Ársrit Ræktunarfélags Norðurlands - 01.01.1913, Page 41

Arsrit Ræktunarfjelags Norðurlands. 45
borguðu ekki; svo urðu deildarstjóraskifti. Nýi deildar-
stjórinn taldi sig ekki skyldan til að standa skil á skuld
fyrirrennara síns, sem þá var stundum allur á burtu eða
öreigi og fjelagsmenn* sem vörurnar höfðu fengið, vildu
ekki borga, höfðu borgað eða kváðust hafa borgað frá-
farna deildarstjóranum, svo fjelagið hafði ekkert. Svona
og þessu líkt gekk víða með innheimtur fjelagsins. Úti-
standandi skuldir uxu ár frá ári, fjárhagur fjelagsins var
í voða og það, sem verra var, vinsældum fjelagsins hnign-
aði fyrir þá sök að ósanngjarnir og skammsýnir menn
kendu fjelaginu eða stjórninni um alt ólagið.
Nokkuð af ólaginu var auðvitað því að kenna, að fje-
lagið hafði engum þeim manni á að skipa, er gæti gef-
ið sig óskiftan við rekstri fjelagsins og reikningshaldi og
varð sífelt að skifta um menn.
Stjórnin sá, að hjer varð að taka í taumana, ef alt
ætti eigi um koll að keyra. Og hún fann eigi annað ráð,
en að taka fyrir öll vörulán og fá fastan starfsmann í
sína þjónustu, er eigi hefði öðrum störfum að gegna.
Og nú er alt á góðum vegi og vinsældir fjelagsins fara
vaxandi ár frá ári, er sýnir sig meðal annars í því, að æfi-
fjelögum hefir fjölgað um rúmt hundrað á ári i þrjú nœst-
liðin ár, en ársfjelögum, sem því miður hafa reynst ærið
ótryggir margir hverjir, hefir fækkað. Er það góðs viti og
fjelaginu miklu hagkvæmara.
En þó fjelagið hafi beinlínis tapað allmiklu fje á þess-
ari starfsemi sinni, þá hefir beini og óbeini gróðinn, sem
af henni hefir leitt, orðið margfalt meiri. F*ó fjelagið hafi tap-
að, þá hafa fjelagarnir grætt og þá um leið landið í
heild sinni. Hentug og ódýr verkfæri hafa breiðst út
meðal almennings og menn hafa lært að nota þau sjer
til mikils verksparnaðar; menn hafa fengið gott fræ og
annað útsæði með betra verði en áður og um leið betri
uppskeru en ella, og það sem meira er, fjárhagur fje-
lagsins er engan veginn slæmur, eftir alt saman. í árs-
lok 1912 átti það rúm 14 þúsund krónur í sjóðum, sem