10. apríl, þar sem hann ræðst að
skiðalandsliðinu og þá sérstaklega
einum iandsliðsmanni, Sigurði Jóns-
syni frá ísafirði. Um þessi skrif viljum
við segja þetta:
A nýloknu skíðaþingi nú um
páskana ásakaði stjórn SKÍ aðildar-
héruð og skíðamenn fyrir að birta
ágreining okkar i dagblöðunum, það
leysti ekki vandamál, það sundraði
kröftum okkar og veikti stöðu heildar-
samtakanna. Nú bregður svo við að
formaður SKÍ, Sæmundur Óskarsson,
skrifar þá ósvífnustu grein sem lengi
hefur sést á prenti. Þessi grein skrifar
hann án samráðs við aðra stjórnar-
menn sambandsins. Þaö má segja að
með þessari grein sýni hann öðrum
stjórnarmönnum sambandsins slika
lítilsvirðingu aö ekki verður Við unað,
einnig birtir Sæmundur almenningi hug
sinn til landsliðsmanna og þá sérstak-
lega til Sigurðar Jónssonar, því að þessi
grein er ekkert annað en dylgjur og
hrein lygi. Það er okkur verulegt
áhyggjuefni að við stjórnvöl skíðasam-
bandsins skuli vera maður svo ómerki-
legur og illa innrættur sem Sæmundur
Óskarsson lýsir sér best með þessum
skrifum. Við höfum því ákveðið í
samráði við okkar mann í aðalstjórn
SKÍ, Ingvar Einarsson, að hann segji
sig úr stjórninni. Ástæðan er
Sæmundur telur vera fyrir því að
Sigurði hafi ekki gengið eins vel síðast-
liðina tvo vetur og stefnt hafi verið að
er algjör fásinna og uppspuni.
Sæmundur hefði átt að láta reiðina
renna aðeins af sér áður en hann greip
penna í hönd því hann veit miklu betur
sjálfur. Sæmundur ætti að hugleiða
það að árangur Sigurðar hefur ekki
verið eins góður eftir að hann tók við
stjórn SKÍ því Sæmundur hefur
lagt mikið meira upp úr því að ná
peningum út úr skíðafyrirtækjum út á
Sigurðar nafn heldur en að hann fengi
þá æfingu sem hann þyrfti og hefur
Sæmundur viljað hafa Sigurð eins og
eitt peð á taflborði sinu, en það cr
einmitt það sem Sigurður hefur ekki
viljað við una.
Skíðaráð ísafjarðar neitar því harð-
lega að samskipti okkar og Sigurðar
séu ekki í góðu lagi, eins og Sæmundur
vill gefa í skyn. Við viljum koma því á
framfæri að við eigum Sigurði mikið
að þakka og þann stuðning sem við
höfum veitt honum höfum við fengið
ríkulega til baka, með góðum árangri
hans erlendis sem innanlands auk
aðstoðar hans hér heima. Skíðaíþróttin
í heild á honum einnig mjög mikið að
þakka. Aldrei hefur íslendingur náð
öðrum eins árangri erlendis ogengini
hefur auglýst skíðaíþróttina meira en
hann. Að lokum viljum við beina þeim
tilmælum til Sæmundar Óskarssonar
að hann sjái sóma sinn í því að biðja
viðeigandi aðila afsökunar opinber-
lega.
Skíðaráð Ísafjarðar.
Hreinn Pálsson
Elías Sveinsson
Hafsteinn Sigurðsson
Davíð Ljöskuldsson
Garðar Gunnarsson
Guðjón Höskuldsson
Samúel Gústafsson
Sigurlið Akrancss I 2. deild kvenna. Frá vinstri i aftari röð: Þröstur Stefánsson, formaður ÍA, Ragnhildur Sigurðardóttir,
Laufey Sigurðardóttir, Sigurveig Runólfsdóttir, Ragnheiður Jónasdóttir, Lára Gunnarsdóttir, Guðfinna Rúnarsdóttir,
Kristln Aðalsteinsdóttir, Valdimar Björgvinsson, formaður handknattleiksráðs Akraness. Fremri röð frá vinstri: Elisa-
bet Jónatansdóttir, Kristfn Reynisdóttir, Kristfn Brandsdóttir, Hrefna Guðjónsdóttir, Sólveig Steinþórsdóttir og Sigurður
Halidórsson, þjálfari liðsins. DB-mynd: - SSv.
Skagastelpur í 1. deild
—ef tir samanlagðan sigur á Ármanni í tveimur úrslitaleikjum
Handknattleiksstúlkurnar ungu af
Akranesi brutu blaö f íþróttasögu
bæjarins er þær tryggðu sér sæti i t.
deild kvenna með þvi að ná jafntefli við
Ármann, 11—11, í íþróltahúsinu i
Hafnarfirði á laugardag í æsispennandi
leik. Jafnteflið nægði þeim til sigurs í
deildinni því þær unnu fyrri leikinn á
Akranesi, 17—15.
