Ársrit Ræktunarfélags Norðurlands - 01.01.1913, Page 65

Ársrit Ræktunarfjelags Norðurlands. 69
kostur á sendnum jarðvegi, er leirjarðvegur einnig góð-
ur. Hann er næringarríkur og í honum þrífast margar
jarðeplategundir ágætlega. í mörgum jarðeplagörðum á
Akureyri er jarðvegurinn mjög mikið blandinn leiri og
möl. Þar sprettur vel. Sum jarðeplakyn þrífast vel í mýra-
jarðvegi. Svo er t. d. með Mossros. Eigi að taka mýri
til jarðeplayrkju, þarf fyrst að lokræsa hana vel og síðan
að bera t hana steinefni, leir eða sand, og helzt kalk eða
ösku. Alt þetta flýtir fyrir rotnun og sundurleySingu þeirra
efna, sem eru í mýrunum. En eigi er hægt að nota mýr-
ina til jarðeplayrkju, fyr en hún er orðin myldin. Það
getur orðið eftir 2 — 4 ár; fer það eftir því, hve seigur
jarðvegurinn hefir verið. Fyrst má sá rófum eða höfrum
í garðinn 1—2 ár. í myidnum mýrajarðvegi, hæfilega
blönduðum með steinefnum, spretta jarðeplin ágætlega.
Áburður. Eigi jarðepli að spretta vel, þarf að bera
mikið í garðinn. Það borgar sig margfalt betur að rækta
lítinn garð vel, en stóran illa. En að rækta garðinn vel,
er að sjá fyrir nægum og góðum áburði í hann og hirða
hann vel.
Til áburðar má nota ýms áburðarefni. Hin helztu skulu
hjer talin:
Hrossatað er talið einhver bezti áburður í jarðepla-
garða. Er það einkum vegna þess, að áburður sá er
svo auðleystur, en þess þurfa jarðeplin. Bezt er að
dreifa því yfir garðinn að vorinu og blanda moldina vel
með því, eða setja það í rákirnar með jarðeplunum, um
leið og þau eru sett niður.
Kvíamykja eða sauðatað undan ám er og ágætur
áburður. Vetrartað undan sauðfje er vart eins gott. Mjer
hefir reynst ágætlega að fara þannig með það: að mala
það, um leið og stungið er út úr húsunum, og láta það
síðan liggja í haug 1—2 daga, svo að dálítill hiti komi
í það. Það er svo látið kring um jarðeplin, þá þau eru
gróðursett.