Ársrit Ræktunarfélags Norðurlands - 01.01.1913, Side 115
120
Arsrit Ræktunarfjelags Norðurlands.
í sínu lagi, en smátt og smátt kastað þeim, er ljelegastir
hafa reynst, þar til nú, að aðeins eru eftir 4. Margir
þessara stofna hafa reynst fremur vel, svo nálega hafa
þeir jafnast á við hin beztu afbrigði. Einn þeirra er til-
færður á skýrslunni undir nafninu Úrvalskartöflur.
En erfi^t er að dæma um þýðingu úrvalsins eftir þess-
um tilraunum, því framhaldsrækt upphafsstofnanna vant-
ar til samanburðar. En sjeu þessir stofnar bornir saman
við hin afbrigðin, sem ræktuð hafa verið samtímis, verð-
ur ekki með vissu vart ákveðinna framfara, sem úrvalinu
sje að þakka. Að svipaðri niðurstöðu verður einnig kom-
ist um úrvalsrækt Bodökartaflanna; þær hafa að meðal-
tali ekki staðið hinum óvöldu Bodökartöflum framar.
Hvorugar þessar tilraunir verður því hægt að taka til
stuðnings úrvalsræktuninni. Með því vil eg þó engan-
veginn segja, að þær sjeu svo ítarlegar eða víðtækar, að
nokkurn fullnaðardóm sje á þeim að byggja að svo
komnu, enda mun Ræktunarfjelagið athuga þetta atriði
nánar framvegis.
Þýðing afbrigðatilrauna.
Af skýrslunum hjer að framan má sjá, að þau afbrigði,
er fjelagið hefir haft til tilrauna,. hafa gefið talsvert mis-
munandi uppskeru, jafnvel svo, að meira en helmings
munur er milli bezta og lakasta afbrigðis. F’að er því
auðsjeð, hve mikils vert það er að geta náð í beztu af-
brigðin til ræktunar, samanborið við önnur, er aðeins
eru miðlungsafbrigði eða þar undir. Sje gert ráð fyrir,
að kartöflur þær, sem alment eru ræktaðar meðal al-
mennings, sjeu svipaðar að gæðum og meðalafbrigðið,
og að kartöfluuppskera landsins verði að minsta kosti
ekki minni en 35,000 tn. á ári, þá ætti hún að aukast
um rúmar 11,000 tn., ef alment væri notað ígildi bezta
afbrigðisins til útsæðis. Sje svo tn. metin á 8 kr., sem