Ármann hafði þó yfirhöndina nær
allan timann og leiddi t.d. 6—4 í hálf-
leik. Þegar svo Ármann skoraði tvö
fyrstu mörkin í síðari hálfleiknum
virtist allt vera runnið út i sandinn.
Hvorki gekk né rak hjá Skagadömun-
um og þegar 10 mín. voru til leiksloka
leiddi Ármann, 10—6. Þá kom geysi-
kröftugur kafli af hálfu ÍA og þær
skoruðu 4 mörk á aðeins bremur
mínútum. Staðan orðin jöfn, 10—10,
og allt gat gerzt. Stuðningsmenn ÍA,
sem höfðu fjölmennt ofan af Akranesi,
létu heldur betur í sér heyra og hvöttu
lið sitt af miklum krafti.
Ármann náði forystunni á nýjan leik
með marki Guðnýjar Guðjónsdóttur en
Guðfinna Rúnarsdóttir jafnaði fyrir
Skagastelpurnar með góðu ntarki eftir
að Ármann hafði misst Erlu út af í 2
mín. Undir lokinn var mikill darraðar-
dans stiginn og þá varði markvörður
Akraness m.a. vítakast á einkar glæsi-
legan hátt. Lokatölur urðu því 11 — 11
og öruggt er að annar eins hávaði hefur
ekki verið í háa herrans tið á kvenna-
leik í handbolta.
Mörk jA: Ragnheiður 4/1, Laufey 3,
Kristín, Hrefna, Guðfinna og Ragn-
hildur eitt hver. Mörk Ármanns:
Guðrún 6/2, Áslaug 3, Guðný og
Hjördís eitt hvor.
-SSv.
Hver er tilgangur Sæmundar Óskarssonar?
Formaður Skíðasambands Islands,
Sæmundur Óskarsson, ritar hinn 10.
þ.m. grein i Dagblaðið og Vísi. Að
minni hyggju er greinin svo fyrirlitleg,
þegar haft er i huga að hér er um að
ræða leiðtoga ungs fólks, að ekki cr
hægt með ttokkru móti að láta henni
ósvarað.
Það hefur lengi verið vitað að
samband landsliðsmanna og formanns
stjórnar Skíðasambandsins hefur ekki
verið upp á það besla, og nægir í þvi
sambandi að vísa til síðasta Skiðáþings.
Tilefni fyrrnefndar greinar mun
hinsvegar vera þlaðaviðtöl við Hauk
Jóhannsson núverandi íslandsmeistara
í stórsvigi og Sigurð Jónsson íslands-
meistara i svigi. í þessum blaðaviðtöl-
um er ekki tíundað af hverju óánægja
þeirra stafar, hinr vegar lýsir Sigurður
því yfir, að hann muni ekki keppa á
vegum Skíðasambandsins meðan áður-
nefndur greinarhöfundur er formaður
þess.
Áður en lengra er haldið er rétt að
fram komi að undirritaður er mágur
Sigurðar Jónssonar, og að Sigurður býr
á heimili hans þegar hann er hérlendis,
þar sem foreldrar hans eru búsettir
erlendis. Þar að auki er málið mér skylt
vegna þess að á nýloknu Skíðaþingi á
Akureyri var ég kosinn í stjórn Skíða-
sambandsins.
Til fróðleiks vil ég upplýsa að
kvöldið áður en hin dæmalausa grein
formannsins birtist í dagblööunum var
fyrsti stjórnarfundur nýkjörinnar
stjórnar. Á þessum fundi voru mættir 6
stjórnarmeðlimir auk formanns, serri sá
ekki ástæðu til þess að segja þeim frá
umræddri grein, sem hann undirritar
þó sem formaður S.K.Í. Ef til vill segir
þessi framkoma meira en mörg orð.
Um leið og ég nú ræði nokkur atriði
úr grein Sæmundar, sem blaðamaður
Dagblaðsins gefur yfirskriftina
„Landsliðsmenn sakaðir um fyllerí” en
sem er þó fyrst og fremst svívirðilegur
rógur um Sigurð Jónsson, mun ég
drepa á nokkur atriði úr ferli Sigurðar
sem skíðamanns.
Sæmundur segir: „Aldrei fyrr
hefur sá afburðaefnilegi skíðamaður
Sigurður Jónsson fengíð annað eins
tækifæri til að þróa hæfileíka sína á
erlendri grund. í allan fyrravetur var
hann kostaður af S.K.Í. til að æfa og
keppa með sænska landsliðinu”.
