Ársrit Ræktunarfélags Norðurlands - 01.01.1973, Page 86

að gagnskoða hvað hægt er að gera við þann áburð er til
fellur hjá hænsnabændum þar í landi.
I Danmörku er einnig unnið að athugunum á því hvernig
megi nota hænsnaskít handa kúm, og í dag standa málin
þannig, að sennilega er bezta verksmiðja í heimi til fram-
leiðslu á fóðri úr búfjáráburði starfrækt í Danmörku. í
Danmörku eins og í Hollandi, er þó löggjöf þannig varið,
að hún leyfir ekki að settur sé hænsnaskítur í kúafóður-
blöndur. Hins vegar eru nú í gangi tilraunir með þannig
fóður handa holdanautpeningi.
I austurevrópulöndum er einnig unnið að þessum málum
NOTKUN KÚAMYKJU
Þar sem reknir eru stórir búgarðar með nautpening, oft við
lítið land eins og gengur og gerist í Ameríku, þá safnast að
sjálfsögðu saman heil ósköp af mykju. Frá því var skýrt
fyrir tveim árum í amerísku blaði, að farið væri að nota
mykju til bygginga. Upphafsmaður að þessu var bóndi
nokkur í Kaliforníu, sem rak stórbú með holdanaut. Hafði
hann á búgarði sínum um tuttugu þúsund gripi, sem létu
frá sér á dag um 80 tonn af mykju. Þessi bóndi hafði, sem
fleiri vestur þar, land lítið og keypti mest sitt fóður að. Var
nú svo komið, að enginn fékkst til að kaupa af honum bú-
fjáráburðinn og kostnaður mikill við að fjarlægja hann.
Var því orðinn við fjós hans haugur upp á þrjátíu þúsund
tonn. Sá bóndi að hér stefndi í hreint óefni og fór á fund
prófessors við háskólann í Los Angeles og saman reyndu
þeir að ráða fram úr þeim vanda að losna við mykjuna.
Árangurinn af þessu grúski varð sá, að uppfundið var nýtt
byggingarefni úr mykju og möluðu úrgangsgleri. Mykjunni
og glerinu var blandað saman og blandan hituð og fékkst
þannig efni, sem upplagt hefur reynzt til bygginga. Efni
þetta brennur ekki, það má saga og bora í það og hægt er að
nota það bæði í þakklæðningu, vegghleðslu og vatnsrör.
Þessi kaliforniski bóndi hefur nú byggt heljar mikla verk-
90