Ársrit Ræktunarfélags Norðurlands - 01.01.1913, Qupperneq 32

36 Ársrit Ræktunarfjelags Norðurlands.
því móti bregðast þær aldrei. — Bezt hafa Þrándheims-
gulrófur reynst, bæði af heimaræktuðu fræi og útlendu.
5. Kartöfluyrkjutilraunir.
Pær hafa farið fram öll árin síðan fjelagið komst á
laggirnar. Tilraunirnar hafa mestmegins lotið að því að
fá vitneskju um, hver kartöfluafbrigði væru hæfust til
ræktunar hjer norðanlands. Milli 40 og 50 afbrigði hafa
verið reynd, bæði innlend og útlend. Uppskeran hefir
verið vigtuð árlega af rúmum 700 tilraunareitum alls
til þess að fá út meðaluppskeru hvers afbrigðis.
Tilraunir hafa verið gerðar með það, hve djúpt beri að
setja, hvort betra sje að setja álaðar (spíraðar) eða óálað-
ar kartöplur, klofnar eða heilar, stórar eða smáar, hverj-
ar eru mest bráðþroska o. s. frv. í ár koma út skýrslur
um allar þessar tilraunir, og skal eg því eigi fjölyrða um
þær frekar. Þess skal aðeins getið, að rúmlega helmings
munur er á uppskeru bezta og lakasta kartöflukynsins.
Má af því marka að mikfu skiftir, hvert afbrigði menn
rækta og að rannsóknir, sem að því lúta, eru enganveg-
inn lítilsvirði.
6. Garðyrkjutilraunir.
Með garðyrkju er hjer átt við matjurtárækt að kartöfl-
um og gulrófum undanskildum. Tilraunir með ýmsar
matjurtir og skrautblóm hefir fjelagið gjört árlega í aðal-
tilraunastöðinni eigi aðeins til þess að vita, hvað þrifist
gæti hjer af því tægi, heldur og jafnframt vegna kensl-
unnar á námsskeiðunum.
Helstu matjurtirnar, sem reyndar hafa verið, eru kál
(blómkál, hvítkál, rauðkál, grænkál), salat, spinat, hreðkur,
gulrœtur, rauðrœtur, ertur o. fl. Flestar þessar plöntur
hafa náð allgóðum þroska, og svo mikið hafa tilraunir
þessar sýnt og sannað, að matjurtarækt mætti stunda hjer
til mikilla búdrýginda, matbóta og hollustu, margfalt
meira en gjört er. Hefir fjelagið hug á að gjöra alt sem
í þess valdi stendur til þess að efia garðrækt, rófnarækt