Vill Sæmundur með þessu segja að
honum sé ókunnugt um að eftir
ólympíuleikana 1976, þar sem Sigurður
Jónsson með góðum árangri, býðst
honum fyrir milligöngu Þóris Jóns-
sonar, fyrrverandi formanns S.K.Í. og
Hákons Ólafssonar þáverandi for-
manns, að æfa og keppa með sænska
landsliðinu. Hóf hann þær æfingar
haustið 1976. Þann vetur tók Sigurður
þátt í mörgum mótum með sænska
landsliðinu. Á mörgum þessara móta
náði hann mjög athyglisverðum
árangri, og má í því sambandi nefna
sigur í tveimur sterkum FlS-mótum,
annað haldið i Frakklandi en hitt í
Noregi. Var hann á þessum tíma álitinn
einn af 3 iíklegustu sigurvegurum á
Evrópumeistaramóti unglinga sem
haldið var í Júgóslavíu, enda var aðeins
einn keppandi þar með betri FIS-
punkta en Sigurður, en það var
Búlgarinn Popangelov, sem í dag er
einn besti svigmaður heims. Nokkrum
dögum'' fyrir keppnina meiddist
Sigurður illa í baki og gat þar af
leiðandi ekki tekið þátt í þessu móti.
Næsta sumar lenti Sigurður i slysi sem
olli þvi að sumaræfingar fóru for-
görðum. Skíðaæfingar hófust svo ekki
að gagni fyrr en um miðjan desember
með sænska landsliðinu, og æfði hann
með því fram að heimsmeistaramótinu
1978. Þar náði hann besta árangri sem
íslenzkur skiðamaður hefur náð, þ.e.
13. sæti i svigi.
Ég tel nauðsynlegt að rifja þessi at-
riði upp, þar sem Sæmundur Óskars-
son virðist ekki þekkja þessa sögu, þ.e.
árin áður en hann tók við forystu
Skíðasambandsins.
Hins vegar ætla ég honum að kanna
fjárútlát sambandsins fyrir Sigurð á
þessum árum, en kostnaðinn báru að
stórum hluta velgjörðarmenn hans á
ísafirði, faðir hans og að sjálfsögðu
hann sjálfur. Vegna ummæla Sæmund-
ar um kostnað Skíðasambandsins
vegna veru Sigurðar með sænska lands-
liðinu væri fróðlegt að fá upplýst
hvaða tekjur sambandið (skíðasjóður)
hefur haft vegna árangurs Sigurðar á
fyrrgreindum tveimur árum, áður en
Sæmundur tók við formannssætinu.
Þá vil ég minna Sæmund á, að lang-
flestar flugferðir Sigurðar hefur S.K.Í.
ekki þurft að greiða.
Sæmundur skrifar: ,,í tveimur utan-
landsferðum af þremur, sem for-
maðurinn hefur verið fararstjóri lands-
liðsins í, hefir hann þurft að ávíta
piltana fyrir meðferð áfengra
drykkja.” Óg i lok þessara ásakana
segir hann: „Sigurður Jónsson hefur á
sér sérstakt orð í þessum efnum.”
Fyrri fullyrðingu Sæmundar er ekki
hægt að skilja á annan veg en þann, að
landsliðsmenn hafi neytt áfengra
drykkja í þessum tveimur ferðum.
Seinni fullyrðingin sem beinist
eingöngu að Sigurði er slík aðdróttun
að maður verður orðlaus. Þarna er
Sæmundur Óskarsson prófessor og
uppalandi kominn út á hálan ís, og
væri fróðlegt að vita hvað lög-
fræðingur segði um slíka ásökun.
Þarna er Sæmundur óbeint að segja að
Sigurður sé mjög óreglusamur, alla-
vega er erfitt fyrir fólk að skilja
setninguna á annan veg.
Það er ekki á mínu færi að sanna í
blaðagrein að Sæmundur fari með
rangt mál, til þess þyrftu að fara fram
vitnaleiðslur. Ég er þess fullviss að
landsliðsmenn sjálfir munu hrekja fyrri
fullyrðinguna, og ég vil i því sambandi
minna Sæmund á fund, sem haldinn
var með skíðamönnum.
Áburðinum á Sigurð er ef til vill best
að svara með því að skirskota til
sænska landsliðsins. Á fundi með
skiðamönnum sem haldinn var á
Akureyri um páskana var þeirri
spurningu beint til Sæmundar, hvort
Svíarnir hefðu haft eitthvað út á Sigurð
að setja í sambandi við hegðun eða
annað. Svar Sæmundar var skýrt: NEI.
