Ársrit Ræktunarfélags Norðurlands - 01.01.1913, Síða 28
32 Ársrit Ræktunarfjelags'Norðurlands.
unaraðferðum og vali yrkiplantna. Vinnukraft vantaði.
Hestaflið þurfti að koma til sögunnar og fleiri og hent-
ugri verkfæri, ef nokkuð ætti að ganga.
Fyrst og fremst gengu þá tilraunir fjelagsins eðlilega
í þá átt, að reyna að fá svör við þessum spurningum:
1. Hvað er hægt að rækta hjer norðanlands til veru-
legra hagsmuna?
2. Hvernig á að haga ræktuninni?
3. Er arðvænlegt að nota hjer tilbúin áburðarefni?
Tilraunum fjelagsins má aðallega skifta í þrent eftir
því, hvar þær hafa verið framkvæmdar.
a. Tilraunir i aðalstöð fjelagsins á Akureyri og trjá-
rœktarstöðinni þar. Land aðalstöðvarinnar, 25 dagsláttur,
var fjelaginu gefið af Akureyrarbæ. Er landið tvískift.
Önnur landspildan er um 15 dagsláttur, og hefir hún
aðallega verið höfð til grasræktartilrauna. Hin spildan er
um 10 dagsláttur, allbreytileg að landslagi og jarðvegi.
F*ar hafa framfarið margskonar tilraunir og þar hefir ver-
ið bygt hús til íbúðar framkvæmdarstjóra; er þar og
skrifstofa fjelagsins, kenslustofa, frægeymsluherbergi og
verkfærasýning. Tvö önnur hús hafa verið bygð þar til
geymslu útsæðis og verkfæra. — F*egar amtsráð Norður-
amtsins lagðist niður, afhenti það Ræktunarfjelaginu til
eignar og umráða trjárœktarstöð þá, sem það hafði kom-
ið upp sunnan undir Akureyrarkirkju. Hafði Akureyrar-
bær líka gefið það land ásamt girðingu. Má skoða þessa
stöð sem viðauka eða deild af aðalstöðinni.
b. Tilraunir i aukastöðvum, sem komið var upp sam-
kvæmt lögunum (sbr. 3. gr 2.) undir umsjón fjelagsins
og með styrk frá því, á Húsavík, Sauðárkróki, Blöndu-
ósi, Æsustöðum og Hólum. F*ar voru um skeið endur-
teknar ýmsar tilraunir, er gjörðar höfðu verið í aðalstöð-
inni til þess að fá frekari sönnun fyrir gildi þeirra og
útbreiða þekkingu á þeim meðal almennings.
En umsjón og eftirlit með aukastöðvum þessum reynd-
ist örðugt viðfangs. llla gekk að fá hæfa menn til þess