Ársrit Ræktunarfélags Norðurlands - 01.01.1913, Blaðsíða 96

Arsrit Ræktunarfjelags Norðurlands. 101
í röðinni, en er nú hjer komin ofan í 10. sæti. Ástæðan
til þess er að nokkru skýrð hjer að framan.
Þegar litið er á uppskerumagnið sjerstaklega, mun
mörgum þykja það helzt til lítið.
Meðaluppskera allra afbrigða öll árin hefir verið 3889 kg.
Meðaluppskera 7 beztu afbrigðanna 4598 —
Hæsta uppskera, er viktuð hefir verið, var 12769 —
Því skal ekki neitað, að víða fæst miklu betri uppskera
en þetta, úr góðum görðum; en í þessu sambandi er
rjett að taka fram nokkur atriði, er komið geta til greina,
er dæmt er um tilraunauppskeruna. Þess er áður getið,
að sett er niður allgisið, 24 þuml. milli raða; er það gert
til þess að hafa gott rúm fyrir verkfæri við hreyking og
hreinsun, og einnig til þess að fá nægilegt bil milli af-
brigðanna, þar sem þau vaxa í röðum hlið við hlið.
Sennilega hefði að ósekju mátt þrengja plöntubilið ofaní
10 og 18 þuml., án þess að rýra sem nokkru næmi
uppskeru af hverri plöntu; víða í smágörðum er þrengra
millibil og fæst þó bezta uppskera. Pessi breyting mundi
hafa hækkað meðaluppskeruna úr hérumbil 4600 kg. upp
í 6600 kg. á dagsláttu, og fer þá að nálgast viðunandi
uppskeru. Annað, sem kemur til greina, er að búpenings-
áburður hefir altaf verið af skornum skamti, en lakara að
halda við góðri rækt með útlendum áburði svo langan
tíma. Tilraunasvæðið er því ekki í eins góðri rækt og
smágarðar, sem ómælt er dyngt í áburði á ári hverju.
Hjer hefir líka aðhlynning kartaflanna og umönnun líkst
því, sem alment gerist um kartöflurækt í stærri stíl. Við
íslendingar erum oft óánæðir með kartöfluuppskeruna,
og undarlega seint gengur þeirri ræktun að ná verulega
almennri útbreiðslu. Hún er auðvitað ekki óbrigðul, ein-
kum í óvanra höndum. En ef vjer athugum opinberar
skýrslur um kartöfluuppskeruna í þeim löndum, sem
betur mætti ætla að Ijeti með kartöfluræktina, þá sýnist