Dagblaðið - 15.09.1981, Page 7

DAGBLAÐIÐ. ÞRIÐJUDAGUR 15. SEPTEMBER 1981.
í
Erlent
Erlent
Erlent
Erlent
i
»&□ Stjóm Verkamannaflokksins
fyrirHægri- fallin - borgaraflokkamir
flokkinn: I ■ ■ ■ « m» ■ a m rm
I taka við um miðjan oktober
Það er nú ljóst að Hægriflokkurinn
hefur hlotið mikinn sigur i norsku
kosningunum í gær og að stjórn Verka-
mannaflokksins, undir forystu Gro
Harlem Brundtland, er fallin.
Hægriflokkurinn, en formaður hans
er hagfræðingurinn Káre Willoch,
hefur hlotið um 32% atkvæða og er
þetta mesti kosningasigur flokksins síð-
an 1921.
Verkamannaflokkurinn hefur samt
sem áður enn flesta þingmenn einstaks
flokks því Hægriflokkurinn hefur ekki
siður unnið atkvæði af tilvonandi
stjórnarsamstarfsmönnum sínum,
Miðflokknum og Kristilega þjóðar-
flokknum. Alls er kosið um 155 þing-
sæti.
Nú eru aðeins eftir úrslit úr einu
kjördæmi og er nokkurn veginn öruggt
að Hægriflokkurinn hlýtur 54 þingsæti
og bætir við sig 13 þingmönnum. Mið-
flokkurinn fær 10 þingmenn og Kristi-
legi þjóðarflokkurinn 15, þannig að
borgarastjórnin hefur 79 þingmenn að
baki sér.
Frjálslyndir fá tvo þingmenn og
Framfaraflokkurinn fjóra, þessir
flokkar vilja ekki eiga aðild að ríkis-
stjórn en hafa samt lýst sig fúsa til að
styðja stjórn borgaraflokkanna með
Káre Willoch sem forsætisráðherra.
Verkamannaflokkurinn hlýtur 67
þingsæti og Sósíalski vinstriflokkurinn
3, þannig að vinstri vængurinn hefur
samtals 70 þingmenn.
Káre Kristiansen, formaður Kristi-
lega þjóðarflokksins, og Johan Jakob-
sen, formaður Miðflokksins, hafa
báðir lýst sig fúsa til stjórnarsamstarfs
við Hægriflokkinn. Álitið er að þessir
flokkar muni strax i dag taka upp
viðræður um eitt helzta ágreinings-
efnið, fóstureyðingar.
Kristilegi þjóðarflokkurinn lýsti því
yftr í síðustu viku að stjórnarsamstarf
kæmi aðeins til greina ef samþykkt
yrði fyrirfram að herða á fóstur-
eyðingarlöggjöfinni. Kristiansen hefur
þó bætt því við að flokkur hans gæti
sætt sig við stjómarsamstarf án þess
skilyrðis, með það í huga að breyta lög-
gjöfinni með tímanum.
Káre Willoch, formaður Hægri-
flokksins, vill stefna að þvi að lækka
skatta, stöðva útþenslu ríkisbáknsins
og styðja Nato. Og þetta ætlar hann sér
auðvitað að gera án þess að skerða vel-
ferðina og atvinnuleysi aukist.
Hann neitar harðlega að láta bera sig
saman við Ronald Reagan Bandarikja-
forseta.
Gro Harlem Brundtland, fyrsti kvenforsætisráðherra Noregs: Hún tekur ósigrinum
með „karlmennsku”.
Erlendar
fréttir
KAIRÓ — Sadat forseti Egyptalands hyggst setja hvers konar pólitískum andófs-
mönnum og uppreisnarseggjum stólinn fyrir dyrnar með nýjum lögum er taka munu
gildi 1. október næstkomandi.
CHICAGO — Rugbylið Suður-Afríku slapp inn í Bandaríkin án þess að andstæð-
ingar aðskilnaðarstefnunnar yrðu þess varir og gætu hreyft mótmælum. Fyrirhuguð
þriggja vikna keppnisferð þeirra í Bandaríkjunum getur stefnt ólympíuleikunum í
voða, en þá á að halda næst í Los Angeles, 1984.
