Ársrit Ræktunarfélags Norðurlands - 01.01.1973, Síða 72

búrekstraráætlanagerð. Vonandi hafa einhverjir ráðunaut-
anna haldið áfram á þeirri braut og aflað reynslu. Það, sem
ég hafði helzt að athuga við það form að áætlunum, sem
þá kom fram var, að það var óþarflega nákvæmt og of mikið
farið út í smáatriði og varð það því tiltölulega erfitt fyrir
venjulega bændur til að átta sig á. Mér finnst til að mynda
ekki raunhæft að reikna út, hvað ákveðinn skammtur af
áburði muni skila mörgum fóðureiningum, eða hvað ákveð-
inn fjöldi fóðureininga muni skila miklu af mjólk eða kjöti.
Málið er ekki svo einfalt að hægt sé að segja við bóndann:
Til að auka mjólkurframleiðsluna um 1000 lítra á hverja kú
á ári, þarft þú aðeins að auka kjarnfóðurgjöfina um 400 kg
á kú. Það eru ótal atriði í hirðingu og fóðrun búfjár, sem
ekki geta komið inn á neina áætlun, en þó hafa úrslita-
þýðingu á hverjar afurðirnar verða.
Rekstraráætlun má ekki grípa of mikið inn í aðrar leið-
beiningar. Auðvitað getur verið raunhæft að taka tillit til
þess, ef bóndinn vill breyta um búskaparlag og stefna að því
að fá meiri afurðir, og vel getur svo farið að áætlunin verði
til þess að bóndinn leiti til ráðunautanna, til að fá ráð til
þess.
76