Ársrit Ræktunarfélags Norðurlands - 01.01.1913, Blaðsíða 133

138
Ársrit Ræktunarfjelags Norðurlands.
nú hneppin, er hann gefur daglega í hverju húsi. Mundi
héntast að skrifa það á spjald með blýant við, er fest
væri um stoð í húsinu. Hneppatalan væri svo smátt og
smátt færð inní bók, er til þess væri höfð. Hneppafjöld-
inn margfaldaður með tilsvarandi hneppisþyngd yrði þá
heyeyðslan yfir veturinn. Einstaka góða bændur veit eg
hafa talið þannig saman hneppagjöfina yfir veturinn, og
á sumum stöðum í Pingeyjarsýslu mun fóðureyðsla sauð-
fjár vegin með meiri nákvæmni en hjer er gert ráðfyrir.
Á útbeitarjörðum mundu bændur hafa gaman af að bera
saman mánaðarlega fóðureyðslu í mismunandi vetrum, og
þannig lagaðar skýrslur frá ýmsum bændum og frá ýms-
um hjeruðum landsins gætu haft mikinn fróðleik að
geyma. Þótt hjer sje ekki um jafnmíkið nauðsynjamál að
ræða og fóður- og mjólkurskýrslur kúnna.
e. Búfjártala og áburður, Síðustu liðirnir á skýrslunni
þurfa ekki mikillar útskýringar við. Aðeins skal tekið
fram, að alt búfje skal talið, hverjir sem það eiga. Að
minsta kosti sje heyja handa því aflað ájörðinni, og tað
þess sje ekki flutt í burtu, því framtal þetta er aðallega
gert vegna áburðarins. Nautgripi skal telja eins árs og
eldri. Um hross verður að áætla, hvað innistöðutími svari
til margra hrossa yfir veturinn á íullri gjöf, og telja svo
eftir því. Útstungu á sauðataði mætti haga svo, að hægt
væri að vita með nokkurnveginn vissu, undan hve mörgu
væri brent og borið á.
Sjeu þessi atriði gaumgæfilega tilfærð, má af þessari
skýrslu meðal annars fá vitneskju um, hve mikill áburð-
ur alment gengur til þess að framleiða ákveðna þyngd
af töðu. Reyndar hefði verið mjög æskilegt að fá um
leið ákveðna stærð túnanna, en um það sáum vjer oss
ekki fært að spyrja, meðan flest tún eru ómæld. Er von-
andi að ekki dragist lengi, áður en hægt verður að hrinda
svo nauðsynlegu og sjálfsögðu máli til framkvæmda. Hjer
fáum vjer þvf að sinni aðeins að vita, hve mikil taða
fæst af túnunum, og svo, hve áburður undan mörgum