RÓM — Þriðja bréf páfa er væntanlegt í dag. Það mun fjalla um kjör og aðstöðu
verkamanna. Vatíkanið tilkynnti að viðbúið væri að páfi fjallaði sérstaklega um rétt-
indi verkamanna, stéttarfélög og hin tvö stríðandi kerfi, kommúnismann og
kapitalismann.
Kire Willoch: VIII lækka skattana án þess að skerða velferðina.
Willoch, hægláti maðurinn ísnyrtilegu fötunum:
Það borgaði sig vel
að breyta um stílinn
Káre Willoch er 53 ára gamall,
hagfræðingur að mennt og með
langan stjórnmálaferil að baki sér.
Hann er þekktur fyrir að vernda
einkalíf sitt að beztu getu fyrir
ágangi fjölmiðla og láta lítið á sér
bera.
En þegar hin vinsæla og opinskáa
Gro Harlem Brundtland varð for-
sætisráðherra Noregs i febrúar sl. sá
hann að nauðsynlegt var að breyta
um stíl og láta meira að sér kveða í
sviðsljósinu. Það tókst svo vel að
álitið er að hann hafi laðað að sér
fjölda ungra kjósenda síðustu vikur
kosningabaráttunnar. Og nú er öllum
kjósendum t.d. ljóst að þessi hægláti,
snyrtilega klæddi stjórnmálamaður
hefur mikið dálæti á skíðaferðum,
vinnu í garðinum sínum og kökuáti.
Hann er kvæntur og á þrjú börn,
tvær dætur og einn son.
Káre Isaksen Willoch er fæddur 3.
október 1928 í Osló. Hann útskrif-
aðist úr háskólanum þar sem hag-
fræðingur 1953 og hóf störf hjá
Vinnuveitendasambandinu. Á sama
tíma tók hann drjúgan þátt í stjórn-
málum og þótti afar efnilegur innan
Hægriflokksins.
Á árunum 1965—1971 var hann
viðskiptaráðherra í þeirri einu
borgarastjórn sem svo lengi hefur
setið að völdum í Noregi síðan í
stríðslok.
Hann varð formaður Hægriflokks-
ins 1970 og þótti afar skeleggur
forystumaður i stjórnarandstöðu.
Willoch er víðförull maður. Hann
talar ensku, frönsku og þýzku mjög
vel og er ákaft fylgjandi aðild Norð-
mannaað Nato.
Hann hefur skrifað nokkrar bækur
um hagfræði og telur skattalækkun
nauðsynlega í baráttunni við verð-
bólguna í Noregí sem nú er um 14%.
Hershöfðinginn snýr
alveg við blaðinu
— Eitan segir
nú stjórn
Sadatsfasta
ísessi
Foringi ísraelska herráðsins, Rafael
Eitan, sem egypzk stjórnvöld gagn-
rýndu í síðustu viku harðlega fyrir að
gera móðgandi athugasemdir í sinn
garð, hefur nú snúið við blaðinu og
hrósað stjórn Anwars Sadat sem traust-
ustu stjórninni í Miðausturlöndum.
Egyptar segjast hafa afþakkað opin-
bera heimsókn hans vegna þess að hann
hefði farið niðrandi orðum um fram-
tíðartengsl þessara tveggja landa.
Hins vegar neita ísraelsk stjórnvöld
að hershöfðingjanum hafi borizt nokk-
urt boð um opinbera heimsókn til
Egyptalands.
Eitan hershöfðingi, sem lagði af stað
til Bandaríkjanna í gær, ræddi á flug-
vellinum við blaðamenn og minntist
þar á herferð Sadats gegn stjórnmála-
legum og trúarlegum andstæðingum
sínum.
— Það er ekki nokkur ástæða til að
ætla að stjóm Sadats sé ekki traust í
sessi þrátt fyrir tímabundna erfiðleika
heima fyrir. Ég hef ekki trú á að þessar
óeirðir geti grafið undan stjórninni,
sagði hann við brottför sína.