Ársrit Ræktunarfélags Norðurlands - 01.01.1913, Page 6
8
Ársrit Ræktunarfjelags Norðurlands.
11. Fjárhagsnefndin leggur fram álit sitt.
Eftir litlar umræður var samþykt að fresta málinu þar
til síðar á fundinum.
12. Túnmælinganefndin leggur fram álit sitt svohljóðandi:
»Með því að fundurinn telur að alla ábyggilega
undirstöðu vanti fyrir ýmsar opinberar skýrslur um
jarðrækt vora, beinir Ræktunarfjelag Norðurlands
þeirri málaleitun til Búnaðarþings íslands, hvort
það ekki sæi sjer fært að hlutast til um, að fram-
kvæmdar verði mælingar á öllum túnum og mat-
jurtagörðum á landinu hið allra fyrsta, og sje þar
sjerstaklega tilgreind stærð þýfis og sljettu, og kort-
lagt að minsta kosti stærð túnanna.
fakob H. Líndal. Sigurður Sigurðsson.
Breytingartillaga frá minnihluta:
»og sje þar . . . ummál túnanna« falli burt.
Páll Zophoniasson.
Eftir töluverðar umræður voru tillögur meirihluta
nefndarinnar samþyktar með 12 atkvæðum gegn 9.
13. Pá hjelt Sigurður Sigurðsson skólastjóri mjög fróð-
legan ogýtarlegan fyrirlestur um búnaðarhætti í Skaga-
fjarðarsýslu fyr og nú; skýrði frá framþróun atvinnu
veganna síðastliðin 200 ár, búnaðarháttum, verzlun,
fjelagslífi og menningarástandi, og fór að síðustu
nokkrum orðum um framtíðarhorfur hjeraðsins.
14. Pá kom fram tillaga frá Hallgr. Rorbergssyni, þess
efnis, að Ræktunarfjlagið veiti 200 kr. til þess að
styðja að því, að menn sæki landssýninguna í Nor-
egi næsta sumar.
Eftir nokkrar umræður kom fram og var samþykt
svohljóðandi rökstudd dagskrá.
»Með því að fundurinn sjer sjer ekki fært að sinna
þessari málaleitun, tekur hann fyrir næsta mál á
dagskrá.«