Ársrit Ræktunarfélags Norðurlands - 01.01.1913, Page 118
I
Búnaðarathuganir.
Eftir
Jakob H. Ltndal, framkvæmdastjóra.
Vjer lifum á breytinga og umbótaöld. Allar umbætur
byggjast að einhverju leyti á þekkingu. En öll þekking
á athugun eða reynslu. Sum þekking er árangur af at-
hugunum og reynslu einstakra sjerfræðimanna. Önnur
aftur á móti bygðar á heildarraun fjölda einstaklinga.
Mörg þekking hefir allsherjargildi, er bundin lögmáli, er
alstaðar er hið sama, og öllum getur orðið að gagni.
Önnur þekkingaratriði eru aftur á móti sínum gildistak-
mörkum bundin fyrir hverja þjóð, hvern landshluta og
jafnvel hvern einstakling. — Pað hefir t. d. allsherjarþýð-
ingu að þekkja og kunna að nota sjer vogstangaraflið.
Á því byggist nú margt í vinnuvjelum, og það notum
vjer daglega að einhverju leyti við næstum hvaða vinnu
sem vjer höfum með höndum. Dugnaður manna og verk-
lægni fer mjög eftir því, hve vel þeim tekst að láta
þetta lögmál ljetta sjer vinnuna. — Það varðar oss ís-
lendinga eina, að komast eftir því, hverjar nytjajurtir geti
þrifist hjer og hvernig skuli haga ræktun þeirra, svo hún
beri sem beztan árangur. Undir þessari þekkingu er jarð-
rækt vor mikið komin. Og það varðar einstaklinginn,
Pjetur eða Pál, að vita, hve kyngóð hún Kolla hans er,
eða hver kýrin mjólkar bezt. Undir þessu atriði
getur búpeningsrækt hans að miklu leyti verið komin.