Ársrit Ræktunarfélags Norðurlands - 01.01.1973, Page 63

skjól og eins líklega ofurlítið snjóskýli á vetrum, en hins
vegar ekki svell.
4. TJARNSTÆÐI
1 þeim er mosinn næstum einráður, og nær eingöngu Drep-
anocladus uncinatus, en á blettum grisjar í leirjarðveginn
undir mosaþekjunni, og er þar víða dálítið af skriðlíngresi.
Blandtegundirnar finnast á stangli, hinar sömu og í hinum
gróðurlendunum, en miklu strjálli. í einu slíku tjarnstæði,
rétt vestan við vitann, fann ég stör, sem er annaðhvort
heigulstör (Carex glareosa) eða rjúpustör (C. lachenali).
5. BLANDAÐ GRÓÐURLENDI
Á mörkum áðurnefndra góðurlenda má finna allskonar
sambland af þeim, og nær það reyndar víða yfir allstórt
svæði, t. d. austantil á Fontinum. Þannig er t. d. víða ríkj-
andi mosi (Drepanocladus) eins og í tjarnstæðunum, en
með meira íblandi af háplöntum, eins og vinglum, sveif-
grasi, grasvíði, kornsúru, lambagrasi, kattartungu, skarfa-
kdli o. s. frv.
6. URÐIR, MELAR
Þetta gróðurlendi finnst naumast yzt á Fonti, nema ef vera
skyldi þar sem blásið hefur af norðausturhorninu, en þar
er hreint enginn gróður sjáanlegur. Nokkru vestar á nesinu
eru hins vegar víðlendar urðir, með allmörgum háplöntu-
tegundum á stangli, en gamburmosinn (Rhacomitrium lan-
uginosum) gefur þó gróðrinum mestan svip, og svo ýmsar
skófategundir á steinunum. í einni slíkri urð skammt frá
bjargkofarústum á norðurbrúninni, skrifaði ég upp þessar
tegundir: þúfusteinsbrjótur (Saxifraga caespitosa), stinna-
stör (Carex bigelowi), blávingull (Festuca vivipara), lamba-
gras (Silene acaulis), geldingahnappur (Armeria vulgaris),
67