Dagblaðið - 29.12.1980, Blaðsíða 3

DAGBLAÐIÐ. MÁNUDAGUR 29. DESEMBER 1980
3
Litla-Hraun:
EKKIKOLNAÐ RUM
í MARGA MÁNUÐI
—enginn klefi laus fyrir Hilmar
Gestur Sigurður ísleifsson, fangi á
Litla-Hrauni, skrifar:
Ég er mjög óánægður með skrif
ykkar um Hilmar Helgason í blaðinu
4. desember sl. Málið er ekki þaðf
hvar hann dvaldist fyrir austan fjall
heldur hvað hann var að gera með
dvöl sinni þar. Hilmar er nýorðinn l'or-
maður Verndar sem flestir vita að u
fangahjálp. Þar eð hann hefur lítil af-
skipti haft af þeim málum kom hann
Raddir
lesenda
KRISTJAN MAR
UNNARSSON
hingað á Litla-Hraun til að kynnast
föngunum og því sem er að gerast hjá
þeim og í kringum þá t.d. framkomu
fangavarða við vistmenn. Hilmar
hjálpaði einnig nýákomnu trúnaðar-
ráði af stað og er hann þegar búinn
að gera marga góða hluti í sambandi
við það.
Mér er óhætt að fullyrða að
margir vistmenn eru bjartsýnir á
endurkomu sína út í lífið eftir komu
Hilmars i Vernd. Hann hefur mikla
reynslu í gegnum störf sín í SÁÁ.
Ykkar elskulegi heimildarmaður
um svefnstað Hilmars á að vita það
að hér hefur ekki kólnað rúm í marga
mánuði og var því enginn klefi laus
nema fyrir þá sem úttektarstjóri
sendir hingað. Og hefur hann verið
alliðinn við það. Húsið er því nýtt til
fulls.
Hvar átti þá að troða Hilmari? Ég
veit aðeins um eitt rúm sem aldrei er
notað og það er sjúkrabekkur I
læknaherberginu. Segir mér svo
hugur að ekki hefðu allir verið
ánægðir með að vita hann hírast þar.
Ég held að Hilmar hafi kynnt sér
og kynnzt okkur og staðnum allvel
þessa daga er hann dvaldi meðal
okkar. Hafi hann þökk fyrir og það
er von mín að hann fái að starfa í
friði að þessu mannúðarmáli sínu.
Hilmar Helgason.
dagsins
Ætlarðu að strengja
nýársheit?
Skúli Sigurbjörnsson leigubílstjóri:
Nei, ég hef nú ekki hugsað mér það.
Kannski hætti ég að reykja.
Ofbeldi
f barna-
tíma
Faðir hringdi:
Sonur minn horfði á barnatíma
sjónvarpsins næstsíðasta sunnudag.
Sagði hann mér frá mynd um
einhvern Hnýsinn og fannst honum
ofbeldið þar i það mesta. Voru allir í
myndinni að ráðast á einhvern einn
náunga og fannst syni mínum það
ekki of fallegt. Málningu var hellt
yfir Hnýsinn, hann var klemmdur og
fleira var gert við hann. Ég er sam-
mála syni mínum í því að svona
myndir eru ekki fallegar í barna-
timanum, sérstaklega er þetta
óviðeigandi rétt fyrirjólin.
Engin ástæða
til að fagna
afmælinu
— útvarpið hefurdælt
óhljóðum yfir
þjóðina í hálfa öld
Hilmar hringdi:
Alveg er maður gáttaður á þessum
ríkisfjölmiðlum. Þeir eru búnir að
velta sér upp úr þessu 50 ára afmæli
siðustu dagana og er öll þjóðin fyrir
löngu orðin dauðþreytt á þessu
kjaftæði. Og að sjálfsögðu var
tækifærið notað til að væla enn einu
sinni um nýtt útvarpshús.
Hve lengi eigum við sárþjáðir
skattgreiðendur og útvarpshlust-
endur að þola þetta? A.m k.höfum
við enga ástæðu til þess að fagna þvi
að þessari stofnun skuli hafa tekizt
að dæla yfir okkur óhljóðum I hálfa
öld. En sunnudagskvöldið 21. des.
ofbauð mér loksins. Ég var setztur
fyrir framan sjónvarpstækið og beið
eftir Landnemunum, sem eru eitt af
því fáa, sem ég horfi á í sjón-
varpinu. En áður var sýnd dagskrá
úr Þjóðleikhúsinu sem útvarpið var
þegar búið að flytja. Að sjálfsögðu
var hún drepleiðinleg og afskaplega
„local”, m.a. voru innanhússbrand-
arar sem engir nema útvarpsmenn
skilja fluttir þarna, væntanlega fyrir
alla þjóðina. Að sjálfsögðu mjög
einkennandi fyrir þessa stofnun sem
búin er að flytja I 50 ár tónlist sem
engir’hema innanhússmenn skilja í og
hafa áhuga fyrir að hlusta á.
Nýju AR hátalarana köllum við „HIGH TEGH“ því þeir sameina „HIGH
STYLE“ nýjustu tísku og “TECHNOLOGI“ tækni.
Hagsýni er tíðarandi okkar, iðnfræði og gáfur hafa því hér verið nýttar til hins
ýtrasta til fullkomnunar á hljómgæðum. Notaðar eru nýjar vökvakældar AR
hátalaraeiningar, nýjir AR tóndeilar og AR „ACOUSTIC BLANKET“.
Ollu ónauðsynlegu skrauti og krómbryddingum er sleppt.
Þeir eru klæddir í svart tóndrægt efni sem er hlutlaust gagnvart umhverfinu.
AR-93 og AR-94 sameina nútímalegt útlit, frábær tóngæði og hagstætt verð.
FALKIN N
SUÐURLANDSBRAUT 8, SÍMi 84670
©

Björn Halldórsson skrifslofumaflur:
Ég held að maður sleppi þvi i þetta
sinn. Þessi heit eru í dag bara til þess
að rjúfa þau. Það þýðir ekki að
strengja heit bara til þess að rjúfa það.
Guðjón Finnbogason aðstoðarbakari:
Nei, það held ég ekki. Ég hef aldrei
gert það.
Magnús Jónasson, umsjónarmaður í
Hveradölum: Nei, ég geri það aldrei.
Þá er það minna sem maður þarf að
standa við.
Vilborg Halldórsdóttir nemi: Já, en ég
fer ekki að segja þér hvað það er.
Sigrún Sverrlsdóttlr húsmóðir: Já, ætli
það ekki. Ég ætla að hætta að reykja.
Ég ætla að standa við það núna.