Ársrit Ræktunarfélags Norðurlands - 01.01.1913, Blaðsíða 127

132 Arsrit Ræktunarfjelags Norðurlands.
Qarðyrkja. — Það skýrsluform lýtur aðeins að garð-
yrkjunni. Eru þar fáar spurningar erfiðar. í fyrsta dálki
var ætlast til að stæði um aldur garðsins, ef hann er
kunnur. í þann dálk mætti einnig tilfæra, hvenær sáð
væri að vorinu. Pá er um stærð garðsins, sundurliðað
fyrir kartöflur og rófur. Hjer er eyða í landhagsskýrslur
vorar. Stærð garða er þar ekki tilfærð, og verður þvi
ekkert um það vitað, hvað garðar að meðaltali gefa af
sjer af hverju fyrir sig. En það er einmitt mikilsvert at-
riði, sem þarf að komast eftir hið fyrsta,—Undir áburð-
arliðinn er tilfært, hverskonar áburður er borinn á garð-
inn og hve mikill. Slíkar tölur geta auðvitað ekki orðið
teknar með öllu bókstaflega. F*að er ekki tilgangurinn,
að hver köggull sje vigtaður, en að menn geri sjer grein
fyrir, hve mikið þeir bera á í hesta- eða kerrutali, og má
þaraf álykta um þyngdina. Væri það mikil framför frá
því, sem eg veit að nú á sjer víða stað, að menn bera
í garðana eitthvað út í bláinn, án þess að gera sjer veru-
legu grein fyrir, hve mikið eða lítið það er, og án þess
að athuga, hvernig í garðinn hefir verið borið undan-
farandi ar. — Loks er dálkur um, hvort vermireitur hefir
verið notaður og hvort trje, runnar og blóm sjeu ræktuð
eða ekki. Sje þar um leið tilfært það ár, er fyrst var
plantað í garðinn, er þetta góður leiðarvísir til þess að
átta sig á nú, hver árangur verður að trjáræktarstarfseminni
hjer norðanlands, en fyrir siðari tímann öruggar heimild-
ir fyrir sögu þessa máls.
Skýrsla um ýms búnaðaratriöi -Flestu í henni
má svara með já eða nei. Hún er einnig þannig löguð,
að engin þörf er að safna til hennar á hverju ári. Flest það,
sem spurt er um, eru búnaðarhagsleg og menningarleg
atriði, sem mikilsvert er að safnað sje nú á þessum
breytilegu tímum. Nú þegar hefir hún leitt í Ijós mjög
mismunandi ástand í hinum ýmsu sýslu- og sveitafjelög-
um, og að mannsaldri liðnum, þegar gleymskan er farin
að breiða blæju sína yfir ástand og viðburði nútímans,