Nú má spyrja: Heldur nokkur hugs-
andi maður, að Sigurður Jónsson hafi
getað æft og keppt með sænska lands-
Iiðinu í 4 vetur, ef hann hefur verið
slíkur óreglumaður sem Sæmundur vill
vera láta. Svari hver fyrir sig. Síðast-
liðið haust þegar búið var að fella niður
2 landsliðsæfingar, sem fyrirhugaðar
voru fyrir ólympíuleikana, var
Sigurður svo óánægður með undir-
búninginn að hann hringdi sjálfur, án
nokkurra afskipta S.K.Í., til særiska
skíðasambandsins og spurði hvort
hann mætti koma út og vera á æfingu
með þeim í októbermánuði, en ekkert
slíkt hafði verið ákveðið fyrirfram.
Svarið sem hann fékk var þetta: Þú
getur fengið að vera með okkur hvenær
sem er, hvar sem er, og eins lengi og þú
vilt. Sigurður var síðan með Svíunum á
3 vikna æfingu i október síðastliðinn,
og borgaði allan kostnað úr eigin vasa.
Þetta sýnir vel hugarþel Svíanna til
Sigurðar.
Það er mín skoðunm að hafi lands-
liðsmenn brotið svo freklega af sér eins
og Sæmundur heldur fram, þá átti að
koma hreint fram og vísa þeim úr
Iandsliðinu. En jafnframt tel ég, að
komi slík vandamál upp, sé það skylda
þeirra sem stjórna að hafa samband við
aðstandendur og skýra málin fyrir
þeim, áður en ákvörðun um brottvísun
er tekin. Meðan Sigurður hefur búið
hjá mér hefur Sæmundur aldrei rætt
'við fjölskylduna um, að um einhver
hegðunarvandamál væri við að etja.
Það er vissulega rétt að margir
unnendur skíðaiþróttarinnar hafa lagt
fram „mikið og óeigingjarnt starf og
fjárframlög” i þágu íþróttarinnar og
skiðalandsliðsins. Ég er ekki í neinum
vafa um að Sæmundur Óskarsson er
einn af þessum mönnum og ber að
þakka hans störf. En hafa þau ekki
fyrst og fremst byggst á metnaði hans
og áhuga fyrir þessari íþróttagrein, eða
sömu forsendum og hjá þeim sem
skara fram úr í íþróttinni. Gerir
Sæmundur sér ekki fulla grein fyrir því
hvað þessir unglingar hafa lagt á sig til
þess að verða liðtækir i landslið. Til
fróðleiks ætla ég að birta skrá yfir
æfingar Sigurðar haustið 1978, en hann
þjálfaði þá með sænska landsliðinu.
Ástæðan fyrir því að ég vel sérstaklega
þetta tímabil, eru staðhæfingar sem
koma fram i grein Sæmundar, þar sem
segir meðal annars: „Sigurður stóð
varla niður nokkra braut í fyrravetur
og kenndi skíðum sínum um.” Þessi
skrif Sæmundar sýna vel að mínu mati
hversu litla innsýn hann hefur í
íþróttina sem keppnisgrein.
Æfingar Sigurðar haustið 1978:
Af þessu má sjá að árangurinn i
fyrravetur stafaði ekki af æfingaleysi,
og hér má bæta við, að þegar um tima-
töku var að ræða hjá sænska
landsliðinu á æfingum á þessum tíma,
var Sigurður yfirleitt í þriðja sæti, þ.e.
aðeins Stenmark og Stig Strand á
undán- Það skyldi þó ekki vera að
árangurinn hafi að einhverju leyti verið
skíðunum að kenna.
Fróðlegt væri að bera saman fyrr-
nefnda æfingaskrá og æfingar
landsliðsins á þessum vetri.
Að lokum vísa ég til yfirlýsingar
Skíðaráðs ísafjarðar í dagblöðum og
bið Sæmund Öskarsson að hugleiða
hvort hann hafi nú ekki með
niðskrifum sínum um Sigurð Jónsson
og fieiri landsliðsmenn eyðilagt sitt
óeigingjarna starf fyrir skiðaíþróttina á
liðnum árum.
Ingvar Einarsson,
Blöndubakka 10,
Reykjavik.
Júní:
.lúlí:
Ágúsl:
Sept.:
Okt:
Nóv.:
Des.:
æfingadagar 23 þar af 16 dagar
æfingardagar 16 þar af 16 dagar
æfingardagar 23 þar af 10 dagar
æfingadagar 22 þar af 10 dagar
skíðunt
skíðum
skiðum
skíðum
æfingadagar 24 þar af 22 dagar á skíðum
æfingadagar 18 þar af 12 dagar á skiðunt
æfingadagar 24 þar af 18 dagar áskíðum
Santtals I50dagar 93 dagar