Ársrit Ræktunarfélags Norðurlands - 01.01.1930, Page 23

73
Þó yfirburðir sáðsléttunnar, í þessari tilraun, virð-
ist mjög ótvíræðir, er eg við því búinn, að þessar nið-
urstöður verði á ýmsan hátt véfengdar, því trúin á
gildi tilraunastarfseminnar á jarðræktarsviðinu er yf-
irleitt veik. Því er t. d. oft haldið fram, að uppskera af
tiltölulega smáum tilraunareitum hafi lítið gildi fyrir
ræktun í stórum stíl — þó góð uppskera fáist af smá-
reit, gildi eigi hið sama, þegar um heilan hektara eða
ennþá stærra land sé að ræða.
Eg vil þá fyrst benda á það, að í tilraun þessari er i
raun og veru um 4 hliðstæðar tilraunir að læða, sem
öllum ber saman í meginatriðunum. Auk þessa er hver
liður endurtekinn á 3 reitum. í raun og veru er því
hver ræktunaraðferð reynd í 12 tilraunum eða til-
raunareitum, hver reitur er, með varðbelti, 67.5 m2 og
er þá stærð þess lands, sem hver aðferð er reynd á, 810
m2. Þegar svo þessum reitum er dreift um land, sem
er full vallardagslátta að stærð, þá verður niðurstaðan
sú sama, sem hver ræktunaraðferð hefði verið reynd á
1 vallardagsláttu eða 3200 m2. Það er ekki hægt að
færa nein skynsamleg rök fyrir því, að niðurstöður vel
gerðra tilrauna geti eigi fyllilega fallist í faðma við
hina praktisku reynslu, ef hin ytri skilyrði, jarðvegur,
veðrátta, aðbúð og aðferðir eru hin sömu. Til þess þó
að fá öruggari staðfestingu á uppskerumöguleikum
sáðsléttanna, var sáð vorið 1929 grasfræi í 1 % ha.
Jarðvegurinn var ófrjór flagmór, sem var brotinn
haustið 1927; höfrum var sáð í flagið 1928 og þá bor-
ið í það talsvert af búfjáráburði, síld og safnhauga-
mold. Landið var plægt aftur haustið 1928 og svo sáð
í það grasfræi næsta vor, var þá borinn á tilbúinn á-
burður, álíka áburðarmagn og notað hefur verið við
tilraunina. Það sumar fengust ca. 35 hestar af heyi pr.
ha. Síðastliðið vor fékk þetta land 300 kg. nitrophoska