Ársrit Ræktunarfélags Norðurlands - 01.01.1973, Side 1

MATTHÍAS EGGERTSSON:
SKIPULAGNING
LANDBÚNAÐARRANNSÓKNA
Rannsóknarstarfsemi er í eðli sínu tímafrek. Einstaka at-
hugun og tilraun getur tekið skamman tíma, en oft þarf að
bíða árum saman eftir svari. Mælingar þarf að gera ár eftir
ár til að niðurstaða sé staðfest stærðfræðilega. Þessu er ekki
unnt að flýta svo að neinu nemi. Viðfangsefnin eru háð lög-
málum lífsins. Gróðurinn þarf tíma til að vaxa og vaxtar-
tíminn er stuttur hér á norðlægum slóðum, og vaxtarlög-
málum búfjárins verður ekki stórlega breytt.
Rannsóknarstarfsemi þykir sjálfsögð í nútíma þjóðfélagi.
Sýnt hefur verið fram á, að fé til hennar hefur skilað sér
aftur margfaldlega til þjóðfélagsins. Til hennar er því veitt
af almannafé.
Rannsóknastofnun landbúnaðarins hefur á fjárlögum
1973 í framlög um 42.5 milljónir kr., en önnur opinber
framlög til landbúnaðarrannsókna hér á landi munu vera
nálægt einni milljón króna á þessu ári.
Hér er um töluvert fé að ræða, sem almenningur á kröfu
á að nýtist sem bezt.
Aður var nefnt að rannsóknir taka langan tíma. Það knýr
á um, að unnið sé skipulega að verkefnum og gerðar séu
áætlanir fram í tímann.
3