Ársrit Ræktunarfélags Norðurlands - 01.01.1913, Page 30
34
Ársrit Ræktunarfjélags Norðurlands.
Kom það brátt í ljós, að bæði einstakar tegundir og
sambland ýmsra grastegunda gat gefið góðan heyafla.
Slíkar tilraunir hafa verið gerðar á nálægt 3 dagsláttum
í tilraunastöðinni og nálægt 15 dágsláttur af henni verið
gerðar að graslendi með grasfræsáningu.
Með þessum tilraunum og athugunum bæði í stöðinni
og annarstaðar hefir fjelagið, sem stendur, komist að
þessari niðurstöðu:
1. Heyfall af vel gerðum grasfræsljettum getur orðið eins
mikið og af þaksljettum.
2. Við fræsljettuaðferðina notast miklu meira af ódýrum
vinnukrafti — hestafl í stað mannsafls —. Miklu meira
verki verður því afkastað á sama tíma og fyrir sömu
borgun, en við þaksljettuaðferðina.
3. Alla sæmilega frjóa jörð má gjöra að graslendi með
grasfræsáningu, sje jörðin vandlega unnin, og vel bor-
ið á áður en fræinu er sáð og sáningin af hendi leyst
með hinni mestu vandvirkni.
4. Fræsljettunin er vandasamari en þaksljettunin og því
síður ráðleg þeim, sem enga reynslu hafa í þessum
efnum og ekki eiga kost á góðum leiðbeiningum.
2. Aburðartilraunir.
Fjelagið hefir frá upphafi látið gjöra tilraunir með til-
búin áburðarefni, bæði í aðalstöðinni, aukastöðvunum
og hjá einstökum mönnum. Eigi hefir heildarárangur
þessara tilrauna verið birtur enn, en óhætt er að fullyrða,
að tilbúinn áburður kemur hjer hlutfallslega að sömu
notum og erlendis, þar sem hann nú er mjög notaður.
í mjög mörgum tilraunum hafa áhrif hans orðið miklu
fljótvirkari og augljósari en verkanir búpeningsáburðar,
sem jafnan hefir verið hafður til samanburðar og víða
er hinn reikningslegi gróði mikill.
Fjelagið getur því hiklaust fullyrt, að tilbúinn áburður
getur komið að miklum notum hjer á landi. Hitt er ann-
að mál að afstaða vor, viðskiftasambönd og örðugar sam-
göngur á landi hamla því, að notkun hans verði almenn-